ជាតិ
សុខភាព
អ្នកភូមិពាមនាំគ្នាធ្វើតេស្តិ៍រកមេរោគអេដស៍ ខណៈ៤នាក់ហើយត្រូវបានរកឃើញថាមានផ្ទុក
× អ្នកភូមិប្រមាណ២៧៩នាក់នៅភូមិពាម ឃុំសំបួរមាស ស្រុកមុខកំពូល ខេត្តកណ្តាល បាននាំគ្នាទៅផ្ទះមេភូមិ ដើម្បីធ្វើតេស្តិ៍រកមេរោគអេដស៍នាព្រឹកថ្ងៃចន្ទ ទី២២ ខែកុម្ភៈ ឆ្នាំ២០១៦ នេះ បន្ទាប់ពីមានសេចក្តីរាយការណ៍ថា អ្នកភូមិ១៤នាក់ហើយ ដែលត្រូវបានរកឃើញថាឆ្លងមេរោគអេដស៍។
លោក លី ពេញស៊ុន ប្រធានមជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ បានបញ្ជាក់ឲ្យដឹងថា អ្នកភូមិ ៤ នាក់ហើយក្នុងចំណោមអ្នកចូលធ្វើតេស្តិ៍ឈាមជាង២០០នាក់ ដែលត្រូវបានរកឃើញ ថាឆ្លងមេរោគដ៏កាចសាហាវនេះ ប៉ុន្តែលោកមិនបានអះអាងថា ពួកគាត់ស្ថិតក្នុងចំណោមមនុស្ស១៤នាក់កន្លងមកនោះឡើយ។
លោកបានអះអាងថា ក្នុងចំណោមអ្នកភូមិ១៤នាក់ដែលផ្ទុកមេរោគអេដស៍កន្លងមក ភាគច្រើនគឺជាអ្នកដែលបានឆ្លងយូរណាស់មកហើយ ចំណែកមនុស្ស ៤ នាក់ផ្សេងទៀត ដែលរកឃើញសញ្ញាវិជ្ជមាននៅថ្ងៃនេះ លោកមិនទាន់ហ៊ានសន្និដ្ឋានអ្វីឡើយ ប៉ុន្តែលោកជឿថា វាមិនដូចករណីនៅភូមិរកា ខេត្តបាត់ដំបងនោះឡើយ៕
© រក្សាសិទ្ធិដោយ thmeythmey.com