ពីនេះ ពីនោះ
តើពាក្យថា«អង្គរ» មានប្រភពមកពីណា?
×
ភ្នំពេញ៖ លោកសាស្ត្រចារ្យ ថាច់ ត្វាន់ បានពន្យល់ថា ពាក្យថា«អង្គរ» គឺមិនមែនជាពាក្យដែលខ្មែរបានបង្កើតនោះទេ។ លោកសាស្ត្រាចារ្យ បានលើកឡើងបែបនេះនៅក្នុងការធ្វើបទបាឋកថា កាលពីថ្ងៃទី២៤ ខែកុម្ភៈ ឆ្នាំ២០១៦ នៅពុទ្ធសាសនបណ្ឌិត្យកន្លងទៅនេះ។
នៅក្នុងការធ្វើបាឋកថា ប្រចាំខែកុម្ភៈ ឆ្នាំ២០១៦ នៅពុទ្ធសាសនបណ្ឌិត្យ លើប្រធានបទ«ដើម្បីស្គាល់អង្គរ» លោកសាស្ត្រាចារ្យ ថាច់ ត្វាន់ បានបញ្ជាក់ថាពាក្យថា «អង្គរ» គឺមិនមែនជាពាក្យខ្មែរជាអ្នកបង្កើតនោះទេ។ លោកបន្តថា ពាក្យនេះគឺជាពាក្យដែលបារាំងបានបង្កើតឡើងដោយ អ្នកកាសែតបារាំងម្នាក់នៅឆ្នាំ១៩០០។ ការបង្កើតពាក្យថា«អង្គរ»នេះ គឺមកពីបារាំងយល់ច្រឡំរវាងពាក្យខ្មែរដែលនិយាយថា «នគរ» ថាជា «អង្គរ» ហើយក្រោយមកប្រជាពលរដ្ឋខ្មែរនាំគ្នាប្រើពាក្យថា«អង្គរ» នេះរហូតមក ដោយគ្មានអ្នកណាសួរដេញដោលអ្វីទាំងអស់។
លោកសាស្ត្រាចារ្យ ក៏បានបញ្ជាក់ផងដែរថា ពាក្យ«អង្គរ»ដែលបារាំងបានបង្កើតមកនោះ គឺបារាំងសម្គាល់ទៅលើតែ ប្រាសាទទាំងឡាយ ដែលមាននៅក្រុងសៀមរាបតែប៉ុណ្ណោះ។ ប៉ុន្តែការពិតគឺប្រាសាទខ្មែរ មិនមែនមានតែនៅក្រុងអង្គរនោះទេ គឺមានស្ទើរគ្រប់ទីកន្លែងនៃទឹកដី ព្រះរាជាណាចក្រកម្ពុជា៕
© រក្សាសិទ្ធិដោយ thmeythmey.com