ពីនេះ ពីនោះ
តើពាក្យ«ន័យ និង ន័យកម្ម» មានអត្ថន័យដូចម្ដេចនៅក្នុងអក្សរសិល្ប៍ខ្មែរ ?
×![]()
ដោយ: ថ្មីៗ
នៅក្នុងសទ្ទានុក្រមភាសាវិទ្យា និងអក្សរសិល្ប៍ខ្មែរ ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «ន័យ និងន័យកម្ម» ដូចខាងក្រោម៖
ន័យ មានន័យថា ន័យរបស់ពាក្យណាមួយជាអ្វីដែលពាក្យនោះស្ដែងឡើង។ ន័យ ប្លែកពី ន័យកម្ម ត្រង់ថា ន័យ ឥតមានអរូបីភាពខ្លាំងដូចន័យកម្មទេ ពីព្រោះ ន័យ ឋិតនៅក្នុងប្រព័ន្ធទម្លាប់វាចា(ទម្លាប់នៃការប្រើប្រាស់ភាសា)។ ន័យ ក៏មិនអាចមានរង្វង់ធំធេងដូចន័យកម្មដែរ ពីព្រោះវាលំឱនទៅតាមបរិបទ។ តាមធម្មតា វចនានុក្រមឲ្យត្រឹមតែន័យចំរបស់ពាក្យដែលគេហៅថា អត្ថានុរូប។ រីឯន័យធៀបគេត្រូវបញ្ជាក់បន្ថែមតាមលំហៅថា អត្ថបដិរូប។
ន័យកម្ម មានន័យថា ជាបញ្ញត្តិដែលមានវិសាលភាពគ្រប់ដណ្ដប់លើន័យទាំងឡាយរបស់ឯកតាភាសាមួយ។ ន័យកម្មជាផលវិភាគនៃភាសាវិទ្យា។ សព្វថ្ងៃ មិនទាន់មានវចនានុក្រមណាបានស្វែងរកជាទូទៅនូវន័យកម្មបែបនេះនៅឡើយ។
Tag:
ពន្យល់ពាក្យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
