អន្តរជាតិ
បុរសម្នាក់ផ្តល់សេវាសម្អាតឆ្កែអនាថាដោយឥតគិតថ្លៃ មុននឹងស្វែងរកម្ចាស់ថ្មីឲ្យវា
×
នៅទីក្រុងញូវយ៉ក សហរដ្ឋអាមេរិក លោក Mark Imhof បានសម្រេចផ្លាស់ប្តូរជាមួយរបស់ខ្លួនដើម្បីស្វែងរកអនាគតឲ្យសត្វឆ្កែអនាថា។ អតីតទីប្រឹក្សាផ្នែកកិច្ចការរដ្ឋបាលនៅសាកលវិទ្យាល័យ New York រូបនេះ បានក្លាយជាអ្នកជំនាញអាជីពផ្នែកសម្អាតសត្វឆ្កែ។
បន្ទាប់ពីឆ្លងកាត់វគ្គបណ្តុះបណ្តាលមួយ លោក Mark Imhof បានសេវាកម្ម «The Dog Guy» ដើម្បីជួយសង្គ្រោះសត្វឆ្កែ និងឆ្មា អនាថា ដោយឥតគិតថ្លៃ។ លោកបានលើកទឹកចិត្តឲ្យពលរដ្ឋនៅក្នុងទីក្រុងញូវយ៉ក យកចិត្តទុកដាក់លើឆ្កែ និងនាំវាដើរកម្សាន្ត។ បន្ថែមពីលើនេះ លោក Mark បានប្រើប្រាស់ពេលវេលារបស់ខ្លួនក្នុងការជួយដល់ឆ្កែអានាថា ជាពិសេសឆ្កែចំណាស់ក្នុងការស្វែងរកម្ចាស់ថ្មី។
ដើម្បីឲ្យសត្វឆ្កែអានាថាងាយស្រួលក្នុងការទទួលបានម្ចាស់ថ្មី លោក Mark Imhof បានផ្តល់សេវាកម្មសម្អាត កាត់រោម ពួកវាឲ្យមានរូបរាងស្អាត និងទាក់ទាញ។ បន្ទាប់មកលោកបង្ហោះរូបថតទាំងនោះ តាមហ្វេសប៊ុក (Mark The Dog Guy) និង Instagram (markthedogguy) ដើម្បីអំពាវនាវរកម្ចាស់ថ្មីឲ្យពួកវា៕
© រក្សាសិទ្ធិដោយ thmeythmey.com