ពីនេះ ពីនោះ
×![]()
ដោយ: ថ្មីៗ
នៅកោះតៃវ៉ាន់មានបុរសម្នាក់ដែលមានអាយុ៥៣ឆ្នាំបានស្លាប់ដោយសារតែក្រោយពេលងូតទឹករួច នៅថ្ងៃនោះក្រោយពេលដែលគាត់ចេញពីធ្វើការភ្លាម ដោយសារតែអាកាសធាតុក្តៅពេក គាត់បានយកទឹកត្រជាក់មួយធុងជះពីក្បាលដល់ចុងជើង ស្រាប់តែយប់ឡើងបេះដូងគាត់ក៏មិនស្រួលភ្លាម ហើយកាន់តែឈឺទៅៗ ដូចនេះគ្រួសារគាត់ក៏បានបញ្ជូនគាត់ទៅមន្ទីរពេទ្យ ប៉ុន្តែជាអកុសល់គឺមិនអាចសង្គ្រោះបានឡើយ។ ដូចនេះតើក្នុងស្ថានភាពណាដែលអ្នកមិនអាចងូតទឹកបាននោះ?
ឈាមទាបពេក
នៅពេលដែលឈាមអ្នកស្រាប់តែចុះទាបពេក អ្នកមិនត្រូវងូតទឹកនោះទេ ព្រោះនៅពេលដែលរាងកាយអ្នកប៉ះនឹងទឹកដែលមានសីតុណ្ហភាពខ្ពស់ សរសៃឈាមអ្នកនឹងរីកធំ ជាហេតុដែលអាចធ្វើឲ្យឈាមមិនអាចផ្គត់ផ្គង់ខួរក្បាលបានគ្រប់គ្រាន់។
នារីដែលមានសុខភាពខ្សោយ
នៅពេលដែលអ្នកមានសុខភាពខ្សោយ អ្នកមិនអាចប្រើទឹកត្រជាក់ដើម្បីងូតឡើយ ព្រោះប្រពន្ធ័ការពាររាងកាយអ្នកខ្សោយ ដូចនេះក្រោយពេលដែលរាងកាយប៉ះត្រូវទឹកត្រជាក់ វាងាយនឹងអាចធ្វើឲ្យអ្នកផ្តាសាយ ឬក្តៅខ្លួនជាដើម។
ក្រោយពេលផឹកស្រារួច
ក្រោយពេលដែលអ្នកផឹកស្រាហើយភ្លាម អ្នកមិនត្រូវទៅងូតទឹកទេ ព្រោះវាអាចធ្វើឲ្យអ្នកមានអាការៈវិលមុខ គ្មានកម្លាំងក្នុងខ្លួន បើធ្ងន់ធ្ងរជាតិស្ករអ្នកអាចនឹងចុះទាបទៀតផង។
ហាត់ប្រាណរួច
នៅពេលដែលអ្នកហាត់ប្រាណរួច ឬក្រោយពេលប្រើខួរក្បាលច្រើន អ្នកមិនត្រូវទៅងូតទឹកភ្លាមនោះទេ ព្រោះវាអាចប៉ះពាល់ដល់បេះដូងអ្នក ឈាមមិនអាចផ្គត់ផ្គង់ដល់ខួរក្បាល ឬអាចសន្លប់បាន ដូចនេះអ្នកគួរតែសម្រាកសិន ទើបទៅងូតទឹកក្រោយ។
ក្តៅខ្លួន
នៅពេលដែលសីតុណ្ហភាពក្នុងខ្លួនអ្នកឡើងដល់៣៨អង្សាសេ នោះមានន័យថារាងកាយអ្នកកំពុងតែចុះខ្សោយហើយ ដូចនេះបើអ្នកនៅតែទៅងូតទឹក វាអាចនឹងមានគ្រោះថ្នាក់ខ្លាំងណាស់។
ក្រោយពេលបាយរួច
នៅក្រោយពេលដែលអ្នកបរិភោគបាយហើយរួចភ្លាម អ្នកមិនត្រូវទៅងូតទឹកភ្លាមនោះទេ ព្រោះវាអាចធ្វើឲ្យអ្នកពិបាករំលាយអាហារ ដោយសារតែឈាមក្នុងរាងកាយអ្នកដើរមិនស្រួល៕
ត្រួតពិនិត្យដោយwww.health.com.kh
Tag:
ប្លែក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
