ជាតិ
នយោបាយជាតិ
×![]()
ដោយ: ធឿន បញ្ញាឬទិ្ធ
មជ្ឈមណ្ឌលសិទ្ធិមនុស្សកម្ពុជា CCHR បានចេញរបាយការណ៍ថ្មីមួយ កាលពីថ្ងៃទី០២មីនា ថា សិទ្ធិបញ្ជេញយោបល់នៅតាមប្រព័ន្ធអនឡាញ និងបណ្តាញទំនាក់ទំនងសង្គមហ្វេសប៊ុក Facebook ត្រូវបានគៀបសង្កត់ដោយរាជរដ្ឋាភិបាលកម្ពុជា។អ្នកនាំពាក្យទីស្តីការគណរដ្ឋមន្ត្រី លោក ផៃ ស៊ីផាន បានច្រានចោលរបាយការណ៍របស់មជ្ឈមណ្ឌលសិទ្ធិមនុស្សកម្ពុជា CCHR ដោយចាត់ទុកថា របាយការណ៍នេះ រៀបចំមកដើម្បីលាបពណ៌ និងឲ្យមតិជាតិនិងអន្តរជាតិភាន់ច្រឡំមកលើរដ្ឋាភិបាល។
របាយការណ៍របស់មជ្ឈមណ្ឌលសិទ្ធិកម្ពុជា CCHR ស្តីពី ជាកំហុសបច្ចេកវិទ្យា? ទិដ្ឋភាពទូទៅនៃស្ថានភាពសិទ្ធិបច្ចេកវិទ្យាក្នុងប្រទេសកម្ពុជា បានលើកពីបញ្ហាសិទ្ធិបញ្ចេញមតិនៅកម្ពុជា។របាយការណ៍កម្រាស់៣០ទំព័រ បានលើកឡើងថា បណ្ដាញសង្គមបានក្លាយទៅជាវេទិកាសំខាន់បំផុតសម្រាប់ការបញ្ចេញមតិយោបល់ និងការជជែកវែកញ៉ែកអំពីនយោបាយនៅកម្ពុជា។ ចំណែកប្រជាពលរដ្ឋមួយចំនួនបានសំដែងការមិនពេញចិត្តរបស់ពួកគេចំពោះការអនុវត្តរបស់រដ្ឋាភិបាល បានងាកមកប្រើប្រាស់បណ្ដាញសង្គមវិញ ដែលជាផ្នែកមួយធ្វើឲ្យរដ្ឋាភិបាលបានសម្រេចក្នុងការចាត់វិធានការទប់ស្កាត់លើអ្នកដែលធ្វើការរិះគន់រដ្ឋាភិបាលតាមរយៈបណ្ដាញសង្គម។
អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានច្រានចោលរបាយការណ៍របស់មជ្ឈមណ្ឌលសិទ្ធិមនុស្សនេះទាំងស្រុង។ លោក ចាត់ទុកថា របាយការណ៍នេះ បានប្រឌិតរឿងដែលមិនឆ្លើយតប និងការប្រឹងប្រែងរបស់សម្តេច ហ៊ុន សែន ដែលបានបង្កើតហ្វេសប៊ុក ដើម្បីជាជំនួយស្មារតីក្នុងកិច្ចការងារ និងសម្តែងនូវកង្វល់ និងសំណូមពរនានា ដែលទទួលបានប្រសិទ្ធិភាពនៃទំនាក់ទំនងរវាងប្រជារាស្ត្រ និងរដ្ឋាភិបាល។
អ្នកនាំពាក្យរូបនេះ បានសរសេរលើបណ្ដាញហ្វេសប៊ុកខ្លួនថា ៖«សម្តេច ក៏បានជម្រាបប្រជាពលរដ្ឋនៅពេលថ្មីៗនេះ នៅក្នុងការប្រើប្រាស់ Inbox របស់សម្តេច ដើម្បីជាការបញ្ចេញមតិដោយសេរី ដែលស្របនិងវិធានរបស់រដ្ឋបាលទំនើប ឬរដ្ឋបាល Electronics។ រាល់របាយការណ៍ដែលស្ថិតនៅក្នុងទិដ្ឋភាពរបាយការណ៍នេះ គឺជារបាយការណ៍ក្នុងការបង្កើតជាករណី ដើម្បីលាបពណ៌កម្ពុជា និងឲ្យមតិជាតិ និងអន្តរជាតិ ភាន់ច្រឡំ ឬមួយបង្កើតជាទិន្នន័យក្នុងការវាយប្រហារកម្ពុជា»។
របាយការណ៍CCHR ក៏បានលើកពីការព្រមានរបស់សម្ដេចនាយករដ្ឋមន្ត្រី ហ៊ុន សែន កាលពីថ្ងៃទី២៨ ធ្នូឆ្នាំ២០១៥ ដែលបានព្រមានថា អ្នកប្រើប្រាស់ហ្វេសប៊ុកដែលរិះគន់គោលនយោបាយរដ្ឋាភិបាលទាក់ទិននឹងបញ្ហារសើប ឬជេប្រមាថបុគ្គលណាមួយនោះ អាចត្រូវតាមដាននិងរកឃើញតែរយៈពេលប៉ុន្មានម៉ោងប៉ុណ្ណោះ ដែលការព្រមាននេះមិនមែនជាសញ្ញាណល្អប្រសើរសម្រាប់អនាគតនៃសេរីភាពខាងការបញ្ចេញមតិនៅកម្ពុជានោះទេ ហើយអាចបង្កើតឲ្យមានវប្បធម៌ភ័យខ្លាច និងការដាក់ពិរុទ្ធខ្លួនឯង ក្នុងចំណោមពលរដ្ឋដែលប្រើប្រាស់អ៊ិនធឺណេត។
របាយការណ៍ដដែល ក៏បានរំឮកពីការចាប់ខ្លួន យុវជន គង់ រ៉ៃយ៉ា (ពាក់ព័ន្ធករណីបដិវត្តពណ៌) យុវជន ផង់ សីហា (ករណីគំរាមសម្លាប់លោក សុខ ទូច) និស្សិត តៅ សាវឿន (ករណីគំរាមបំផ្ទុះគ្រាប់បែកទៅលើសម្ដេច ស ខេង) យុវជន ម៉ាន់ សំអ៊ាន់ (ករណីគំរាមសម្លាប់សម្ដេច ហ៊ុន សែន) និងការចាប់ខ្លួនលោក ហុង សុខហួរ (ពាក់ព័ន្ធនិងករណីសន្ធិសញ្ញាក្លែងក្លាយ) ជាដើម។
លោក ផៃ ស៊ីបាន នៅតែបន្តបដិសេធរបាយការណ៍នេះថា បានបង្ហាញយ៉ាងច្បាស់នូវឥរិយាបថ និងទិសដៅប្រឌិត និងបំភ្លៃព័ត៌មាន ឬនិន្នាការលាបពណ៌ដល់រាជរដ្ឋាភិបាល នៅក្នុងករណីនេះដែលផ្ទុយអំពីសេចក្តីប្តេជ្ញា និងការបង្កើតឱកាសលើកទឹកចិត្តឲ្យមានការបញ្ចេញយោបល់ដោយសេរីរបស់រដ្ឋាភិបាល ដែលលើកលែងតែរាល់អត្ថបទ ឬស្មារតីនៃអត្ថបទ ដែលបំពានលើស្មារតីនៃច្បាប់មានជាធរមានប៉ុណ្ណោះ។
តែយ៉ាងណារបាយការណ៍ CCHR បានបន្ថែមថា ទោះបីជាមានក្រមខ័ណ្ឌច្បាប់ក្នុងការការពារសិទ្ធិមនុស្សយ៉ាងណាក្ដី តែការអនុវត្តជាក់ស្ដែង សិទ្ធិមនុស្សនៅកម្ពុជាត្រូវបានរំលោភបំពានជាប្រចាំ ហើយសិទ្ធិរបស់ជនរងគ្រោះនៅក្នុងប្រព័ន្ធតុលាការក៏ត្រូវបានរំលោភបំពានដោយសារអំពើរពុករលួយ និងភាពមិនប្រក្រតីកើតឡើង។ មន្ត្រីតុលាការជាទូទៅមិនអើពើចំពោះការធានាសិទ្ធិមនុស្ស ខណៈដែលក្រមព្រហ្មទណ្ឌនៅកម្ពុជា ត្រូវបានអនុវត្តដោយរំលោភបំពាន ជាឧបករណ៍ដែលប្រើប្រាស់ប្រឆាំងនឹងអ្នកជំទាស់ ផលប្រយោជន៏របស់រដ្ឋាភិបាល ទាំងលើបណ្ដាញហ្វេសប៊ុក និងបណ្ដាញអ៊ីនធឺណេត៕
របាយការណ៍របស់មជ្ឈមណ្ឌលសិទ្ធិកម្ពុជា CCHR ស្តីពី ជាកំហុសបច្ចេកវិទ្យា? ទិដ្ឋភាពទូទៅនៃស្ថានភាពសិទ្ធិបច្ចេកវិទ្យាក្នុងប្រទេសកម្ពុជា បានលើកពីបញ្ហាសិទ្ធិបញ្ចេញមតិនៅកម្ពុជា។របាយការណ៍កម្រាស់៣០ទំព័រ បានលើកឡើងថា បណ្ដាញសង្គមបានក្លាយទៅជាវេទិកាសំខាន់បំផុតសម្រាប់ការបញ្ចេញមតិយោបល់ និងការជជែកវែកញ៉ែកអំពីនយោបាយនៅកម្ពុជា។ ចំណែកប្រជាពលរដ្ឋមួយចំនួនបានសំដែងការមិនពេញចិត្តរបស់ពួកគេចំពោះការអនុវត្តរបស់រដ្ឋាភិបាល បានងាកមកប្រើប្រាស់បណ្ដាញសង្គមវិញ ដែលជាផ្នែកមួយធ្វើឲ្យរដ្ឋាភិបាលបានសម្រេចក្នុងការចាត់វិធានការទប់ស្កាត់លើអ្នកដែលធ្វើការរិះគន់រដ្ឋាភិបាលតាមរយៈបណ្ដាញសង្គម។
អ្នកនាំពាក្យទីស្ដីការគណៈរដ្ឋមន្ត្រី លោក ផៃ ស៊ីផាន បានច្រានចោលរបាយការណ៍របស់មជ្ឈមណ្ឌលសិទ្ធិមនុស្សនេះទាំងស្រុង។ លោក ចាត់ទុកថា របាយការណ៍នេះ បានប្រឌិតរឿងដែលមិនឆ្លើយតប និងការប្រឹងប្រែងរបស់សម្តេច ហ៊ុន សែន ដែលបានបង្កើតហ្វេសប៊ុក ដើម្បីជាជំនួយស្មារតីក្នុងកិច្ចការងារ និងសម្តែងនូវកង្វល់ និងសំណូមពរនានា ដែលទទួលបានប្រសិទ្ធិភាពនៃទំនាក់ទំនងរវាងប្រជារាស្ត្រ និងរដ្ឋាភិបាល។
អ្នកនាំពាក្យរូបនេះ បានសរសេរលើបណ្ដាញហ្វេសប៊ុកខ្លួនថា ៖«សម្តេច ក៏បានជម្រាបប្រជាពលរដ្ឋនៅពេលថ្មីៗនេះ នៅក្នុងការប្រើប្រាស់ Inbox របស់សម្តេច ដើម្បីជាការបញ្ចេញមតិដោយសេរី ដែលស្របនិងវិធានរបស់រដ្ឋបាលទំនើប ឬរដ្ឋបាល Electronics។ រាល់របាយការណ៍ដែលស្ថិតនៅក្នុងទិដ្ឋភាពរបាយការណ៍នេះ គឺជារបាយការណ៍ក្នុងការបង្កើតជាករណី ដើម្បីលាបពណ៌កម្ពុជា និងឲ្យមតិជាតិ និងអន្តរជាតិ ភាន់ច្រឡំ ឬមួយបង្កើតជាទិន្នន័យក្នុងការវាយប្រហារកម្ពុជា»។
របាយការណ៍CCHR ក៏បានលើកពីការព្រមានរបស់សម្ដេចនាយករដ្ឋមន្ត្រី ហ៊ុន សែន កាលពីថ្ងៃទី២៨ ធ្នូឆ្នាំ២០១៥ ដែលបានព្រមានថា អ្នកប្រើប្រាស់ហ្វេសប៊ុកដែលរិះគន់គោលនយោបាយរដ្ឋាភិបាលទាក់ទិននឹងបញ្ហារសើប ឬជេប្រមាថបុគ្គលណាមួយនោះ អាចត្រូវតាមដាននិងរកឃើញតែរយៈពេលប៉ុន្មានម៉ោងប៉ុណ្ណោះ ដែលការព្រមាននេះមិនមែនជាសញ្ញាណល្អប្រសើរសម្រាប់អនាគតនៃសេរីភាពខាងការបញ្ចេញមតិនៅកម្ពុជានោះទេ ហើយអាចបង្កើតឲ្យមានវប្បធម៌ភ័យខ្លាច និងការដាក់ពិរុទ្ធខ្លួនឯង ក្នុងចំណោមពលរដ្ឋដែលប្រើប្រាស់អ៊ិនធឺណេត។
របាយការណ៍ដដែល ក៏បានរំឮកពីការចាប់ខ្លួន យុវជន គង់ រ៉ៃយ៉ា (ពាក់ព័ន្ធករណីបដិវត្តពណ៌) យុវជន ផង់ សីហា (ករណីគំរាមសម្លាប់លោក សុខ ទូច) និស្សិត តៅ សាវឿន (ករណីគំរាមបំផ្ទុះគ្រាប់បែកទៅលើសម្ដេច ស ខេង) យុវជន ម៉ាន់ សំអ៊ាន់ (ករណីគំរាមសម្លាប់សម្ដេច ហ៊ុន សែន) និងការចាប់ខ្លួនលោក ហុង សុខហួរ (ពាក់ព័ន្ធនិងករណីសន្ធិសញ្ញាក្លែងក្លាយ) ជាដើម។
លោក ផៃ ស៊ីបាន នៅតែបន្តបដិសេធរបាយការណ៍នេះថា បានបង្ហាញយ៉ាងច្បាស់នូវឥរិយាបថ និងទិសដៅប្រឌិត និងបំភ្លៃព័ត៌មាន ឬនិន្នាការលាបពណ៌ដល់រាជរដ្ឋាភិបាល នៅក្នុងករណីនេះដែលផ្ទុយអំពីសេចក្តីប្តេជ្ញា និងការបង្កើតឱកាសលើកទឹកចិត្តឲ្យមានការបញ្ចេញយោបល់ដោយសេរីរបស់រដ្ឋាភិបាល ដែលលើកលែងតែរាល់អត្ថបទ ឬស្មារតីនៃអត្ថបទ ដែលបំពានលើស្មារតីនៃច្បាប់មានជាធរមានប៉ុណ្ណោះ។
តែយ៉ាងណារបាយការណ៍ CCHR បានបន្ថែមថា ទោះបីជាមានក្រមខ័ណ្ឌច្បាប់ក្នុងការការពារសិទ្ធិមនុស្សយ៉ាងណាក្ដី តែការអនុវត្តជាក់ស្ដែង សិទ្ធិមនុស្សនៅកម្ពុជាត្រូវបានរំលោភបំពានជាប្រចាំ ហើយសិទ្ធិរបស់ជនរងគ្រោះនៅក្នុងប្រព័ន្ធតុលាការក៏ត្រូវបានរំលោភបំពានដោយសារអំពើរពុករលួយ និងភាពមិនប្រក្រតីកើតឡើង។ មន្ត្រីតុលាការជាទូទៅមិនអើពើចំពោះការធានាសិទ្ធិមនុស្ស ខណៈដែលក្រមព្រហ្មទណ្ឌនៅកម្ពុជា ត្រូវបានអនុវត្តដោយរំលោភបំពាន ជាឧបករណ៍ដែលប្រើប្រាស់ប្រឆាំងនឹងអ្នកជំទាស់ ផលប្រយោជន៏របស់រដ្ឋាភិបាល ទាំងលើបណ្ដាញហ្វេសប៊ុក និងបណ្ដាញអ៊ីនធឺណេត៕
Tag:
CCHR
លោក ផៃ ស៊ីផាន
© រក្សាសិទ្ធិដោយ thmeythmey.com
