កីឡាជាតិ
ជាតិ
×![]()
ដោយ: ថ្មីៗ
កាលពីល្ងាចថ្ងៃទី៨ ខែមីនា ឆ្នាំ២០១៦ សម្តេចនាយករដ្ឋមន្ត្រី ហ៊ុន សែន បានប្រគល់ប្រាក់រង្វាន់លើកទឹកចិត្តរបស់រដ្ឋាភិបាលជូនដល់កីឡាករ-កីឡាការិនីដែលទទួលបានជ័យជំនះពីការប្រកួតកីឡាអាស៊ាន ប៉ារ៉ាហ្គេម (ASEAN Para Games)លើកទី៨ នៅប្រទេសសឹង្ហបុរី និងក្រុមកីឡាបាល់ទាត់ Cambodian All Stars ។
គណៈកម្មាធិការ ជាតិ ប៉ារ៉ាឡាំពិកកម្ពុជា បានបញ្ជូនកីឡាករជនពិការចំនួន ២៩ រូប ទៅប្រកួតនៅសិង្ហបុរី ដែលមាន ដូចជាវិញ្ញាសារ អត្តពលកម្ម ហែលទឹក និងប្រភេទកីឡា Bowling ។ ជាលទ្ឋផលគឺកីឡាករយើងទទួលបានមេដាយសរុបចំនួន១០ ក្នុងនោះមេដាយមាស១ លើកីឡាអត្តពលកម្ម រត់ប្រណាំង៤០០ម៉ែត្រ និងទី២ លើប្រភេទកីឡា អត្តពលកម្មរត់ប្រណាំងបុរស នារី និងមេដាយសំរិទ្ធ៧ លើប្រភេទកីឡាអត្តពលកម្ម វិញ្ញាសាររត់ប្រណាំង១០០ម៉ែត្រ និង៤០០ ម៉ែត្របុរសនារី វិញ្ញាសារប្រណាំងរទេះ ១០០ ម៉ែត្រ ៤០០ ម៉ែត្រ និង១៥០០ ម៉ែត្រ និងកីឡាហែលទឹក វិញ្ញាសារ៥០ម៉ែត្រ ។
យោងតាមប្រកាសអន្តរក្រសួង ជ័យលាភីមេដាយមាសទទួលបាន ប្រាក់រង្វាន់ ៤០លានរៀល ចំណែក មេដាយប្រាក់ បាន ៣០ លានរៀលនិងម្ចាស់មេដាយសំរឹទ្ធ១ គ្រឿង ទទួលបាន១៦លានរៀល។ ចំណែក គ្រូបង្វឹកក៏ទទួលបានស្មើនឹងអ្នកឈ្នះមេដាយធំជាងគេ ឯគ្រូជំនួយទទួលបាន ៧០ភាគរយ ផងដែរ។
ដោយឡែក ក្រុមកីឡាបាល់ទាត់ Cambodian All Stars ដែលដឹកនាំដោយលោក ប្រាក់ សុវណ្ណារ៉ា ទទួលបាននូវការលើកទឹកចិត្តជាពិសេសក្រោយយកឈ្នះក្រុមកំពូលរបស់ថៃ Muangthong United និង Buriram United នាការប្រកួតមិត្តភាពកន្លងមក។ សមាជិកម្នាក់ៗទាំងក្រុមគ្រូបង្វឹក និងកីឡាករទទួលបានប្រាក់រង្វាន់១២លានរៀល។
ជាមួយគ្នានេះ សម្តេច ហ៊ុន សែន បានសម្រេចយកថ្ងៃទី ៤ មេសា ២០១៦ ដើម្បីជួបជុំទទួលទានអាហារជាមួយកីឡាករ កីឡាការិនីទូទាំងប្រទេស ដែលនឹងធ្វើនៅមជ្ឍមណ្ឌលកោះពេជ្រ ៕
គណៈកម្មាធិការ ជាតិ ប៉ារ៉ាឡាំពិកកម្ពុជា បានបញ្ជូនកីឡាករជនពិការចំនួន ២៩ រូប ទៅប្រកួតនៅសិង្ហបុរី ដែលមាន ដូចជាវិញ្ញាសារ អត្តពលកម្ម ហែលទឹក និងប្រភេទកីឡា Bowling ។ ជាលទ្ឋផលគឺកីឡាករយើងទទួលបានមេដាយសរុបចំនួន១០ ក្នុងនោះមេដាយមាស១ លើកីឡាអត្តពលកម្ម រត់ប្រណាំង៤០០ម៉ែត្រ និងទី២ លើប្រភេទកីឡា អត្តពលកម្មរត់ប្រណាំងបុរស នារី និងមេដាយសំរិទ្ធ៧ លើប្រភេទកីឡាអត្តពលកម្ម វិញ្ញាសាររត់ប្រណាំង១០០ម៉ែត្រ និង៤០០ ម៉ែត្របុរសនារី វិញ្ញាសារប្រណាំងរទេះ ១០០ ម៉ែត្រ ៤០០ ម៉ែត្រ និង១៥០០ ម៉ែត្រ និងកីឡាហែលទឹក វិញ្ញាសារ៥០ម៉ែត្រ ។
យោងតាមប្រកាសអន្តរក្រសួង ជ័យលាភីមេដាយមាសទទួលបាន ប្រាក់រង្វាន់ ៤០លានរៀល ចំណែក មេដាយប្រាក់ បាន ៣០ លានរៀលនិងម្ចាស់មេដាយសំរឹទ្ធ១ គ្រឿង ទទួលបាន១៦លានរៀល។ ចំណែក គ្រូបង្វឹកក៏ទទួលបានស្មើនឹងអ្នកឈ្នះមេដាយធំជាងគេ ឯគ្រូជំនួយទទួលបាន ៧០ភាគរយ ផងដែរ។
ដោយឡែក ក្រុមកីឡាបាល់ទាត់ Cambodian All Stars ដែលដឹកនាំដោយលោក ប្រាក់ សុវណ្ណារ៉ា ទទួលបាននូវការលើកទឹកចិត្តជាពិសេសក្រោយយកឈ្នះក្រុមកំពូលរបស់ថៃ Muangthong United និង Buriram United នាការប្រកួតមិត្តភាពកន្លងមក។ សមាជិកម្នាក់ៗទាំងក្រុមគ្រូបង្វឹក និងកីឡាករទទួលបានប្រាក់រង្វាន់១២លានរៀល។
ជាមួយគ្នានេះ សម្តេច ហ៊ុន សែន បានសម្រេចយកថ្ងៃទី ៤ មេសា ២០១៦ ដើម្បីជួបជុំទទួលទានអាហារជាមួយកីឡាករ កីឡាការិនីទូទាំងប្រទេស ដែលនឹងធ្វើនៅមជ្ឍមណ្ឌលកោះពេជ្រ ៕
Tag:
អាស៊ានប៉ារ៉ាហ្គេម
Cambodian All Stars
© រក្សាសិទ្ធិដោយ thmeythmey.com
