ពីនេះ ពីនោះ
តើពាក្យ«សព្វនាមបុរិសៈ និង សព្វនាមមិនច្បាស់»មានអត្ថន័យដូចម្ដេចនៅក្នុងអក្សរសិល្ប៍ខ្មែរ ?
×![]()
ដោយ: ថ្មីៗ
នៅក្នុងសទ្ទានុក្រមភាសាវិទ្យា និងអក្សរសិល្ប៍ខ្មែរ ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «សព្វនាមបុរិសៈ និង សព្វនាមមិនច្បាស់» ដូចខាងក្រោម៖
សព្វនាមបុរិសៈ មានន័យថា ជាសព្វនាមដែលតំណាងបុរិសទាំងបី។ នៅក្នុងភាសាខ្មែរ សព្វនាមបុរិសៈមាន៖ បុរិសៈទី១(ខ្ញុំ អញ យើង...), បុរិសៈទី២( ឯង អ្នក...), បុរិសៈទី៣(វា គាត់ នាង...)។
សព្វនាមមិនច្បាស់ មានន័យថា ជាសព្វនាមដែលគេប្រើជំនួសនាមឬកន្សោមនាម ដែលស្ថិតនៅក្នុងលក្ខណៈទូទៅ ដោយមិនបញ្ជាក់ ច្បាស់ចំពោះនាមឬកន្សោមនាមណាមួយឡើយ។ ពាក្យ នរណាម្នាក់ អ្នករាល់គ្នា នរណាមួយ ...ជាសព្វនាមមិនច្បាស់។ ឧទាហរណ៍៖ អ្នករាល់គ្នាត្រូវទៅឡើងឡាននៅម៉ោង៦ព្រឹក។ នរណាម្នាក់ស្ម័គ្រចិត្តចូលរួមសន្និសីទអាស៊ាន។
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
