1១. កាត់ការបន្ថយការប្រឈមនឹងជំងឺបេះដូង
ទឹកផ្លែប៉ោមស្រស់ៗ អាចជួយការពារកូឡេស្តេរ៉ូល មិនអោយផ្តុំគ្នាបាន នៅក្នុងសសៃឈាម និង សសៃអាទែបាន។ កម្រិតកូឡេស្តេរ៉ូល និង ប្លាកែតខ្ពស់ នៅក្នុងសសៃអាទែ គឺជាមូលហេតុដ៏ចំបងមួយ ដែលបណ្តាលអោយយើង មានជំងឺបេះដូងបាន។ ជាមួយនឹងការផឹកទឹកផ្លែប៉ោមជាប្រចាំនេះ វាអាចជួយ អ្នក ក្នុងការកាត់បន្ថយបាន នូវឱកាសនៃការកើតមាននូវជំងឺបេះដូង។
២. ជាអ្នកជួយសម្អាតសារពាង្គកាយ និង ជម្រុញអោយប្រព័ន្ធរំលាយអាហារមានដំណើរការល្អប្រសើរ
ទឹកផ្លែប៉ោម (ជាពិសេសទឹកផ្លែប៉ោមកិនស្រស់ៗ ) អាចជួយក្នុង ការសម្អាតថ្លើម និង តម្រងនោមបាន ពី សារជាតិពុលផ្សេងៗ ។ ដូច្នេះ ជាលទ្ធផល អ្នកនឹងទទួលបាននូវអ្នកសម្អាត សិរីរះដ៏ល្អមួយ និង ទទួលបាន ផងដែរនូវ ការ ការពារប្រឆាំងបានទៅនឹងជំងឺថ្លើម និង ជំងឺតម្រងនោម។
៣. ទឹកផ្លែប៉ោមគឺល្អបំផុតសម្រាប់ការសម្រកទម្ងន់
អត្ថប្រយោជន៍នៃទឹកផ្លែប៉ោម ចំពោះសុខភាព គឺត្រូវបានទទួលការគាំទ្រ ជាខ្លាំងពីសំណាក់អ្នក ដែលយក ចិត្តទុកដាក់ចំពោះទម្ងន់រាងកាយ។ សារជាតិកូឡេស្តេរ៉ូល និង កាឡូរី គឺជាមូលហេតុដ៏ចំបងពីរយ៉ាង ដែលអាចបណ្តាល អោយយើងកើនទម្ងន់បាន។ ទឹកផ្លែប៉ម គឺមិនមានផ្ទុកនូវ ជាតិកាឡូរី និង ខ្លាញ់នោះទេ មិនត្រឹមតែប៉ុណ្ណោះ វាអាចជួយការពារអ្នកបានពី កូឡេស្តេរ៉ូលបានផងដែរ ។
៤. ជាប្រភពដ៏ល្អបំផុតនៃថាមពល
ទឹកផ្លែប៉ោម គឺមានផ្ទុកទៅដោយ សារជាតិវីតាមីនផ្សេងគ្នាជាច្រើន មានដូចជា វីតាមីន A,C, E, K, B1, B2, B6 និង Folate ដូច្នេះវាគឺជាប្រភពដ៏ប្រសើរបំផុត នៃថាមពល។ ជាលទ្ធផល វាគឺជាភេសជ្ជះដ៏សាកសម ក្នុងការទទួលទាន ដើម្បីជួយអោយអ្នក ទទួលបាននូវថាមពលគ្រប់គ្រាន់មកវិញ បន្ទាប់ពីអ្នកបានធ្វើ លំហាត់ប្រាណរាងកាយរួច ។
៥. កាត់បន្ថយអត្រាប្រឈមនឹងជំងឺផ្លូវចិត្ត
ការសិក្សាស្រាវជ្រាវមួយចំនួន បានបង្ហាញថា ទឹកផ្លែប៉មស្រស់ អាចជួយបន្ទាបនូវ កម្រិតនៃការប្រឈម នឹងជំងឺផ្លូវចិត្ត ចំពោះមនុស្សចាស់។ ទឹកប៉ោម គឺត្រូវបានគេជឿថា វាអាចជួយអោយដំណើរការនៃភាព ចាស់វ័យរបស់ខួរក្បាលមានភាពយឺតយ៉ាវ និង ជួយអោយវាចងចាំបានល្អ ក្នុងរយៈពេលយូរ ជាងនេះ ។
៦. ជួយធ្វើអោយការមើលឃើញ និង សុខភាពរបស់ភ្នែកល្អប្រសើរជាងមុន
ទឹកផ្លែប៉ោមស្រស់ ក៏មានផ្ទុកផងដែរ នូវសារជាតិវីតាមីន A ដែលល្អ សម្រាប់សុខភាពភ្នែករបស់ យើងម្នាក់ៗ ។ វីតាមីន A អាចជួយការពារភ្នែករបស់អ្នក បានពីជំងឺភ្នែក និង ជួយរក្សាអោយវានៅតែ មានភាពភ្លឺស្វាងល្អជានិច្ច ។
ដូចដែលបានរៀបរាប់ពីខាងលើនេះ យើងឃើញហើយថា ទឹកប៉មក៏មានអត្ថប្រយោជន៍មិនចាញ់ ផ្លែឈើ ផ្សេងៗទៀតនោះទេ ដូច្នេះហើយ អ្នកគួរធ្វើការពិចារណាជ្រើសរើសយកវាមក ទទួលទានជាប្រចាំថ្ងៃ ដើម្បីសុខភាពរបស់យើងម្នាក់ៗ ៕
ត្រួតពិនិត្យដោយ www.health.com.kh