ពីនេះ ពីនោះ
ក្រវាញអាចយកមកធ្វើថ្នាំកម្លាំង ឬថ្នាំរំងាប់គ្រុនក្ដៅ
× សណ្ឋានរុក្ខជាតិ៖ ក្រវាញ គឺជាឈ្មោះរុក្ខជាតិម្យ៉ាង ប្រភេទជាស្មៅធំកម្ពស់ពី២ ទៅ៣ម៉ែត ដុះលាយក្រកោដំរី នៅជើងភ្នំក្រវាញ។ ដើមរុក្ខជាតិនេះ ក៏មានដុះនៅប្រទេសថៃផងដែរ។ គ្រាប់វាមានក្លិនដូចទេពិរូ ឬដូចម្រេច។
អត្ថប្រយោជន៍រុក្ខជាតិ៖ ប្រជាជននៅតាមទីជនបទ ឬព្រៃភ្នំយកស្លឹកខ្ចីៗមកធ្វើជាបន្លែសម្រាប់ស្លបរិភោគបាន។ ចំណែកមើមរបស់វា គេតែងយកធ្វើថ្នាំកម្លាំង ឬថ្នាំរំងាប់គ្រុនក្ដៅ។ ផ្លែក្រវាញខ្មែរ និងសៀម ពួកចិននៅហុងកុងទិញជិតអស់ ដើម្បីនាំយកទៅលក់គ្រប់ប្រទេសក្នុងសកលលោក។ ពួកចិន គេប្រើគ្រាប់ក្រវាញ ធ្វើឱសថព្យាបាលជំងឺគ្រប់មុខនៃជំងឺពោះវៀន។ នៅទ្វីបអឺរ៉ុប គេយកគ្រាប់ក្រវាញធ្វើថ្នាំក្រពះ ខ្យល់ក្នុងពោះ និងថ្នាំលើកកម្លាំង។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com