ជាតិ
នយោបាយជាតិ
សម្តេច ហ៊ុន សែន ឲ្យមន្ត្រីដោះស្រាយបញ្ហាដែលផ្តល់តាមហ្វេសប៊ុក អ្នកវិភាគគាំទ្រ
×![]()
សម្តេចនាយករដ្ឋមន្ត្រី ហ៊ុន សែន បញ្ជាឲ្យ ក្រសួង ស្ថាប័ន និងអាជ្ញាធរ តាមដាននិងដោះស្រាយបញ្ហារបស់ពលរដ្ឋ ដែលរាយការណ៍នៅលើទំព័រ ហ្វេសប៊ុក (Facebook) ផ្លូវការរបស់លោក។ អ្នកវិភាគ យល់ឃើញថា ការដាក់ចេញបញ្ជានេះ គឺនាយករដ្ឋមន្ត្រី បានដឹងពីការអសមត្ថភាពដោះស្រាយ របស់បណ្ដាក្រសួង ស្ថាប័ន ពាក់ព័ន្ធកន្លងមក ។តែយ៉ាងណាអ្នកវិភាគថា គាំទ្រ យន្តការថ្មីនេះ ដែលអាចជួយជំរុញឲ្យអាជ្ញាធរពាក់ព័ន្ធដោះស្រាយបញ្ហាជូនពលរដ្ឋ ។ ប៉ុន្ដែវាស្ថិតលើចិត្តស្មោះរបស់សម្ដេច ហ៊ុន សែន និងមន្ត្រីតាមក្រសួង ស្ថាប័នទាំងនោះថាតើ អាចដោះស្រាយបញ្ហាជូនពលរដ្ឋបានកម្រិតណា។
ការដាក់ចេញយន្តការថ្មីនេះ គឺជារឿងមួយល្អ សម្រាប់ដោះស្រាយបញ្ហាប្រជាពលរដ្ឋ ដែលធ្លាប់ជួបបញ្ហាដីធ្លី ភាពអយុត្តិធម៌ក្នុងសង្គម។ នេះជាការយល់ឃើញរបស់លោក រស់ រ៉ាវុធ អ្នកវិភាគនយោបាយ មុនបន្ថែមថា ប្រជាពលរដ្ឋដែលធ្លាប់ជួបបញ្ហាទុក្ខលំបាក ដែលត្រូវបានរងការកៀបសង្កត់ មិនមានការដោះស្រាយនោះ គួរតែចូលទៅរៀបរាប់ពីបញ្ហាខ្លួននៅក្នុងហ្វេសប៊ុក សម្ដេច ហ៊ុន សែន ដែលប្រកាសថានឹងដោះស្រាយបញ្ហាពលរដ្ឋនេះ។
លោក រស់ រ៉ាវុធ មើលឃើញថា យន្តការថ្មីរបស់សម្ដេច ហ៊ុន សែន នេះ គឺអាចឲ្យប្រមុខរដ្ឋាភិបាលទទួលបានព័ត៌មានពិតច្រើន ។ ជាពិសេសធ្វើឲ្យមន្ត្រីថ្នាក់ក្រោមមានការប្រុងប្រយ័ត្ន ក្នុងការអនុវត្តការងារ និងកាត់បន្ថយបញ្ហាពលរដ្ឋច្រើនដែរ។
ថ្លែងប្រាប់សារព័ត៌មានថ្មីៗ អ្នកវិភាគរូបនេះ បញ្ជាក់ដូច្នេះថា៖«តាមរយៈប្រមុខរដ្ឋាភិបាល បានតាមដានហ្វេសប៊ុក គឺគាត់អាចដឹងពីរឿងពិតច្រើងជាងការស្ដាប់និងទទួលព័ត៌មានមិនពិតពីថ្នាក់ក្រោមកន្លងមក។ ហើយការដាក់ចេញយន្តការថ្មីឲ្យមន្ត្រីថ្នាក់ក្រោមតាមដានហ្វេសប៊ុកនេះ ជារឿងមួយល្អដែលលោកនាយករដ្ឋមន្ត្រីដោះស្រាយបញ្ហាពលរដ្ឋ ដែលធ្វើឲ្យមន្ត្រីថ្នាក់ក្រោមមានការប្រុងប្រយ័ត្នជាងមុន ។ ហើយបើការអនុវត្តត្រឹមត្រូវនោះវាអាចកាត់បន្ថយទុក្ខលំបាកប្រជាពលរដ្ឋ បញ្ហាបក្សពួក បញ្ហាពុករលួយ។ តែប្រមុខរដ្ឋាភិបាលត្រូវតាមដានមើលដែរមិនមែនដាក់តែបញ្ជាហើយ ឈប់រវល់នោះឡើយ»។
អ្នកវិភាគលោក មាស នី យល់ថា យន្តការថ្មីនេះអាចជំរុញឲ្យមន្ត្រីថ្នាក់ក្រោមសកម្មក្នុងការដោះស្រាយបញ្ហាជូនពលរដ្ឋជាងមុន ហើយមន្ត្រីមានអំណាច ដែលធ្វើទុក្ខបុកម្នេញទៅលើប្រជាពលរដ្ឋក៏មានការកោតខ្លាចដែរ។ ប៉ុន្ដែអាស្រ័យលើរដ្ឋាភិបាលថាតើនឹងដោះស្រាយបញ្ហាជូនពលរដ្ឋបានកម្រិតណា។ លោកថា បើសិនជាការដាក់ចេញបញ្ជានេះហើយ តែរដ្ឋាភិបាលមិនតាមដានការអនុវត្តដោះស្រាយបញ្ហាជូនពលរដ្ឋរបស់មន្ត្រីថ្នាក់ក្រោមទេ នោះការដាក់បញ្ជារបស់រដ្ឋាភិបាលនេះក៏គ្មានប្រសិទ្ធភាពដែរ។
«បើសិនជាការដាក់ចេញវិធានការនេះហើយ រដ្ឋាភិបាលត្រូវតាមដានមើលមន្ត្រីថ្នាក់ក្រោមថាតើរបៀបដោះស្រាយបញ្ហាជូនពលរដ្ឋយ៉ាងម៉េច?ឆ្លើយតបជាមួយពលរដ្ឋយ៉ាងម៉េច? ហើយបើអាចដោះស្រាយបាននូវអ្វីដែលពលរដ្ឋជួបប្រទះបញ្ហានឹងសំណូមពរជួយដោះស្រាយនោះទើបមានប្រសិទ្ធភាព ។ តែបើគ្មានការដោះស្រាយត្រឹមត្រូវដដែលនោះ រដ្ឋាភិបាលនឹងរឹតតែបាត់បង់ការគាំទ្រកាន់តែខ្លាំង»។នេះជាការបញ្ជាក់របស់លោក មាស នី ដែលមើលឃើញថា តាមរយៈការប្រើប្រាស់បណ្ដេញហ្វេសប៊ុក ឆ្លងឆ្លើយជាមួយប្រជាពលរដ្ឋកន្លងមកនេះ ប្រមុខរដ្ឋាភិបាល ក៏បានជួយដោះស្រាយបញ្ហាច្រើនផងដែរ ដូចជាបញ្ហាផ្លូវវេងស្រេង ផ្លូវជាតិលេខ៤ និងផ្លូវជាតិលេខ៣ជាដើម។
តែយ៉ាងណាអ្នកវិភាគនយោបាយទាំងនេះ ជំរុញរដ្ឋាភិបាលដែលបានប្រើប្រាស់ហ្វេសប៊ុកឆ្លើយឆ្លងជាមួយពលរដ្ឋ ដើម្បីដោះស្រាយបញ្ហាពួកគេនេះ គួរតែដោះស្រាយដោយស្មោះត្រង់ មិនមែនគ្រាន់តែសម្ដែងទេ ព្រោះអាចឲ្យរដ្ឋាភិបាលបរាជ័យ និងបាត់បង់ការគាំទ្រកាន់តែខ្លាំងជាងនេះ។
សម្ដេចនាយករដ្ឋមន្ត្រី ហ៊ុន សែន បានណែនាំឲ្យស្ថាប័ន ក្រសួងជំនាញ និងអាជ្ញាធរមូលដ្ឋាន យកចិត្តទុកដាក់ដោះស្រាយបញ្ហារបស់ប្រជាពលរដ្ឋ ដែលបានរាយការណ៍ នៅលើបណ្តាញសង្គម ហ្វេសប៊ុករបស់លោកឲ្យទាន់ពេលវេលា។ប្រមុខរដ្ឋាភិបាលបញ្ជាក់ថា លោកនឹងបញ្ជូនបញ្ហាទាំងនោះ ទៅឲ្យក្រសួងពាក់ព័ន្ធដើម្បីដោះស្រាយ នៅពេលដែលពលរដ្ឋសំណូមពរកាន់តែច្រើន នៅលើហ្វេសប៊ុកខ្លួន៕
ការដាក់ចេញយន្តការថ្មីនេះ គឺជារឿងមួយល្អ សម្រាប់ដោះស្រាយបញ្ហាប្រជាពលរដ្ឋ ដែលធ្លាប់ជួបបញ្ហាដីធ្លី ភាពអយុត្តិធម៌ក្នុងសង្គម។ នេះជាការយល់ឃើញរបស់លោក រស់ រ៉ាវុធ អ្នកវិភាគនយោបាយ មុនបន្ថែមថា ប្រជាពលរដ្ឋដែលធ្លាប់ជួបបញ្ហាទុក្ខលំបាក ដែលត្រូវបានរងការកៀបសង្កត់ មិនមានការដោះស្រាយនោះ គួរតែចូលទៅរៀបរាប់ពីបញ្ហាខ្លួននៅក្នុងហ្វេសប៊ុក សម្ដេច ហ៊ុន សែន ដែលប្រកាសថានឹងដោះស្រាយបញ្ហាពលរដ្ឋនេះ។
លោក រស់ រ៉ាវុធ មើលឃើញថា យន្តការថ្មីរបស់សម្ដេច ហ៊ុន សែន នេះ គឺអាចឲ្យប្រមុខរដ្ឋាភិបាលទទួលបានព័ត៌មានពិតច្រើន ។ ជាពិសេសធ្វើឲ្យមន្ត្រីថ្នាក់ក្រោមមានការប្រុងប្រយ័ត្ន ក្នុងការអនុវត្តការងារ និងកាត់បន្ថយបញ្ហាពលរដ្ឋច្រើនដែរ។
ថ្លែងប្រាប់សារព័ត៌មានថ្មីៗ អ្នកវិភាគរូបនេះ បញ្ជាក់ដូច្នេះថា៖«តាមរយៈប្រមុខរដ្ឋាភិបាល បានតាមដានហ្វេសប៊ុក គឺគាត់អាចដឹងពីរឿងពិតច្រើងជាងការស្ដាប់និងទទួលព័ត៌មានមិនពិតពីថ្នាក់ក្រោមកន្លងមក។ ហើយការដាក់ចេញយន្តការថ្មីឲ្យមន្ត្រីថ្នាក់ក្រោមតាមដានហ្វេសប៊ុកនេះ ជារឿងមួយល្អដែលលោកនាយករដ្ឋមន្ត្រីដោះស្រាយបញ្ហាពលរដ្ឋ ដែលធ្វើឲ្យមន្ត្រីថ្នាក់ក្រោមមានការប្រុងប្រយ័ត្នជាងមុន ។ ហើយបើការអនុវត្តត្រឹមត្រូវនោះវាអាចកាត់បន្ថយទុក្ខលំបាកប្រជាពលរដ្ឋ បញ្ហាបក្សពួក បញ្ហាពុករលួយ។ តែប្រមុខរដ្ឋាភិបាលត្រូវតាមដានមើលដែរមិនមែនដាក់តែបញ្ជាហើយ ឈប់រវល់នោះឡើយ»។
អ្នកវិភាគលោក មាស នី យល់ថា យន្តការថ្មីនេះអាចជំរុញឲ្យមន្ត្រីថ្នាក់ក្រោមសកម្មក្នុងការដោះស្រាយបញ្ហាជូនពលរដ្ឋជាងមុន ហើយមន្ត្រីមានអំណាច ដែលធ្វើទុក្ខបុកម្នេញទៅលើប្រជាពលរដ្ឋក៏មានការកោតខ្លាចដែរ។ ប៉ុន្ដែអាស្រ័យលើរដ្ឋាភិបាលថាតើនឹងដោះស្រាយបញ្ហាជូនពលរដ្ឋបានកម្រិតណា។ លោកថា បើសិនជាការដាក់ចេញបញ្ជានេះហើយ តែរដ្ឋាភិបាលមិនតាមដានការអនុវត្តដោះស្រាយបញ្ហាជូនពលរដ្ឋរបស់មន្ត្រីថ្នាក់ក្រោមទេ នោះការដាក់បញ្ជារបស់រដ្ឋាភិបាលនេះក៏គ្មានប្រសិទ្ធភាពដែរ។
«បើសិនជាការដាក់ចេញវិធានការនេះហើយ រដ្ឋាភិបាលត្រូវតាមដានមើលមន្ត្រីថ្នាក់ក្រោមថាតើរបៀបដោះស្រាយបញ្ហាជូនពលរដ្ឋយ៉ាងម៉េច?ឆ្លើយតបជាមួយពលរដ្ឋយ៉ាងម៉េច? ហើយបើអាចដោះស្រាយបាននូវអ្វីដែលពលរដ្ឋជួបប្រទះបញ្ហានឹងសំណូមពរជួយដោះស្រាយនោះទើបមានប្រសិទ្ធភាព ។ តែបើគ្មានការដោះស្រាយត្រឹមត្រូវដដែលនោះ រដ្ឋាភិបាលនឹងរឹតតែបាត់បង់ការគាំទ្រកាន់តែខ្លាំង»។នេះជាការបញ្ជាក់របស់លោក មាស នី ដែលមើលឃើញថា តាមរយៈការប្រើប្រាស់បណ្ដេញហ្វេសប៊ុក ឆ្លងឆ្លើយជាមួយប្រជាពលរដ្ឋកន្លងមកនេះ ប្រមុខរដ្ឋាភិបាល ក៏បានជួយដោះស្រាយបញ្ហាច្រើនផងដែរ ដូចជាបញ្ហាផ្លូវវេងស្រេង ផ្លូវជាតិលេខ៤ និងផ្លូវជាតិលេខ៣ជាដើម។
តែយ៉ាងណាអ្នកវិភាគនយោបាយទាំងនេះ ជំរុញរដ្ឋាភិបាលដែលបានប្រើប្រាស់ហ្វេសប៊ុកឆ្លើយឆ្លងជាមួយពលរដ្ឋ ដើម្បីដោះស្រាយបញ្ហាពួកគេនេះ គួរតែដោះស្រាយដោយស្មោះត្រង់ មិនមែនគ្រាន់តែសម្ដែងទេ ព្រោះអាចឲ្យរដ្ឋាភិបាលបរាជ័យ និងបាត់បង់ការគាំទ្រកាន់តែខ្លាំងជាងនេះ។
សម្ដេចនាយករដ្ឋមន្ត្រី ហ៊ុន សែន បានណែនាំឲ្យស្ថាប័ន ក្រសួងជំនាញ និងអាជ្ញាធរមូលដ្ឋាន យកចិត្តទុកដាក់ដោះស្រាយបញ្ហារបស់ប្រជាពលរដ្ឋ ដែលបានរាយការណ៍ នៅលើបណ្តាញសង្គម ហ្វេសប៊ុករបស់លោកឲ្យទាន់ពេលវេលា។ប្រមុខរដ្ឋាភិបាលបញ្ជាក់ថា លោកនឹងបញ្ជូនបញ្ហាទាំងនោះ ទៅឲ្យក្រសួងពាក់ព័ន្ធដើម្បីដោះស្រាយ នៅពេលដែលពលរដ្ឋសំណូមពរកាន់តែច្រើន នៅលើហ្វេសប៊ុកខ្លួន៕
Tag:
ហ៊ុន សែន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
