ត្បូងឃ្មុំ បន្តចាញ់ជើងទី៤ ខណៈព្រៃវែង សងសឹក ស្វាយរៀងបានសម្រេច

កីឡាជាតិ

ជាតិ

ត្បូងឃ្មុំ បន្តចាញ់ជើងទី៤ ខណៈព្រៃវែង សងសឹក ស្វាយរៀងបានសម្រេច

10, Mar 2016 , 10:33 am

រូបភាព

ដោយ:

បន្ទាប់ពីធ្វើការប្រកួតយ៉ាងស្វិតស្វាញ ពានរង្វាន់សម្តេច ហ៊ុន សែន លើកទី១០ ឆ្នាំ២០១៦ សម្រាប់ការប្រកួតវគ្គជម្រុះបឋមនៃសប្តាហ៍ទី៤ ដែលមានការប្រកួតចំនួន៥គូ បានបញ្ចប់ហើយកាលពីថ្ងៃទី៩ ខែមិនា ម្សិលមិញ ដោយខេត្តត្បូងឃ្មុំ បន្តចាញ់ជាលើកទី៤ ខណៈខេត្តព្រៃវែង សងសឹក ស្វាយរៀង បានសម្រេច។

ខេត្តត្បូងឃ្មុំ បន្ទាប់ពីមិនដែលស្គាល់ពាក្យថាឈ្នះសម្រាប់ការប្រកួត៣ជើងរបស់ខ្លួននាពេលកន្លងមក សម្រាប់ការបើកទ្វារកីឡដ្ឋានខេត្តត្បូងឃ្មុំ កាលពីម្សិលមិញ ដើម្បីស្វាគមន៍ក្រុមភ្ញៀវយុវជនបឹងកេតកំពង់ចាម នៅតែមិនអាចកែប្រែមុខមាត់ថ្មីសម្រាប់រដូវកាល២០១៦ ដោយក្រុមនេះបន្តចាញ់ក្រុមយុវជនបឹងកេតកំពង់ចាម ១-០។ ខណៈខេត្តព្រៃវែង សងសឹក ស្វាយរៀង បានសម្រេច ៣-១ នៅលើទឹកដីរបស់ខ្លួន បន្ទាប់ពីចាញ់ខេត្តស្វាយរៀងកាលពីសប្តាហ៍ទី១នៅលើទឹកដីខេត្តស្វាយរៀង។

ទន្ទឹមនឹងនេះក្រុមដែលមិនស្គាល់ពាក្យថាឈ្នះខេត្តព្រះវិហារ សម្រាប់ការបើកទ្វារកីឡដ្ឋានរបស់ខ្លួនដើម្បីសងសឹកក្រុមសៀមរាបអង្គរនៅតែបន្តចាញ់ដដែល ៤-២។ ខណៈក្រុមអ.ហ ខេត្តកំពង់ធំ បានត្រឹមស្មើខេត្តឧត្តរមានជ័យ ២-២ នៅកីឡដ្ឋានខេត្តកំពង់ធំ។ ចំណែកខេត្តបាត់ដំបង សម្រាប់ការបើកទ្វារកីឡដ្ឋានរបស់ខ្លួន ដើម្បីសងសឹកខេត្តកំពង់ឆ្នាំង ត្រូវបាន ខេត្តកំពង់ឆ្នាំងបំបាក់ជាលើកទី២។

*លទ្ធផលប្រកួតពានរង្វាន់សម្តេច ហ៊ុន សែន ម្សិលមិញ

ពូល B៖

- ខេត្តត្បូងឃ្មុំ ០-១ យុវជនបឹងកេតអង្គរកំពង់ចាម នៅកីឡដ្ឋានខេត្តត្បូងឃ្មុំ

- ខេត្តព្រៃវែង ៣-១ ខេត្តស្វាយរៀង នៅកីឡដ្ឋានខេត្តព្រៃវែង

ពូល C៖

- ខេត្តព្រះវិហារ ២-៤ សៀមរាបអង្គរ នៅកីឡដ្ឋានខេត្តព្រះវិហារ

- អ.ហ ខេត្តកំពង់ធំ ២-២ ខេត្តឧត្តរមានជ័យ នៅកីឡដ្ឋានខេត្តកំពង់ធំ

ពូល D៖

- ខេត្តបាត់ដំបង ១-២ ខេត្តកំពង់ឆ្នាំង នៅកីឡដ្ឋានខេត្តបាត់ដំបង