អន្តរជាតិ
នយោបាយអន្តរជាតិ
×![]()
បើទោះជាព្រឹត្តិការណ៍នៃការប៉ះទង្គិចគ្នារវាងកងទ័ពនាវាល្បាតចិន និងវៀតណាម នៅក្នុងតំបន់ជម្លោះសមុទ្រចិនខាងត្បូងបានកន្លងទៅជាងពីរទសវត្សរ៍ហើយនោះ ប្រជាជនវៀតណាមមួយចំនួននៅតែបន្តទាមទារយុត្តិម៌នេះ។ មានប្រជាជនវៀតណាមប្រមាណជាងមួយរយនាក់ បានធ្វើបាតុកម្មប្រឆាំងចិន ក្នុងថ្ងៃរម្លឹកខួបលើកទី២៨ឆ្នាំនៃស្លាប់របស់ប្រជាជនវៀតណាមក្នុងតំបន់ជម្លោះសមុទ្រចិនខាងត្បូង។ 
ប្រជាជនវៀតណាមប្រមាណ១៥០នាក់ បានប្រមូលផ្តុំគ្នាក្នុងក្រុងហាណូយនៅថ្ងៃទី១៤ ខែមីនា ដើម្បីរម្លឹកខួបលើកទី២៨ នៃស្លាប់របស់នាវិកវៀតណាមដោយសារការប៉ះទង្គិចជាមួយនឹងនាវាល្បាតចិនក្នុងបណ្តុំស្ព្រាតលី។ បាតុកម្មនោះ ក៏ធ្វើឡើងដើម្បីប្រឆាំងនឹងការវាតទីឥតឈប់ឈររបស់ចិនក្នុងសមុទ្រចិនខាងត្បូងផងដែរ។ នេះបើយោងតាមភ្នាក់ងារព័ត៌មាន Reuters។
សូមរម្លឹកផងដែរថានៅថ្ងៃទី១៤ ខែមីនា ឆ្នាំ១៩៨៨ គឺជាព្រឹត្តិកាណ៍ប្រវត្តិសាស្ត្រដ៏ចម្រូងចម្រូងមួយរវាង វៀតណាមនិងចិនក្នុងតំបន់ជម្លោះសមុទ្រចិនខាងត្បូង។ ព្រឹត្តិការណ៍នោះគឺ នាវិកវៀតណាមប្រមាណ ៦៥នាក់ បានស្លាប់ក្នុងការប៉ះទង្គិចគ្នាក្នុងប្រតិបត្តិការការពារដែនសមុទ្រខ្លួនជាមួយនឹងកងទ័ពល្បាតដែនសមុទ្ររបស់ចិននៅតំបន់ថ្មប៉ប្រះ Johnson Reef ក្នុងបណ្តុំស្ព្រាតលី នៃតំបន់សមុទ្រចិនខាងត្បូង។
ជុំវិញនៃការផ្ទុះបាតុកម្មប្រឆាំងចិននៃព្រឹត្តិការណ៍២៨ឆ្នាំមុន ក៏ត្រូវបានធ្វើឡើងស្របពេលជាមួយនឹងស្ថានភាពប្រទាញប្រទង់នៅក្នុងតំបន់ជម្លោះសមុទ្រចិនខាងត្បូងផងដែរ។កាលពីខែមុន រដ្ឋមន្ត្រីការបរទេសវៀតណាម បានចេញកំណត់ការទូតមួយទៅកាន់អគ្គលេខាធិការអង្គការសហប្រជាជាតិប្រឆាំងចិនក្នុងការរំលោភចូលក្នុងតំបន់សមុទ្រចិនខាងត្បូងផងដែរ។
សូមបញ្ជាក់ផងដែរ បញ្ហាសមុទ្រចិនខាងត្បូង គឺជាជម្លោះដែនអធិបតេយ្យដែលមានរដ្ឋពាក់ព័ន្ធរួមមាន អាស៊ានដូចជាព្រុយណេ ម៉ាឡេស៊ី ហ្វីលីពីន និងវៀតណាម និងចិន។ កន្លងមក គេសង្កេតឃើញថា មានតែហ្វីលីពីន និងវៀតណាមប៉ុណ្ណោះទេ ដែលហ៊ានចេញមុខប្រតិកម្ម និងប្រឆាំងចិន៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
