ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ការពេញនិយមប្រើប្រាស់បណ្ដាញសង្គមគ្រប់ប្រភេទសព្វថ្ងៃ គឺជាមធ្យោបាយដ៏សំខាន់មួយដើម្បីផ្សព្វផ្សាយវប្បធម៌ ប្រពៃណី ចំណេះដឹង ពាណិជ្ជកម្ម អប់រំ សុខភាព ភ្ជាប់ទំនាក់ទំនងរវាងមិត្តភក្តិនិងមិត្តភក្តិ បុគ្គលិកនិងចៅហ្វាយនាយ ជាដើម។ ចំណែកនៅក្នុងភាសាសរសេរទំនាក់ទំនងគ្នានោះគេឃើញមានភាសាផ្សេងៗគ្នាដែលគេសរសេរ ទៅតាមចំណេះដែលគេមានចំពោះភាសា។
ការសរសេរ នៅក្នុងបណ្ដាញសង្គមបច្ចុប្បន្ននេះ យុវជនខ្មែរ បញ្ញវន្តខ្មែរ ពលរដ្ឋខ្មែរពេញនិយមយ៉ាងខ្លាំង នៅក្នុងការសរសេរជាអក្សរអង់គ្លេស តែសូរប្រកបជាភាសាខ្មែរ។ នៅពេលដែលយុវជនខ្មែរពេញនិយម សរសេរនៅតាមបណ្ដាញសង្គមបែបនេះ វាមិនត្រឹមតែធ្វើឲ្យសមត្ថភាពផ្នែកភាសាអង់គ្លេសខ្លួនមិនរីកចម្រើនប៉ុណ្ណោះទេ ប៉ុន្តែសូម្បីតែភាសាជាតិរបស់ខ្លួន ក៏ខ្លួនវង្វេងសរសេរមិនត្រឹមត្រូវ មិនច្បាស់លាស់ផងដែរ។
ទោះបីការសរសេរនៅក្នុងបណ្ដាញសង្គមសម្រាប់តែការកម្សាន្ត ប៉ុន្តែនៅពេលដែលអ្នកទាំងនោះត្រូវការសរសេរផ្លូវការ មនុស្សមួយចំនួនធំ សរសេរអក្សរខ្មែរខុស ច្រើនជាងសរសេរឲ្យបានត្រឹមត្រូវតាមវចនានុក្រមខ្មែរ។ ទោះបីជាមានមនុស្សមួយចំនួនគិតថា មិនផ្លូវការ តែអ្នកទាំងអស់នោះហាក់ដូចជាភ្លេចថា នៅសម័យបច្ចេកវិទ្យា សម័យវិទ្យាសាស្ត្រ ឥទ្ធិពលនៃសម្ភារទំនើប ជាពិសេសបណ្ដាញសង្គមនេះ មានឥទ្ធិពលខ្លាំងបំផុតចំពោះខួរក្បាលមនុស្សសម័យថ្មី។
ពិតណាស់ នៅពេលយុវជនខ្មែរ បន្តសរសេរនៅលើបណ្ដាញសង្គមបែបនេះ វាគឺជាការផ្សព្វផ្សាយនិងបំផ្លាញភាសាជាតិ។ ទីបំផុតកូនខ្មែរពីមួយជំនាន់ទៅមួយជំនាន់នាំគ្នាសរសេរភាសាខ្លួនឯងតាមគ្នា ហើយពាក្យទាំងនោះមិនមែនជាពាក្យដែលត្រឹមត្រូវ ទៅតាមវចនានុក្រមខ្មែរដែលបានកំណត់។
គួររំលឹកឡើងវិញថា សិស្សនិស្សិតខ្មែរ ពលរដ្ឋខ្មែរ បញ្ញវន្ដខ្មែរ គួរនាំគ្នាភ្ញាក់ខ្លួនឡើងវិញថា របៀបសរសេររបស់ខ្លួននៅក្នុងបណ្ដាញសង្គមបច្ចុប្បន្ននេះគឺត្រូវតែកែប្រែឡើងវិញ។ បើសិនជាសរសេរជាភាសាខ្មែរគួរណាស់សរសេរខ្មែរឲ្យចំជាខ្មែរ តែបើសរសេរជាភាសាបរទេសគឺត្រូវឲ្យច្បាស់ជាមួយភាសាបរទេស ទោះតិចឬច្រើនគឺត្រូវទម្លាប់ដោយខ្លួនឯង។ ព្រោះថ្ងៃណាមួយកូនខ្មែរជំនាន់ក្រោយនឹងវង្វេងតាមគ្នាក្នុងការសរសេរភាសាជាតិរបស់ខ្លួន៕
ការសរសេរ នៅក្នុងបណ្ដាញសង្គមបច្ចុប្បន្ននេះ យុវជនខ្មែរ បញ្ញវន្តខ្មែរ ពលរដ្ឋខ្មែរពេញនិយមយ៉ាងខ្លាំង នៅក្នុងការសរសេរជាអក្សរអង់គ្លេស តែសូរប្រកបជាភាសាខ្មែរ។ នៅពេលដែលយុវជនខ្មែរពេញនិយម សរសេរនៅតាមបណ្ដាញសង្គមបែបនេះ វាមិនត្រឹមតែធ្វើឲ្យសមត្ថភាពផ្នែកភាសាអង់គ្លេសខ្លួនមិនរីកចម្រើនប៉ុណ្ណោះទេ ប៉ុន្តែសូម្បីតែភាសាជាតិរបស់ខ្លួន ក៏ខ្លួនវង្វេងសរសេរមិនត្រឹមត្រូវ មិនច្បាស់លាស់ផងដែរ។
ទោះបីការសរសេរនៅក្នុងបណ្ដាញសង្គមសម្រាប់តែការកម្សាន្ត ប៉ុន្តែនៅពេលដែលអ្នកទាំងនោះត្រូវការសរសេរផ្លូវការ មនុស្សមួយចំនួនធំ សរសេរអក្សរខ្មែរខុស ច្រើនជាងសរសេរឲ្យបានត្រឹមត្រូវតាមវចនានុក្រមខ្មែរ។ ទោះបីជាមានមនុស្សមួយចំនួនគិតថា មិនផ្លូវការ តែអ្នកទាំងអស់នោះហាក់ដូចជាភ្លេចថា នៅសម័យបច្ចេកវិទ្យា សម័យវិទ្យាសាស្ត្រ ឥទ្ធិពលនៃសម្ភារទំនើប ជាពិសេសបណ្ដាញសង្គមនេះ មានឥទ្ធិពលខ្លាំងបំផុតចំពោះខួរក្បាលមនុស្សសម័យថ្មី។
ពិតណាស់ នៅពេលយុវជនខ្មែរ បន្តសរសេរនៅលើបណ្ដាញសង្គមបែបនេះ វាគឺជាការផ្សព្វផ្សាយនិងបំផ្លាញភាសាជាតិ។ ទីបំផុតកូនខ្មែរពីមួយជំនាន់ទៅមួយជំនាន់នាំគ្នាសរសេរភាសាខ្លួនឯងតាមគ្នា ហើយពាក្យទាំងនោះមិនមែនជាពាក្យដែលត្រឹមត្រូវ ទៅតាមវចនានុក្រមខ្មែរដែលបានកំណត់។
គួររំលឹកឡើងវិញថា សិស្សនិស្សិតខ្មែរ ពលរដ្ឋខ្មែរ បញ្ញវន្ដខ្មែរ គួរនាំគ្នាភ្ញាក់ខ្លួនឡើងវិញថា របៀបសរសេររបស់ខ្លួននៅក្នុងបណ្ដាញសង្គមបច្ចុប្បន្ននេះគឺត្រូវតែកែប្រែឡើងវិញ។ បើសិនជាសរសេរជាភាសាខ្មែរគួរណាស់សរសេរខ្មែរឲ្យចំជាខ្មែរ តែបើសរសេរជាភាសាបរទេសគឺត្រូវឲ្យច្បាស់ជាមួយភាសាបរទេស ទោះតិចឬច្រើនគឺត្រូវទម្លាប់ដោយខ្លួនឯង។ ព្រោះថ្ងៃណាមួយកូនខ្មែរជំនាន់ក្រោយនឹងវង្វេងតាមគ្នាក្នុងការសរសេរភាសាជាតិរបស់ខ្លួន៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
6 ថ្ងៃ
