ពីនេះ ពីនោះ
×![]()
ដោយ: ថ្មីៗ
នៅក្នុងសទ្ទានុក្រមបច្ចេកសព្ទរបស់វិទ្យាសាស្ត្រនយោបាយនិងការទូត ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យពាក្យ «អង្គការលើកលែងទោសអន្តរជាតិ » ដូចខាងក្រោម៖
អង្គការលើកលែងទោសអន្តរជាតិ មានន័យថា ជាអង្គការមួយធ្វើយុទ្ធនាការអន្តរជាតិក្នុងការគាំទ្រចំពោះអ្នកទាំងឡាយណាដែលជាប់ឃុំឃាំងដោយជំនឿខាងសាសនា និងនយោបាយទូទាំងពិភពលោក។
អង្គការនេះបានអនុវត្តនូវគោលនយោបាយសំខាន់ៗចំនួនបី៖
អង្គការនេះបានអនុវត្តនូវគោលនយោបាយសំខាន់ៗចំនួនបី៖
ទីមួយ៖ ដោះលែងអ្នកទោសមនសិការ
ទីពីរ៖ បញ្ឈប់ការធ្វើទារុណកម្មរាលទម្រង់ទាំងអស់ រួមទាំងទោសប្រហារជីវិត
ទីបី៖ ស្វែងរកយុត្តិធម៌និងភាពត្រឹមត្រូវក្នុងការកាត់សេចក្ដីចំពោះអ្នកទោសនយោបាយទាំងអស់។
អង្គការនេះមានទីតាំងនៅក្នុងក្រុងឡុងដ៍ប្រទេសអង់គ្លេស មានតំណាងនៅអង្គការសហប្រជាជាតិ ហើយបានទទួលពានរង្វាន់សិទ្ធិមនុស្ស អង្គការសហប្រជាជាតិក្នុងឆ្នាំ១៩៧៨។ អង្គការនេះទទួលស្គាល់ជាផ្លូវការដោយសហភាពអឺរ៉ុប ក្រុមប្រឹក្សានៃអឺរ៉ុប អង្គការនៃរដ្ឋអាមេរិក និងអង្គការឯកភាពអាហ្វ្រ៊ិក និងក្នុងឆ្នាំ១៩៧៧ អង្គការនេះបានទទួលពានរង្វាន់ណូប៊ែលសន្តិភាព។
© រក្សាសិទ្ធិដោយ thmeythmey.com
