ពីនេះ ពីនោះ
សំបកដើមហើមធំឱសថព្យាបាលជំងឺរាកមួល និងហើមពោះវៀន
× សណ្ឋានរុក្ខជាតិ៖ ដើមហើមធំ គឺជាឈ្មោះដើមឈើធំម្យ៉ាង ដែលមានកម្ពស់ប្រមាណពី១៥ ទៅ៣០ម។ ឈើនេះ មានដុះនៅក្នុងព្រៃស្រោង ព្រៃល្បោះ នៅក្នុងប្រទេសថៃ ខ្មែរ និងប្រទេសវៀតណាមខាងត្បួង។
អត្ថប្រយោជន៍រុក្ខជាតិនេះ៖ ជ័រវា គេយកទុកដុត ជាគ្រឿងក្រអូបថ្វាយព្រះ ពេលមានបុណ្យទាន។ គ្រួថ្នាំយកសំបកដើមហើមធំ ធ្វើឱសថព្យាបាលជំងឺរាកមួល និងហើមពោះវៀន។ ឈើមានពណ៌លឿង ផុយណាស់ គេអាចដុតធ្វើធ្យូងថ្មបានល្អ។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com