អន្តរជាតិ
×![]()
ចុងក្រោយបេក្ខជននៃប្រធានាធិបតីដែលនឹងត្រូវមកជំនួសលោកប្រធានាធិបតីជិតផុតអាណត្តិថេន សេន ត្រូវបានបង្ហាញនៅក្នុងថ្ងៃទី១០ ខែមីនានេះហើយ។ ដូចដែលបានដឹងមុនស្រាប់ហើយប្រមុខបក្សឈ្នះឆ្នោតលោកស្រីអ៊ុងសាន ស៊ូជី មិនមានបេក្ខភាពដើម្បីឈរឈ្មោះជាប្រធានាធិបតីបាននោះ បើទោះជាលោកស្រី បានព្យាយាមចរចាជាមួយនឹងក្រុមយោធាជាច្រើនលើកច្រើនសារដើម្បីសុំកែច្បាប់កំពូលនៃប្រទេសក៏ដោយ។ ការមិនដាច់ស្រេចនេះហើយបានក្លាយជាចំណោទបញ្ហាមួយដែលសង្គ្រាមត្រជាក់រវាងលោកស្រីស៊ូជី និងមេយោធាត្រូវកើតឡើងក្នុងអំឡុងពេលអាណត្តិរដ្ឋាភិបាលថ្មីនេះ។
សូមស្ដាប់ព័ត៌មានលម្អិត៖
ដូចដែលបានកំណត់នៅថ្ងៃនេះ សភាសភាពមីយ៉ាន់ម៉ា បានប្រកាសបេក្ខជនប្រធានាធិបតីដែលមាន ទាំងបេក្ខជនមកពីបក្សសំឡេងភាគច្រើន និងបេក្ខជនបក្សសំឡេងភាគតិចនៅក្នុងសភាផងដែរ។ ដោយសារតែមិនអាចឈរឈ្មោះជាបេក្ខជនប្រធានាធិបតីបាន លោកស្រី តែងតាំងជំនួយការរបស់លោកស្រី មួយរូបគឺលោក Htin Kyaw ជាបេក្ខជនប្រធានាធិបតី ដែលនឹងត្រូវបោះឆ្នោតសម្រេច និងផ្តល់សេចក្តីទុកចិត្តនៅសបា្ហហ៍។ បើទោះបីជាលោក Htin Kyaw ពេលនេះនៅត្រឹមតែជាបេក្ខជនប្រធានាធិបតីក៏ដោយ តំណែងនេះ គ្មានអ្វីដែលត្រូវព្រួយបារម្ភឡើយ ដ្បិតបក្សសម្ព័ន្ធជាតិដើម្បីប្រធាធិបតីមាន សំឡេងលើសពី៥០បូកមួយសម្រាប់ការបោះឆ្នោតជ្រើសរើសប្រធានាធិបតីទៅទៀត។តែអ្វីដែលគេ កំពុងតែមានបន្ទិលនោះគឺថាតើលោកស្រីស៊ូជី អាចមានចំណែកអ្វីខ្លះក្នុងការដឹកនាំអាណត្តិថ្មីនេះ។
១. ទោះហាមឃាត់ដោយរដ្ឋធម្មនុញ្ញលោកស្រីស៊ូជីនៅតែជាអ្នកដឹកនាំសំខាន់ក្នុងអាណត្តិរដ្ឋាភិបាលថ្មី?
គិតចាប់ពីដឹងថាបក្សសម្ព័ន្ធជាតិដើម្បីប្រជាធិបតេយ្យ បាននាំមុខ និងអាចមានលទ្ធភាពដើម្បីបង្កើតរដ្ឋាភិបាលដោយខ្លួនឯងបាន លោកស្រី ស៊ូជី ដែលជាប្រមុខបក្សឈ្នះឆ្នោត បានបន្តកិច្ចប្រឹងប្រែងក្នុង ការចរចាជាមួយនឹងមេដឹកនាំយោធាដែលបានកាប់កាន់អំណាចនៅក្នុងអាណត្តិរដ្ឋាភិបាលចាស់។ ហើយគោលបំណងនៃការចរចាតាមរយៈវប្បធម៌សន្ទនានោះគឺដើម្បីធានាឲ្យបាននូវការផ្ទេរអំណាច ដោយសន្តិវិធី ពោលគឺជាការបញ្ចៀសប្រវត្តិសាស្ត្រជាន់ដានជាថ្មីដូចឆ្នាំ១៩៩០។ ជាពិសេស រឿងដែលមិនអាចប្រកែកបាននោះ គឺការព្យាយាមចរចារបស់លោកស្រី ដើម្បីសុំការគាំទ្រពីមេយោធាកែប្រែ ឬព្យួររដ្ឋធម្មនុញ្ញ ដើម្បីបើកផ្លូវឲ្យលោកស្រី អាចឈានទៅដល់ក្តីសុបិនក្នុងការក្លាយជាប្រធានាធិបតី បាន។ លោកស្រី ស៊ូជី មិនអាចឈរឈ្មោះជាបេក្ខជនប្រធានាធិបតីបាននោះទេ ដ្បិតមានការហាម ឃាត់ដោយមាត្រា៥៩ នៃរដ្ឋធម្មនុញ្ញមីយ៉ាន់ម៉ា។
តែការចរចាចន្លោះបីទៅបួនខែមកនេះ ហាក់ដូចជាមិនមានពន្លឺ ឬផ្កែផ្កាអ្វីគួរកត់សម្គាល់នោះទេ ពោលគឺ មិនមានលទ្ធភាពណាមួយដែលបង្ហាញថាលោកស្រី អាចឈានទៅកាន់កាប់តំណែងប្រធានាធិបតីដែលជាក្តីសុបិនរបស់លោកស្រី។ យ៉ាងណាក៏ដោយ លោកស្រី ស៊ូជី បានអះអាងជាច្រើនលើកច្រើនសារហើយថា លោក ស្រី នឹងមានតំណែងខ្ពស់ជាប្រធានាធិបតីទៅទៀត ទោះបីតំណែងនោះ មិនមានចែងក្នុងរដ្ឋធម្មនុញ្ញ មីយ៉ាន់ម៉ាក៏ដោយ។
អ្វីគួរកត់សម្គាល់នោះ បេក្ខជនប្រធានាធិបតីលោក Htin Kyaw ដែលលោកស្រីស៊ូជី បានតែងតាំង និងត្រូវបានរំពឹងថានឹងមកចូលកាន់តំណែងលោកប្រធានាធិបតីជិតផុតអាណត្តិថេន សេន គឺជាជំនិត និងជាមន្ត្រីជាន់ខ្ពស់របស់លោកស្រីស៊ូជីតែម្តង។ នេះ ក៏មានន័យថា ការដឹកនាំមីយ៉ាន់ម៉ានៅក្នុងអាណត្តិរដ្ឋាភិបាលថ្មីនេះ នឹងត្រូវស្ថិតក្រោមគោលនយោបាយ និងការបង្គាប់បញ្ជាពីលោកស្រីដដែល។
២. សង្គ្រាមត្រជាក់នឹងកើតឡើងក្នុងអំឡុងអាណត្តិថ្មីរដ្ឋាភិបាលបក្សលោកស្រីស៊ូជី?
ដូចបានបញ្ជាក់ក្តីសុបិនធំរបស់លោកស្រី ស៊ូជី គឺជាការឡើងកាន់តំណែងជាប្រធានាធិបតី។ តែដើម្បី អាចទទួលបានតំណែងនេះ វាលុះត្រាតែមានការកែប្រែរដ្ឋធម្មនុញ្ញដែលទាមទារសំឡេងគាំទ្រ៣ភាគ ៤នៃសំឡេងសភាសរុប។ ជារឿងគួរឲ្យសោកស្តាយនោះ គឺបក្សលោកស្រីស៊ូជី មិនមានសំឡេងគ្រប់គ្រាន់នោះទេ សម្រាប់ការធ្វើវិសោធនកម្មនៃច្បាប់នោះ ដ្បិត២៥ភាគរយនៃសំឡេងសភាបានកាន់កាន់ដោយក្រុមយោធាដែលបានប្រឆាំងក្តីប្រាថ្នាលោកស្រីជាដាច់ខាតហើយនោះ។ ហើយចុងក្រោយនេះ លោកស្រីអ៊ុងសាន ស៊ូជី បានព្យាយាមអស់ពីលទ្ធភាពហើយក្នុងការចរចាជាមួយនឹងប្រមុខយោធា លោក មិន អ៊ុងឡាំង តែគ្មានលទ្ធផលនោះទេ ពោលគឺការធ្វើវិសោធនកម្មមិនអាចធ្វើទៅរួចបាននោះ ទេ។ សម្រាប់ក្រុមយោធា ការកែប្រែអាចធ្វើទៅបាន វាលុះត្រាតែប្រទេសអាចមានសន្តិភាព និងសន្តិសុខពេញលេញ ដែលមានន័យថាស្ថានភាពមីយ៉ាន់ម៉ា ពេលនេះ ត្រូវការយោធាក្នុងនយោបាយ។
ជុំវិញបញ្ហានេះ លោក វិន អូ (Win Oo) អតីតសមាជិកបក្សសហភាពរួបរួម និងអភិវឌ្ឍន៍របស់លោកថេន សេន និងជាអ្នករៀបចំការផ្ទេរតំណែងផងដែរនោះ បានអះអាងថាក្រុមទាហានបានទាមទារច្រើន ពេកក្នុងដំណើរនៃការចរចនោះ។ នេះបើយោងតាមសារព័ត៌មាន Irrawaddy ដែលបានដកស្រង់សម្តី លោក វិន អូ ដែលបានបន្ថែមទៀត «ភាគីទាំងពីរកំពុងស្ថិតនៅក្នុងដំណាក់កាលនៃ សង្គ្រាមត្រជាក់និងវាលពិឃាតនយោបាយ»។
សង្គ្រាមត្រជាក់នេះ មិនមែនមានន័យថាជាប្រកួតប្រជែងមនោគមនវិជ្ជា និងការប្រកួតប្រជែងសព្វាវុធ ដូចទៅនឹងសង្គ្រាមត្រជាក់រវាងរុស្ស៊ី និងអាមេរិកនោះទេ តែវាជាការប្រកួតប្រជែងក្នុងបរិបទនយោបាយក្នុងស្រុកមីយ៉ាន់ម៉ា រវាងមេយោធា និងប្រមុខបក្សសម្ព័ន្ធជាតិដើម្បីប្រជាធិបតេយ្យលោកស្រី ស៊ូជី។ នោះក៏មានន័យថា វាជាដំណាក់មួយដែលលោកស្រី ព្យាយាមបញ្ចូលឥទ្ធិពលរបស់លោកស្រីទៅក្នុង អាណត្តិរដ្ឋាភិបាលថ្មី បើទោះបីជា រដ្ឋធម្មនុញ្ញយោធាបានហាមឃាត់ក៏ដោយ៕
សូមស្ដាប់ព័ត៌មានលម្អិត៖
ដូចដែលបានកំណត់នៅថ្ងៃនេះ សភាសភាពមីយ៉ាន់ម៉ា បានប្រកាសបេក្ខជនប្រធានាធិបតីដែលមាន ទាំងបេក្ខជនមកពីបក្សសំឡេងភាគច្រើន និងបេក្ខជនបក្សសំឡេងភាគតិចនៅក្នុងសភាផងដែរ។ ដោយសារតែមិនអាចឈរឈ្មោះជាបេក្ខជនប្រធានាធិបតីបាន លោកស្រី តែងតាំងជំនួយការរបស់លោកស្រី មួយរូបគឺលោក Htin Kyaw ជាបេក្ខជនប្រធានាធិបតី ដែលនឹងត្រូវបោះឆ្នោតសម្រេច និងផ្តល់សេចក្តីទុកចិត្តនៅសបា្ហហ៍។ បើទោះបីជាលោក Htin Kyaw ពេលនេះនៅត្រឹមតែជាបេក្ខជនប្រធានាធិបតីក៏ដោយ តំណែងនេះ គ្មានអ្វីដែលត្រូវព្រួយបារម្ភឡើយ ដ្បិតបក្សសម្ព័ន្ធជាតិដើម្បីប្រធាធិបតីមាន សំឡេងលើសពី៥០បូកមួយសម្រាប់ការបោះឆ្នោតជ្រើសរើសប្រធានាធិបតីទៅទៀត។តែអ្វីដែលគេ កំពុងតែមានបន្ទិលនោះគឺថាតើលោកស្រីស៊ូជី អាចមានចំណែកអ្វីខ្លះក្នុងការដឹកនាំអាណត្តិថ្មីនេះ។
១. ទោះហាមឃាត់ដោយរដ្ឋធម្មនុញ្ញលោកស្រីស៊ូជីនៅតែជាអ្នកដឹកនាំសំខាន់ក្នុងអាណត្តិរដ្ឋាភិបាលថ្មី?
គិតចាប់ពីដឹងថាបក្សសម្ព័ន្ធជាតិដើម្បីប្រជាធិបតេយ្យ បាននាំមុខ និងអាចមានលទ្ធភាពដើម្បីបង្កើតរដ្ឋាភិបាលដោយខ្លួនឯងបាន លោកស្រី ស៊ូជី ដែលជាប្រមុខបក្សឈ្នះឆ្នោត បានបន្តកិច្ចប្រឹងប្រែងក្នុង ការចរចាជាមួយនឹងមេដឹកនាំយោធាដែលបានកាប់កាន់អំណាចនៅក្នុងអាណត្តិរដ្ឋាភិបាលចាស់។ ហើយគោលបំណងនៃការចរចាតាមរយៈវប្បធម៌សន្ទនានោះគឺដើម្បីធានាឲ្យបាននូវការផ្ទេរអំណាច ដោយសន្តិវិធី ពោលគឺជាការបញ្ចៀសប្រវត្តិសាស្ត្រជាន់ដានជាថ្មីដូចឆ្នាំ១៩៩០។ ជាពិសេស រឿងដែលមិនអាចប្រកែកបាននោះ គឺការព្យាយាមចរចារបស់លោកស្រី ដើម្បីសុំការគាំទ្រពីមេយោធាកែប្រែ ឬព្យួររដ្ឋធម្មនុញ្ញ ដើម្បីបើកផ្លូវឲ្យលោកស្រី អាចឈានទៅដល់ក្តីសុបិនក្នុងការក្លាយជាប្រធានាធិបតី បាន។ លោកស្រី ស៊ូជី មិនអាចឈរឈ្មោះជាបេក្ខជនប្រធានាធិបតីបាននោះទេ ដ្បិតមានការហាម ឃាត់ដោយមាត្រា៥៩ នៃរដ្ឋធម្មនុញ្ញមីយ៉ាន់ម៉ា។
តែការចរចាចន្លោះបីទៅបួនខែមកនេះ ហាក់ដូចជាមិនមានពន្លឺ ឬផ្កែផ្កាអ្វីគួរកត់សម្គាល់នោះទេ ពោលគឺ មិនមានលទ្ធភាពណាមួយដែលបង្ហាញថាលោកស្រី អាចឈានទៅកាន់កាប់តំណែងប្រធានាធិបតីដែលជាក្តីសុបិនរបស់លោកស្រី។ យ៉ាងណាក៏ដោយ លោកស្រី ស៊ូជី បានអះអាងជាច្រើនលើកច្រើនសារហើយថា លោក ស្រី នឹងមានតំណែងខ្ពស់ជាប្រធានាធិបតីទៅទៀត ទោះបីតំណែងនោះ មិនមានចែងក្នុងរដ្ឋធម្មនុញ្ញ មីយ៉ាន់ម៉ាក៏ដោយ។
អ្វីគួរកត់សម្គាល់នោះ បេក្ខជនប្រធានាធិបតីលោក Htin Kyaw ដែលលោកស្រីស៊ូជី បានតែងតាំង និងត្រូវបានរំពឹងថានឹងមកចូលកាន់តំណែងលោកប្រធានាធិបតីជិតផុតអាណត្តិថេន សេន គឺជាជំនិត និងជាមន្ត្រីជាន់ខ្ពស់របស់លោកស្រីស៊ូជីតែម្តង។ នេះ ក៏មានន័យថា ការដឹកនាំមីយ៉ាន់ម៉ានៅក្នុងអាណត្តិរដ្ឋាភិបាលថ្មីនេះ នឹងត្រូវស្ថិតក្រោមគោលនយោបាយ និងការបង្គាប់បញ្ជាពីលោកស្រីដដែល។
២. សង្គ្រាមត្រជាក់នឹងកើតឡើងក្នុងអំឡុងអាណត្តិថ្មីរដ្ឋាភិបាលបក្សលោកស្រីស៊ូជី?
ដូចបានបញ្ជាក់ក្តីសុបិនធំរបស់លោកស្រី ស៊ូជី គឺជាការឡើងកាន់តំណែងជាប្រធានាធិបតី។ តែដើម្បី អាចទទួលបានតំណែងនេះ វាលុះត្រាតែមានការកែប្រែរដ្ឋធម្មនុញ្ញដែលទាមទារសំឡេងគាំទ្រ៣ភាគ ៤នៃសំឡេងសភាសរុប។ ជារឿងគួរឲ្យសោកស្តាយនោះ គឺបក្សលោកស្រីស៊ូជី មិនមានសំឡេងគ្រប់គ្រាន់នោះទេ សម្រាប់ការធ្វើវិសោធនកម្មនៃច្បាប់នោះ ដ្បិត២៥ភាគរយនៃសំឡេងសភាបានកាន់កាន់ដោយក្រុមយោធាដែលបានប្រឆាំងក្តីប្រាថ្នាលោកស្រីជាដាច់ខាតហើយនោះ។ ហើយចុងក្រោយនេះ លោកស្រីអ៊ុងសាន ស៊ូជី បានព្យាយាមអស់ពីលទ្ធភាពហើយក្នុងការចរចាជាមួយនឹងប្រមុខយោធា លោក មិន អ៊ុងឡាំង តែគ្មានលទ្ធផលនោះទេ ពោលគឺការធ្វើវិសោធនកម្មមិនអាចធ្វើទៅរួចបាននោះ ទេ។ សម្រាប់ក្រុមយោធា ការកែប្រែអាចធ្វើទៅបាន វាលុះត្រាតែប្រទេសអាចមានសន្តិភាព និងសន្តិសុខពេញលេញ ដែលមានន័យថាស្ថានភាពមីយ៉ាន់ម៉ា ពេលនេះ ត្រូវការយោធាក្នុងនយោបាយ។
ជុំវិញបញ្ហានេះ លោក វិន អូ (Win Oo) អតីតសមាជិកបក្សសហភាពរួបរួម និងអភិវឌ្ឍន៍របស់លោកថេន សេន និងជាអ្នករៀបចំការផ្ទេរតំណែងផងដែរនោះ បានអះអាងថាក្រុមទាហានបានទាមទារច្រើន ពេកក្នុងដំណើរនៃការចរចនោះ។ នេះបើយោងតាមសារព័ត៌មាន Irrawaddy ដែលបានដកស្រង់សម្តី លោក វិន អូ ដែលបានបន្ថែមទៀត «ភាគីទាំងពីរកំពុងស្ថិតនៅក្នុងដំណាក់កាលនៃ សង្គ្រាមត្រជាក់និងវាលពិឃាតនយោបាយ»។
សង្គ្រាមត្រជាក់នេះ មិនមែនមានន័យថាជាប្រកួតប្រជែងមនោគមនវិជ្ជា និងការប្រកួតប្រជែងសព្វាវុធ ដូចទៅនឹងសង្គ្រាមត្រជាក់រវាងរុស្ស៊ី និងអាមេរិកនោះទេ តែវាជាការប្រកួតប្រជែងក្នុងបរិបទនយោបាយក្នុងស្រុកមីយ៉ាន់ម៉ា រវាងមេយោធា និងប្រមុខបក្សសម្ព័ន្ធជាតិដើម្បីប្រជាធិបតេយ្យលោកស្រី ស៊ូជី។ នោះក៏មានន័យថា វាជាដំណាក់មួយដែលលោកស្រី ព្យាយាមបញ្ចូលឥទ្ធិពលរបស់លោកស្រីទៅក្នុង អាណត្តិរដ្ឋាភិបាលថ្មី បើទោះបីជា រដ្ឋធម្មនុញ្ញយោធាបានហាមឃាត់ក៏ដោយ៕
Tag:
មីយ៉ាន់ម៉ា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
