Nike ផ្តាច់កិច្ចសន្យាជាមួយ Pacquiao ដែលមើលងាយ LGBT ថា អាក្រក់ជាងសត្វ

កីឡាជាតិ

ជាតិ

Nike ផ្តាច់កិច្ចសន្យាជាមួយ Pacquiao ដែលមើលងាយ LGBT ថា អាក្រក់ជាងសត្វ

18, Feb 2016 , 12:27 pm

រូបភាព

ដោយ: រួបរួម

ក្រុមហ៊ុនហ៊ុនផ្គត់ផ្គង់សម្ភារ និងសម្លៀកបំពាក់កីឡា Nike បានប្រកាសផ្តាច់ទំនាក់ទំនងជាមួយស្តេចប្រដាល់ Manny Pacquiao ដែលបាននិយាយរិៈគន់អ្នកស្រឡាញ់ភេទដូចគ្នាថា «អាក្រក់ជាងសត្វធាតុ»។ នេះបើតាមការផ្សាយរបស់ BBC។

កាលពីពេលថ្មីៗនេះ ទូរទស្សន៍ TV5 Network បានផ្សាយពីការលើកឡើងរបស់ម្ចាស់ជើងឯកពិភពលោក៦ប្រភេទទម្ងន់ ទាក់ទងនឹងមនុស្សស្រឡាញ់ភេទដូចគ្នា។ Pacquiao អាយុ៣៧ឆ្នាំ ដែលកំពុងប្រជែងយកកៅអីព្រឹទ្ធសភានៅហ្វីលីពីន បានចោទសួរថា៖ «តើអ្នកបានឃើញទំនាក់ទំនងរវាងសត្វឈ្មោល និងសត្វឈ្មោល ឬ សត្វញី និងសត្វញី ដែរទេ?»។

កីឡាកររូបនេះ បានកត់សម្គាល់ថា សត្វមានការដឹងច្បាស់ពីភេទផ្ទុយ ប៉ុន្តែមនុស្សវិញ ពិតអាក្រក់ជាងសត្វទៅទៀត។ ក្នុងសេចក្តីថ្លែងការណ៍របស់ខ្លួន ក្រុមហ៊ុន NIKE បានលើកឡើងថា សម្តីរបស់ Pacquiao ពិតជាមិនអាចទទួលយកបាន ខណៈគោលការណ៍ក្រុមហ៊ុនគោរពយ៉ាងខ្លាំងលើសិទ្ធិរបស់សហគមន៍ស្រឡាញ់ភេទដូចគ្នា LGBT។

នៅមុនការប្រកាសផ្តាច់កិច្ចសន្យារបស់ NIKE កីឡាករ Pacquiao បានអះអាងថា ខ្លួនមិនបានមើលងាយក្រុម LGBT នោះឡើយ ប៉ុន្តែលោកគ្រាន់តែនិយាយការពិតទៅតាមព្រះគម្ពីរតែប៉ុណ្ណោះ។ ទោះបីជាយ៉ាងណាក៏ដោយ លោកនៅតែប្រឆាំងនឹងអាពាហ៍ពិពាហ៍ភេទដូចគ្នា៕