ពីនេះ ពីនោះ
តើពាក្យ «សុទិដ្ឋិនិយម និង ទុទ្ទិដ្ឋិនិយម» ខុសគ្នាដូចម្ដេច
× វចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ពីអត្ថន័យ ពាក្យទាំងពីរនេះដូចខាងក្រោម៖
ពាក្យ «សុទិដ្ឋិនិយម» មានថ្នាក់ពាក្យជានាម មានន័យថា ការនិយមចំពោះសុទិដ្ឋិ, ការនិយមដោយទិដ្ឋិត្រូវ, ការចូលចិត្ត ឬ ការយល់ឃើញថា របស់អ្វីក្នុងលោកសុទ្ធតែល្អ, សុទ្ធតែប្រសើរ សុខស្រួល។ ឧទាហរណ៍៖ បុគ្គលប្រកបដោយសុទិដ្ឋិនិយម។ ល។
ពាក្យ «ទុទ្ទិដ្ឋិនិយម» ថ្នាក់ពាក្យជានាម មានន័យថា និយមចំពោះទុទ្ទិដ្ឋិ, សេចក្តីចូលចិត្តក្នុងទ្រឹស្តីថាអាក្រក់, សេចក្តីប្រកាន់ខ្ជាប់ក្នុងទ្រឹស្តីថាលំបាក, ការយល់ឃើញថារបស់អ្វីទាំងអស់ក្នុងលោកសុទ្ធតែមិនល្អ, សុទ្ធតែប្រកបដោយទុក្ខលំបាក។ ឧទាហរណ៍៖ មនុស្សប្រកាន់ទុទ្ទិដ្ឋិនិយម, លះបង់ចោលនូវទុទ្ទិដ្ឋិនិយម។
ប៉ុន្តែ មនុស្សដែលយល់ឃើញតែអំពីទុទ្ទិដ្ឋិនិយម មិនមែនមានន័យថា បុគ្គលនោះជាមនុស្សអាក្រក់នោះទេ គ្រាន់តែនៅក្នុងគោលការណ៍នៃការគិតរបស់បុគ្គលនោះ មើលឃើញអ្វីៗគ្រប់យ៉ាងសុទ្ធតែផ្ដើមចេញពីចំណុចអវិជ្ជមាន ចំណុចមិនល្អ។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com