សម្តេច ហ៊ុន សែន បង្ហាញមូលហេតុដែលកម្ពុជាមិនអាចរៀបចំការបោះឆ្នោតសម្រាប់ខ្មែរក្រៅប្រទេស

ជាតិ

សម្តេច ហ៊ុន សែន បង្ហាញមូលហេតុដែលកម្ពុជាមិនអាចរៀបចំការបោះឆ្នោតសម្រាប់ខ្មែរក្រៅប្រទេស

15, Feb 2016 , 8:33 am

រូបភាព

ដោយ: សៅ ផលនិស្ស័យ (Sao Phal Niseiy)

រដ្ឋកាលីហ្វ័រញ៉ា-សហរដ្ឋអាមេរិក៖ ប្រមុខរដ្ឋាភិបាលកម្ពុជាកំពុងជួបជុំសំណេះសំណាលជាមួយសហគមន៍ពលរដ្ឋខ្មែររស់នៅសហរដ្ឋអាមេរិកនៅពេលនេះ នៅក្នុងក្រុងRancho Mirage នៃរដ្ឋ California។ នៅមុខពលរដ្ឋខ្មែរប្រមាណ៥០០នាក់ សម្តេច ហ៊ុន សែន បានរំឮកអំពីមូលហេតុដែលកម្ពុជាមិនទាន់អាចរៀបចំការបោះឆ្នោតនៅក្រៅប្រទេសសម្រាប់ពលរដ្ឋរបស់ខ្លួន។

«បោះឆ្នោតនៅស្រុកយើង នៅគេថាយើងបន្លំ ចុះទម្រាំបោះឆ្នោតនៅអាមេរិក នៅឆ្ងាយ»? នេះជាមូលហេតុមួយដែលប្រមុខរដ្ឋាភិបាលកម្ពុជាបានលើកឡើង មុននឹងលោកបន្ថែមថា បញ្ហាម៉ោងខុសគ្នា ក៏ជាបញ្ហាមួយទៀតដែរ។ សម្រាប់សម្តេច ហ៊ុន សែន កម្ពុជាអាចនឹងពិចារណាអំពីការរៀបចំការបោះឆ្នោតក្រៅប្រទេសបាន ល្គឹកវាជាការបោះឆ្នោតប្រធានាធិបតី ឬជាការបោះឆ្នោតឯកត្តនាម។ ប៉ុន្តែថា បើជាការបោះឆ្នោតបែបសមាមាត្រដូចសព្វថ្ងៃ គឺមិនអាចរៀបចំការបោះឆ្នោតក្រៅប្រទេសបានឡើយ។