ពីនេះ ពីនោះ
ខុង ជឺ៖ សម្ដីមាសអំពីសីលធម៌ និងមាគ៌ាធ្វើឲ្យជីវិតមានតម្លៃគួរប្រតិបត្តិតាម
× ភ្នំពេញ៖ ការរស់នៅប្រកបដោយសីលធម៌ គឺជាតម្លៃកាត់ថ្លៃមិនបានរបស់មនុស្ស។ មនុស្សម្នាក់មានតម្លៃខ្ពស់ឬទាបគឺវាអាស្រ័យទៅលើការប្រតិបត្តិសីលធម៌ជីវិត។ ទោះបីមនុស្សម្នាក់មានទ្រព្យសម្បត្តិច្រើនសន្ធឹកសន្ធាប់ មានតួនាទី មានតំណែង ខ្ពង់ខ្ពស់យ៉ាងណា តែបើជាមនុស្សគ្មានសីលធម៌នោះទេ អ្វីទាំងនោះក៏លែងមានតម្លៃនោះដែរ។ លោក ខុង ជឺ បានលើកឡើងថា៖
ទី១/. អំពើណាមួយដែលអ្នកពុំចង់ ឱ្យគេធ្វើមកលើរូបអ្នក ចូរអ្នកកុំធ្វើអំពើនោះទៅលើអ្នកដទៃ។
ទី២/. អំពើអ្វីមួយដែលអ្នកស្រឡាញ់ចង់បានឱ្យគេធ្វើមកលើរូបអ្នក ចូលអ្នកធ្វើអំពើនោះទៅអ្នកដទៃជាមុនសិន។
ទី៣/. អ្វីដែលអ្នកមិនសប្បាយចិត្ត ចំពោះអ្នកធំធ្វើមកលើរូបអ្នក ចូរអ្នកកុំយកវាទៅអនុវត្តន៍លើមនុស្សនៅក្រោមបង្គាប់របស់អ្នក។
ទី៤/. អ្វីដែលអ្នកតូចធ្វើឱ្យអ្នកមិនសប្បាយចិត្ត ចូលកុំយកទៅអនុវត្តន៍ចំពោះអ្នកធំ។
ទី៥/. បើមនុស្សដើរក្រោយវាធ្វើឱ្យអ្នកខឹង ចូលអ្នកកុំយកអំពើរបស់វាទៅធ្វើចំពោះមនុស្សដែលដើរខាងមុខអ្នក។
ទី៦/. បើមនុស្សដើរស្ដាំអ្នក វាធ្វើឱ្យអ្នកខឹង ចូលអ្នកកុំយកអំពើរបស់វាទៅធ្វើចំពោះមនុស្សណាដែលដើរខាងឆ្វេងអ្នកឱ្យសោះ។
ទី៧/. បើចង់ឱ្យកូនអ្នកគោរពអ្នក អ្នកត្រូវគោរពឪពុកម្តាយអ្នកជាមុនសិន។
ទី៨/. ទស្សនវិទូតែងកំចាត់បង់នូវការសង្ស័យទាំងពួង។ បណ្ឌិតតែងទាត់ចោល នូវកង្វល់ទាំងឡាយ ។ ឯចំណែកអ្នកក្លាហាន តែងជម្រុះនូវការភ័យខ្លាចឱ្យអស់ពីក្នុងខ្លួន។
ទី៩/. សន្តិភាពនិងសណ្ដាប់ធ្នាប់ ត្រូវមានទំនាក់ទនងទៅនិងមនុស្សប្រាំប្រភេទៈ អ្នកគ្រប់គ្រងនិងអ្នកឋិតនៅក្រោមការគ្រប់គ្រង, ឪពុកម្ដាយនិងកូន, ប្ដីនិងប្រពន្ធ, បងនិងប្អូន, និងមិត្តភ័ក្កិនិងមិត្តភ័ក្កិ។
ទី១០/. អ្នកដឹកនាំដូចជាខ្យល់ រីឯប្រជាពលរដ្ឋដូចជាស្មៅ បើខ្យល់បក់ខ្លាំងស្មៅមិនអាចបាក់បានដោយគ្រាន់តែទន់ទាបរួចងើបឡើងវិញ កុំបង្ខំឱ្យប្រជាពលរដ្ឋទទួលយកអ្វីៗដោយឆាប់រហ័សពេក កុំសម្លឹងមើលតែផលប្រយោជន៍ តូចតាច៕
ដកស្រង់សង្ខេបពីសៀវភៅ៖ (ផ្ដើមវិទ្យាសាស្ត្រនយោបាយ, បណ្ឌិត អ៊ុំ ប៉ុម)
© រក្សាសិទ្ធិដោយ thmeythmey.com