អន្តរជាតិ
មន្ត្រីជំនិតនិងជាអតីតអ្នកបើកឡានលោកស្រីស៊ូជី ជាប់ជាប្រធានាធិបតីថ្មីមីយ៉ាន់ម៉ា
×![]()
ចុងក្រោយដូចបានរំពឹងទុកជំនិតមេបក្សឈ្នះឆ្នោតលោកស្រី អ៊ុងសាន ស៊ូជី និងជាបេក្ខជនប្រធានាធិបតីតំណាងសភាជាន់ទាបលោក Htin Kyaw បានក្លាយជាប្រធានាធិបតីមីយ៉ាន់ម៉ានៅក្នុងអាណត្តិថ្មីជំនួសលោកប្រធានាធិបតីជិតផុតអាណត្តិ ថេន សេន។ លោក Htin Kyaw នឹងត្រូវចូលកាន់តំណែងផ្លូវការនៅចុងខែមីនា ឬដើមខែមេសាខាងមុខដ៏ ខ្លីនេះផងដែរ។
សភាសហភាពមីយ៉ាន់ម៉ា បានបោះឆ្នោតឲ្យលោក Htin Kyaw ជាប្រធានាធិបតីថ្មីមីយ៉ាន់ម៉ាដោយមាន សំឡេងគាំទ្រ៣៦០ ខណៈ តំណាងក្រុមយោធាលោក Myint Swe ទទួលបានសំឡេង២១៣ និងលោក Henry Van Htio តំណាងរាស្ត្រជនជាតិឈិនដែលតំណាងឲ្យក្រុមសភាជាន់ខ្ពស់ទទួលបានគាំទ្រ៧៩ នៃសំឡេងសរុប៦៥២។ សំឡេងគាំទ្រនេះ ក៏មានន័យដែលថា លោក Myint Swe និង Henry Van Htio នឹងត្រូវទៅកាន់តំណែងអនុប្រធានាធិបតីទី១ និងទី២។
តំណែងប្រធានាធិបតីដែលមកពីបក្សសម្ព័ន្ធជាតិដើម្បីប្រជាធិបតេយ្យដែលប្រមុខបក្សគឺលោកស្រី ស៊ូជី គឹជារឿងប្រវត្តិសាស្ត្រនយោបាយមួយរបស់មីយ៉ាន់ម៉ា ដែលមានមេដឹកនាំមកពីបក្សស៊ីវិលនោះ ។ តែវាមិនមែនជារឿងដែលត្រូវភ្ញាក់ផ្អើលនោះទេ ដ្បិតលទ្ធផលនេះ ត្រូវបានគេរំពឹងទុកតាំងពីដឹងលទ្ធផលនៃការបោះឆ្នោតមកម្ល៉េះ។ នោះ ក៏ព្រោះតែបក្សលោកស្រីស៊ូជី បានទទួលសំឡេងនៅសភាទាំងពីរគ្រប់គ្រាន់សម្រាប់បោះឆ្នោតជ្រើសរើសតំណែងប្រធានាធិបតីហើយ។ បក្សលោកស្រីស៊ូជី មានសំឡេង៣៩០នៃសំឡេងសរុបក្នុងសភាទាំងពីរថ្នាក់។
សូមបញ្ជាក់ផងដែរថា លោកប្រធានាធិបតីជិតកាន់តំណែង Htin Kyaw គឺជំនួយការ និងមនុស្សជំនិតបំផុតរបស់លោកស្រីអ៊ុងសាន ស៊ូជី។ ឥស្សរជនវ័យ៦៩ឆ្នាំរូបនេះ គឹជាមិត្តភក្តិរបស់របស់លោកស្រី អ៊ុងសាន ស៊ូជី តាំងពីវ័យកុមារមកម្ល៉េះ។ វត្តមានរបស់លោកស្រីសូជី នៅក្នុងព្រឹត្តិការណ៍សំខាន់ៗ គឺតែងតែមានលោក Htin Kyaw ជានិច្ច។
ក្រៅពីការបណ្តុះបណ្តាលលើវិស័យសេដ្ឋកិច្ចនៅក្នុងប្រទេស លោក Htin Kyaw ក៏បានបញ្ចប់ការសិក្សាក្រៅប្រទេសក្នុងនាមជាជ័យលាភីអាហាររូបករណ៍នៅចក្រភពអង់គ្លេសផងដែរ។ បន្ថែមពីមានតួនាទីជាមន្ត្រីជាន់ខ្ពស់បក្សសម្ព័ន្ធជាតិដើម្បីប្រជាធិបតេយ្យ និងជាមិត្តភក្តិតស៊ូច្រើនទស្សវត្សរ៍ហើយនោះ លោក Htin Kyaw ក៏ជាកវី និងជាអតីតអ្នកបើកឡានផ្ទាល់ឲ្យលោកស្រីអ៊ុងសាន ស៊ូជី ។
បើយោងតាមការអះអាងរបស់លោក Zaw Min Kyaw ជាមិត្តភក្តិរបស់លោក Htin Kyaw ជាងម្ភៃឆ្នាំជាមួយនឹងភ្នាក់ងារព័ត៌មាន AP ប្រធានាធិបតីកាន់តំណែងលោក Htin Kyaw គឺជាមនុស្សម្នាក់ដែល ស្ងប់ស្ងត់ ស្មោះត្រង់ អំណត់ និងចូលចិត្តរស់នៅបែបសាមញ្ញទៀតផង។
យ៉ាងណាក៏ដោយ វាជារឿងដែលគួរឲ្យសោកស្តាយចំពោះប្រមុខបក្សឈ្នះឆ្នោតលោកស្រីស៊ូជី ដែល មិនអាចមានលទ្ធភាពក្នុងការក្លាយជាប្រធានាធិបតីបាន ដ្បិតមានការហាមឃាត់ពីមាត្រា៥៩ នៃ រដ្ឋធម្មនុញ្ញមីយ៉ាន់ម៉ា។ តែលោកស្រីស៊ូជី ធ្លាប់បានអះអាងជាច្រើនលើកច្រើនសាររួចទៅហើយថា លោកស្រី នឹងមានតំណែងខ្ពស់ជាងប្រធានាធិបតីទៅទៀត ដែលនេះ ចង់មានន័យថា ប្រធានាធិបតីថ្មី ក៏ត្រូវដើរតាមគន្លងនយោបាយ និងការបង្គាប់បញ្ជារបស់លោកស្រីដដែល៕
សភាសហភាពមីយ៉ាន់ម៉ា បានបោះឆ្នោតឲ្យលោក Htin Kyaw ជាប្រធានាធិបតីថ្មីមីយ៉ាន់ម៉ាដោយមាន សំឡេងគាំទ្រ៣៦០ ខណៈ តំណាងក្រុមយោធាលោក Myint Swe ទទួលបានសំឡេង២១៣ និងលោក Henry Van Htio តំណាងរាស្ត្រជនជាតិឈិនដែលតំណាងឲ្យក្រុមសភាជាន់ខ្ពស់ទទួលបានគាំទ្រ៧៩ នៃសំឡេងសរុប៦៥២។ សំឡេងគាំទ្រនេះ ក៏មានន័យដែលថា លោក Myint Swe និង Henry Van Htio នឹងត្រូវទៅកាន់តំណែងអនុប្រធានាធិបតីទី១ និងទី២។
តំណែងប្រធានាធិបតីដែលមកពីបក្សសម្ព័ន្ធជាតិដើម្បីប្រជាធិបតេយ្យដែលប្រមុខបក្សគឺលោកស្រី ស៊ូជី គឹជារឿងប្រវត្តិសាស្ត្រនយោបាយមួយរបស់មីយ៉ាន់ម៉ា ដែលមានមេដឹកនាំមកពីបក្សស៊ីវិលនោះ ។ តែវាមិនមែនជារឿងដែលត្រូវភ្ញាក់ផ្អើលនោះទេ ដ្បិតលទ្ធផលនេះ ត្រូវបានគេរំពឹងទុកតាំងពីដឹងលទ្ធផលនៃការបោះឆ្នោតមកម្ល៉េះ។ នោះ ក៏ព្រោះតែបក្សលោកស្រីស៊ូជី បានទទួលសំឡេងនៅសភាទាំងពីរគ្រប់គ្រាន់សម្រាប់បោះឆ្នោតជ្រើសរើសតំណែងប្រធានាធិបតីហើយ។ បក្សលោកស្រីស៊ូជី មានសំឡេង៣៩០នៃសំឡេងសរុបក្នុងសភាទាំងពីរថ្នាក់។
សូមបញ្ជាក់ផងដែរថា លោកប្រធានាធិបតីជិតកាន់តំណែង Htin Kyaw គឺជំនួយការ និងមនុស្សជំនិតបំផុតរបស់លោកស្រីអ៊ុងសាន ស៊ូជី។ ឥស្សរជនវ័យ៦៩ឆ្នាំរូបនេះ គឹជាមិត្តភក្តិរបស់របស់លោកស្រី អ៊ុងសាន ស៊ូជី តាំងពីវ័យកុមារមកម្ល៉េះ។ វត្តមានរបស់លោកស្រីសូជី នៅក្នុងព្រឹត្តិការណ៍សំខាន់ៗ គឺតែងតែមានលោក Htin Kyaw ជានិច្ច។
ក្រៅពីការបណ្តុះបណ្តាលលើវិស័យសេដ្ឋកិច្ចនៅក្នុងប្រទេស លោក Htin Kyaw ក៏បានបញ្ចប់ការសិក្សាក្រៅប្រទេសក្នុងនាមជាជ័យលាភីអាហាររូបករណ៍នៅចក្រភពអង់គ្លេសផងដែរ។ បន្ថែមពីមានតួនាទីជាមន្ត្រីជាន់ខ្ពស់បក្សសម្ព័ន្ធជាតិដើម្បីប្រជាធិបតេយ្យ និងជាមិត្តភក្តិតស៊ូច្រើនទស្សវត្សរ៍ហើយនោះ លោក Htin Kyaw ក៏ជាកវី និងជាអតីតអ្នកបើកឡានផ្ទាល់ឲ្យលោកស្រីអ៊ុងសាន ស៊ូជី ។
បើយោងតាមការអះអាងរបស់លោក Zaw Min Kyaw ជាមិត្តភក្តិរបស់លោក Htin Kyaw ជាងម្ភៃឆ្នាំជាមួយនឹងភ្នាក់ងារព័ត៌មាន AP ប្រធានាធិបតីកាន់តំណែងលោក Htin Kyaw គឺជាមនុស្សម្នាក់ដែល ស្ងប់ស្ងត់ ស្មោះត្រង់ អំណត់ និងចូលចិត្តរស់នៅបែបសាមញ្ញទៀតផង។
យ៉ាងណាក៏ដោយ វាជារឿងដែលគួរឲ្យសោកស្តាយចំពោះប្រមុខបក្សឈ្នះឆ្នោតលោកស្រីស៊ូជី ដែល មិនអាចមានលទ្ធភាពក្នុងការក្លាយជាប្រធានាធិបតីបាន ដ្បិតមានការហាមឃាត់ពីមាត្រា៥៩ នៃ រដ្ឋធម្មនុញ្ញមីយ៉ាន់ម៉ា។ តែលោកស្រីស៊ូជី ធ្លាប់បានអះអាងជាច្រើនលើកច្រើនសាររួចទៅហើយថា លោកស្រី នឹងមានតំណែងខ្ពស់ជាងប្រធានាធិបតីទៅទៀត ដែលនេះ ចង់មានន័យថា ប្រធានាធិបតីថ្មី ក៏ត្រូវដើរតាមគន្លងនយោបាយ និងការបង្គាប់បញ្ជារបស់លោកស្រីដដែល៕
Tag:
មីយ៉ាន់ម៉ា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
