ពីនេះ ពីនោះ
តើពាក្យ«សម្ព័ន្ធវិទ្យា មានអត្ថន័យដូចម្ដេចនៅក្នុងអក្សរសិល្ប៍ខ្មែរ ?
× នៅក្នុងសទ្ទានុក្រមភាសាវិទ្យា និងអក្សរសិល្ប៍ខ្មែរ ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «សម្ព័ន្ធវិទ្យា» ដូចខាងក្រោម៖
សម្ព័ន្ធវិទ្យា មានន័យថា ជាផ្នែកមួយនៃវេយ្យាករណ៍ ដែលក្នុងនោះ សទ្ធតាវិទ្យានិង វចនវិទ្យា ជាផ្នែកពីរទៀត។
សម្ព័ន្ធវិទ្យា គឺ សិក្សាអំពីវិធីចងក្រងពាក្យ ឲ្យទៅជាល្បះ ដែលក្នុងនោះប្រភេទពាក្យឥតមានលំដាប់ដូចគ្នាទេ ពីភាសាមួយទៅភាសាមួយ៖
ឧទាហរណ៍ ប្រភេទពាក្យនិងមុខងារវាក្នុងល្បះខ្មែរ មានលំដាប់ប្រហាក់ប្រហែលនឹងលំដាប់ក្នុងល្បះនៃភាសាមួយចំនួន មានបារាំង ឬអង់គ្លេស ជាដើម៖
ល្បះខ្មែរ៖ គាត់ស្រឡាញ់បុប្ផា
ល្បះបារាំង៖ Il aime Mademoiselle Bopha .
បើគេពិនិត្យ មើលសម្ព័ន្ធពីភាសាមួយទៅភាសាមួយ គឺគេសិក្សាអំពីសម្ព័ន្ធវិទ្យាទូទៅ។ បើគេសិក្សាអំពីសម្ព័ន្ធវិទ្យារបស់ភាសាណាមួយ សម្ព័ន្ធវិទ្យាមានឈ្មោះថា សម្ព័ន្ធវិទ្យានៃភាសានោះឯង។ ដោយសម្ព័ន្ធវិទ្យាសិក្សាអំពីល្បះនិងដោយល្បះមានច្រើនប្រភេទ ដូច្នេះ សម្ព័ន្ធវិទ្យាត្រូវសិក្សាអំពីប្រភេទល្បះអំពីវាចកៈ។ល។
© រក្សាសិទ្ធិដោយ thmeythmey.com