អន្តរជាតិ
×![]()
កងឆ្មាំការពារបដិវត្តន៍អ៊ីរ៉ង់បានបាញ់សាកល្បងមីស៊ីលបាលីស្ទិកនៅថ្ងៃអង្គារ ទី៨ ខែមីនា ក្នុងសមយុទ្ធនៅទីតាំងផ្សេងគ្នារបស់អ៊ីរ៉ង់។ ទីភ្នាក់ងារព័ត៌មានរដ្ឋអ៊ីរ៉ង់ IRNA ផ្សាយថា សមយុទ្ធបាញ់មីស៊ីលនេះមានគោលដៅបង្កើនឥទ្ធិពលរបស់អ៊ីរ៉ង់ ដែលប្រឈមមុខនឹងការគំរាមកំហែងលើបដិវត្តន៍ និងដែនអធិបតេយ្យរបស់អ៊ីរ៉ង់។
សូមស្ដាប់ព័ត៌មានលម្អិត៖
មិនបានប៉ុន្មានក្រោយទទួលជោគជ័យលើកិច្ចព្រមព្រៀងនុយក្លេអ៊ែរ អ៊ីរ៉ង់បានបាញ់មីស៊ីលបាលីស្ទិកជាច្រើនគ្រាប់ ក្នុងសមយុទ្ធយោធាមួយនៅថ្ងៃអង្គារម្សិលមិញ។ ការបាញ់សាកល្បងនេះហាក់ដូចជាផ្គើននឹងសេចក្ដីសម្រេចរបស់អង្គការសហប្រជាជាតិដែលហាមការសាកល្បងបច្ចេកវិទ្យាបាលីស្ទិក។ ប៉ុន្តែអ៊ីរ៉ង់ចាត់ទុកនេះ ជាការពង្រឹងសមត្ថភាពប្រឆាំងនឹងការគំរាមកំហែងមកលើខ្លូនប៉ុណ្ណោះ។
ទូរទស្សន៍រដ្ឋអ៊ីរ៉ង់ IRNA រាយការណ៍ថា មីស៊ីលទាំងនោះត្រូវបានបាញ់នៅពេលយប់ ចេញ ពីទីតាំងក្រោមដី ហើយមីស៊ីលដែលបាញ់នោះ គឺជាមីស៊ីលរយៈចម្ងាយមធ្យម។ បើតាមលោកឧត្តមសេនីយ៍ Amir Ali Hajizadeh ដែលជាមេបញ្ជាការកងកម្លាំងអាកាសរបស់ឆ្មាំបដិវត្តន៍អ៊ីរ៉ង់ មីស៊ីលនេះវាយប្រហារចំគោលដៅស្ថិតនៅចម្ងាយ៧០០គីឡូម៉ែត។
នេះមិនមែនជាលើកដំបូងទេ ដែលអ៊ីរ៉ង់បាញ់សាកល្បងមីស៊ីលរយៈចម្ងាយឆ្ងាយបែបនេះ។ កាលពីខែតុលា ឆ្នាំមុន អ៊ីរ៉ង់ប្រកាសថា ខ្លួនបានសាកល្បងដោយជោគជ័យមីស៊ីលរយៈចម្ងាយឆ្ងាយ Emad ដែលមានសមត្ថភាពខ្ពស់ក្នុងការបាញ់ចំគោលដៅ។ បើតាម Xinhua ក្នុងរបាយកាណ៍របស់អង្គការសហប្រជាជាតិចាត់ទុកមីស៊ីល Emad មានសមត្ថភាពបំពាក់ក្បាលគ្រាប់នុយក្លេអ៊ែរ ប៉ុន្តែអ៊ីរ៉ង់បានបដិសេធនឹងរឿងនេះ ដោយបញ្ជាក់ថា Emad គ្រាន់តែជាមីស៊ីលធម្មតាប៉ុណ្ណោះ។
ស្របគ្នានេះដែរ មន្ត្រីអាមេរិកនិងបារាំងនិយាយថា ការបាញ់លើកនេះ ទំនងជាល្មើសនឹងសេចក្ដីសម្រេចលេខ២២៣១ របស់ក្រុមប្រឹក្សាសន្តិសុខ។ ប៉ុន្តែទីក្រុងវ៉ាស៊ីនតោន បកស្រាយថា ការសាកល្បងនេះមិនបានល្មើសកិច្ចព្រមព្រៀងនុយក្លេអ៊ែរដែលទើបសម្រេចបាននោះទេ។ ប្រសិនបើការបាញ់នេះល្មើសនឹងបម្រាមរបស់អង្គការសហប្រជាជាតិមែននោះ ទណ្ឌកម្មថ្មីៗ អាចនឹងត្រូវដាក់លើអ៊ីរ៉ង់មិនខានឡើយ។
យ៉ាងណាមិញ លោកឧត្តមសេនីយ៍ Hajizadeh និយាយថា ទណ្ឌកម្មនឹងមិនអាចបញ្ឈប់អ៊ីរ៉ង់ពីការអភិវឌ្ឍបច្ចេកវិទ្យាបាលីស្ទិកបានទេ។ ម្យ៉ាងទៀតនោះ ការបាញ់សាកល្បងនៅយប់ថ្ងៃទី៨ ខែមីនា បានគ្រាន់តែបង្ហាញពីសាច់ដុំយោធារបស់អ៊ីរ៉ង់ ក៏ដូចជាសមត្ថភាពរបស់អ៊ីរ៉ង់ប្រឆាំងនឹងការគំរាមកំហែងខាងក្រៅ៕
សូមស្ដាប់ព័ត៌មានលម្អិត៖
មិនបានប៉ុន្មានក្រោយទទួលជោគជ័យលើកិច្ចព្រមព្រៀងនុយក្លេអ៊ែរ អ៊ីរ៉ង់បានបាញ់មីស៊ីលបាលីស្ទិកជាច្រើនគ្រាប់ ក្នុងសមយុទ្ធយោធាមួយនៅថ្ងៃអង្គារម្សិលមិញ។ ការបាញ់សាកល្បងនេះហាក់ដូចជាផ្គើននឹងសេចក្ដីសម្រេចរបស់អង្គការសហប្រជាជាតិដែលហាមការសាកល្បងបច្ចេកវិទ្យាបាលីស្ទិក។ ប៉ុន្តែអ៊ីរ៉ង់ចាត់ទុកនេះ ជាការពង្រឹងសមត្ថភាពប្រឆាំងនឹងការគំរាមកំហែងមកលើខ្លូនប៉ុណ្ណោះ។
ទូរទស្សន៍រដ្ឋអ៊ីរ៉ង់ IRNA រាយការណ៍ថា មីស៊ីលទាំងនោះត្រូវបានបាញ់នៅពេលយប់ ចេញ ពីទីតាំងក្រោមដី ហើយមីស៊ីលដែលបាញ់នោះ គឺជាមីស៊ីលរយៈចម្ងាយមធ្យម។ បើតាមលោកឧត្តមសេនីយ៍ Amir Ali Hajizadeh ដែលជាមេបញ្ជាការកងកម្លាំងអាកាសរបស់ឆ្មាំបដិវត្តន៍អ៊ីរ៉ង់ មីស៊ីលនេះវាយប្រហារចំគោលដៅស្ថិតនៅចម្ងាយ៧០០គីឡូម៉ែត។
នេះមិនមែនជាលើកដំបូងទេ ដែលអ៊ីរ៉ង់បាញ់សាកល្បងមីស៊ីលរយៈចម្ងាយឆ្ងាយបែបនេះ។ កាលពីខែតុលា ឆ្នាំមុន អ៊ីរ៉ង់ប្រកាសថា ខ្លួនបានសាកល្បងដោយជោគជ័យមីស៊ីលរយៈចម្ងាយឆ្ងាយ Emad ដែលមានសមត្ថភាពខ្ពស់ក្នុងការបាញ់ចំគោលដៅ។ បើតាម Xinhua ក្នុងរបាយកាណ៍របស់អង្គការសហប្រជាជាតិចាត់ទុកមីស៊ីល Emad មានសមត្ថភាពបំពាក់ក្បាលគ្រាប់នុយក្លេអ៊ែរ ប៉ុន្តែអ៊ីរ៉ង់បានបដិសេធនឹងរឿងនេះ ដោយបញ្ជាក់ថា Emad គ្រាន់តែជាមីស៊ីលធម្មតាប៉ុណ្ណោះ។
ស្របគ្នានេះដែរ មន្ត្រីអាមេរិកនិងបារាំងនិយាយថា ការបាញ់លើកនេះ ទំនងជាល្មើសនឹងសេចក្ដីសម្រេចលេខ២២៣១ របស់ក្រុមប្រឹក្សាសន្តិសុខ។ ប៉ុន្តែទីក្រុងវ៉ាស៊ីនតោន បកស្រាយថា ការសាកល្បងនេះមិនបានល្មើសកិច្ចព្រមព្រៀងនុយក្លេអ៊ែរដែលទើបសម្រេចបាននោះទេ។ ប្រសិនបើការបាញ់នេះល្មើសនឹងបម្រាមរបស់អង្គការសហប្រជាជាតិមែននោះ ទណ្ឌកម្មថ្មីៗ អាចនឹងត្រូវដាក់លើអ៊ីរ៉ង់មិនខានឡើយ។
យ៉ាងណាមិញ លោកឧត្តមសេនីយ៍ Hajizadeh និយាយថា ទណ្ឌកម្មនឹងមិនអាចបញ្ឈប់អ៊ីរ៉ង់ពីការអភិវឌ្ឍបច្ចេកវិទ្យាបាលីស្ទិកបានទេ។ ម្យ៉ាងទៀតនោះ ការបាញ់សាកល្បងនៅយប់ថ្ងៃទី៨ ខែមីនា បានគ្រាន់តែបង្ហាញពីសាច់ដុំយោធារបស់អ៊ីរ៉ង់ ក៏ដូចជាសមត្ថភាពរបស់អ៊ីរ៉ង់ប្រឆាំងនឹងការគំរាមកំហែងខាងក្រៅ៕
Tag:
អ៊ីរ៉ង់
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
