កីឡាជាតិ
ជាតិ
ពានសម្តេច ហ៊ុន សែន៖ ព្រៃវែង ត្បូងឃ្មុំ ព្រះវិហារ កំពង់ធំ និងបាត់ដំបង បើកទ្វារទទួលភ្ញៀវ
×
បន្ទាប់ពីធ្វើការប្រកួតប្រជែងគ្នាអស់រយៈពេលជាច្រើនសប្តាហ៍កន្លងមក ពានរង្វាន់សម្តេច ហ៊ុន សែន លើកទី១០ ឆ្នាំ២០១៦ ឈានដល់វគ្គជម្រុះបឋមនៃសប្តាហ៍ទី៤ហើយ ដោយសប្តាហ៍នេះការប្រកួតចំនួន៥គូនឹងធ្វើការប្រកួតប្រកួតប្រជែងគ្នា នាវេលាម៉ោង៣រសៀលថ្ងៃទី៩ ខែមិនា ឆ្នាំ២០១៦ នេះ។
ខេត្តត្បូងឃ្មុំ បន្ទាប់ពីមិនដែលស្គាល់ពាក្យថាឈ្នះសម្រាប់ការប្រកួត៣ជើងរបស់ខ្លួននាពេលកន្លងមក នឹងបើកទ្វារកីឡដ្ឋានខេត្តត្បូងឃ្មុំ ស្វាគមន៍ក្រុមភ្ញៀវយុវជនបឹងកេតកំពង់ចាម ដើម្បីកែប្រែមុខមាត់ថ្មីសម្រាប់រដូវកាលថ្មី ២០១៦។ ខណៈខេត្តព្រៃវែង នឹងកីឡដ្ឋានរបស់ខ្លួនដើម្បីស្វាគមន៍ ក៏ដូចជាសងសឹកខេត្តស្វាយរៀង ដែលខ្លួនធ្លាប់ចាញ់កាលពីសប្តាហ៍ទី១ នៅលើទឹកដីខេត្តស្វាយរៀង។
ទន្ទឹមនឹងនេះក្រុមដែលមិនស្គាល់ពាក្យថាឈ្នះខេត្តព្រះវិហារ នឹងបើកទ្វារកីឡដ្ឋានរបស់ខ្លួនដើម្បីសងសឹកក្រុមសៀមរាបអង្គរ ដែលធ្លាប់បំបាក់ខ្លួនកាលពីសប្តាហ៍ទី១ នៅលើទឹកដីខេត្តសៀមរាប ដើម្បីសាងកេរិ៍ឈ្មោះថ្មីរបស់ខ្លួន។ ខណៈក្រុមអ.ហ ខេត្តកំពង់ធំ បន្ទាប់ពីបំបាក់ខេត្តព្រះវិហារ ៥-១ កាលពីសប្តាហ៍មុន នឹងទ្វារកីឡដ្ឋានរបស់ខ្លួនស្វាគមន៍ក្រុមភ្ញៀវខេត្តឧត្តរមានជ័យ។ ចំណែកខេត្តបាត់ដំបង បន្ទាប់ពីចាញ់សម្រាប់ការប្រកួតពីរជើងរបស់ខ្លួន នឹងបើកទ្វារកីឡដ្ឋានខេត្តបាត់ដំបង ដើម្បីសងសឹកខេត្តកំពង់ឆ្នាំង ដែលធ្លាប់យកឈ្នះខ្លួនកាលពីសប្តាហ៍ទី១។
*កម្មវិធីប្រកួតពានរង្វាន់សម្តេច ហ៊ុន សែន ថ្ងៃនេះ
ពូល B៖
- ខេត្តត្បូងឃ្មុំ ជួប យុវជនបឹងកេតអង្គរកំពង់ចាម នៅកីឡដ្ឋានខេត្តត្បូងឃ្មុំ
- ខេត្តព្រៃវែង ជួប ខេត្តស្វាយរៀង នៅកីឡដ្ឋានខេត្តព្រៃវែង
ពូល C៖
- ខេត្តព្រះវិហារ ជួប សៀមរាបអង្គរ នៅកីឡដ្ឋានខេត្តព្រះវិហារ
- អ.ហ ខេត្តកំពង់ធំ ជួប ខេត្តឧត្តរមានជ័យ នៅកីឡដ្ឋានខេត្តកំពង់ធំ
ពូល D៖
- ខេត្តបាត់ដំបង ជួប ខេត្តកំពង់ឆ្នាំង នៅកីឡដ្ឋានខេត្តបាត់ដំបង
Tag:
បាល់ទាត់
Hun Sen Cup 2016
© រក្សាសិទ្ធិដោយ thmeythmey.com