ពីនេះ ពីនោះ
តើ «ចលនាមិនចូលបក្សសម្ព័ន្ធ» មានអត្ថន័យដូចម្ដេចនៅក្នុងវិទ្យាសាស្ត្រនយោបាយ ?
× នៅក្នុងសទ្ទានុក្រមនៃបច្ចេកសព្ទរបស់វិទ្យាសាស្ត្រនយោបាយនិងការទូត ដែលអនុម័តដោយក្រុមប្រឹក្សាជាតិភាសាខ្មែរ បានកំណត់អត្ថន័យ «ចលនាមិនចូលបក្សសម្ព័ន្ធ» ដូចខាងក្រោម៖
ចលនាមិនចូលបក្សសម្ព័ន្ធ គឺជានិន្នាការនយោបាយនៃប្រទេសកំពុងអភិវឌ្ឍមួយចំនួនដែលប្រកាសថា មិនចូលក្នុងប្លុកនយោបាយណាមួយ។
ចលនានេះត្រូវបានបង្កើតជាផ្លូវការនៅទីក្រុង បែលក្រាដ (Belgrade) នៅឆ្នាំ១៩៦១ ក្រោមគំនិតផ្ដួចផ្ដើមរបស់ប្រធានាធិបតីយូហ្គោស្លាវី Sosip Broz Tito នាយករដ្ឋមន្ត្រីឥណ្ឌា Jawaharlal Nehru ប្រធានាធិបតីអេហ្ស៊ីប Gama lAbdel Nasserប្រធានាធិបតីហ្កាណា Kwame Nkrumah ប្រធានាធិបតីឥណ្ឌូណេស៊ី Achmed Sukarno និងអធិរាជអេត្យូពី HaileSelassie។
ចលនានេះមានគោលបំណងធានា ឯករាជ្យជាតិ អធិបតេយ្យ បូរណភាពទឹកដី និងសន្តិសុខនៃបណ្ដារដ្ឋជាសមាជិកក្នុងការតស៊ូ ប្រឆាំងចក្រពត្តិនិយម អាណានិគមនិយម អាណានិគមនិយមបែបថ្មី ការប្រកាន់ពូជសាសន៍និយម និងរាល់ទម្រង់នៃការឈ្លានពាន ការកាន់កាប់ ការគ្រប់គ្រង ការជ្រៀតជ្រែកឬអនុត្តរភាពក៏ដូចជាការប្រឆាំងនឹងមហាអំណាចនិងប្លុកនយោបាយ។
© រក្សាសិទ្ធិដោយ thmeythmey.com