ជាតិ
លោក ខៀវ កាញារីទ្ធ៖ សម្តេចឲ្យប្តឹងចូល Inbox តើលោកអែបអបយកលេសអីទៀត? លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន
× លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន តាមរយៈគណនីហ្វេសប៊ុករបស់ខ្លួន បានសរសេរបែបចំអកទៅកាន់មន្ត្រីមួយចំនួនអែបអបដែលតែងតែចោទថាសារព័ត៌មាននិយាយតែរឿងអាក្រក់។
លោកបានសរសេរថា៖ «ដល់នាយករដ្ឋមន្ត្រីអោយប្តឹងចូល Inbox លោកផ្ទាល់ ទាក់ទិនទៅនឹងការរំលោភច្បាប់នានា ចាំមើលលោកអែបនិងលោកអប ដែលតែងតែលើក ថា សារព័ត៌មាន និយាយតែរឿងអាក្រក់ យកលេសអីទៀតចាក់ចុច» ?
នៅថ្ងៃនេះ សម្តេចនាយករដ្ឋមន្ត្រី ហ៊ុន សែន និងក្រុមការងារហ្វេសប៊ុករបស់សម្តេច បន្តលើកទឹកចិត្តពលរដ្ឋឲ្យរាយការណ៍ពីបញ្ហានានា តាមរយៈការផ្ញើជាសារ និងលិខិតផ្សេងៗទៅកាន់ប្រអប់ Inbox នៃទំព័រហ្វេសប៊ុក Samdech Hun Sen, Cambodian Prime Minister។
«ជនរួមជាតិអាចផ្ញើជាសារ និងលិខិតផ្សេងៗ (pdf/MS Words) រួមជាមួយឯកសារភ្ជាប់នានាមកកាន់ (Inbox) នៅក្នុងគេហទំព័រនេះ»។ នេះបើតាមសំណេរនៅលើទំព័រហ្វេសប៊ុកផ្លូវការរបស់សម្តេចនាយករដ្ឋមន្ត្រី ហ៊ុន សែន។
ក្រុមការងារហ្វេសប៊ុកសម្តេច ហ៊ុន សែន បានសរសេរបន្ថែមថា សំណូមពរ របាយការណ៌ និងពាក្យបណ្តឹងនានាត្រូវតែមានមូលដ្ឋានច្បាប់ពិតប្រាកដរួមជាមួយភស្តុតាង និងសាក្សីច្បាស់លាស់។ ដំណោះស្រាយ នឹងធ្វើជូនសម្រាប់រឿងអយុត្តិធម៌ពិតប្រាកដត្រឹមត្រូវ។ ទន្ទឹមនិងនេះ ក្រសួងមន្ទីរ អាជ្ញាធរ និងសមត្ថកិច្ចពាក់ព័ន្ឋនានាត្រូវចូលរួមដោះស្រាយអំពើអយុត្តិធម៌ជូនប្រជាជន ហើយឈប់កសាងអំពើអាក្រក់ ឈប់ចូលរួម និងឈប់ការពារជនខិលខូចតទៅទៀត៕
Tag:
ហ្វេសប៊ុក
សម្តេច ហ៊ុន សែន
© រក្សាសិទ្ធិដោយ thmeythmey.com