ពានរង្វាន់សម្តេច ហ៊ុន សែន៖ ពូល B, C, D ឈានចូលការប្រកួតសប្តាហ៍ទី៥

កីឡាជាតិ

ជាតិ

ពានរង្វាន់សម្តេច ហ៊ុន សែន៖ ពូល B, C, D ឈានចូលការប្រកួតសប្តាហ៍ទី៥

16, Mar 2016 , 7:39 am

រូបភាព

ដោយ:

ការប្រកួតកីឡាបាល់ទាត់ដណ្តើមពានរង្វាន់សម្តេច ហ៊ុន សែន រដូវកាល ឆ្នាំ២០១៦ បានឈានដល់សប្តាហ៍ទី៥ នៃវគ្គជម្រុះបឋមហើយ នារសៀលថ្ងៃទី១៦ ខែមីនា នេះ ដោយមានការប្រកួតជម្រុះក្នុងពូល B, C, D ចំនួន ៥គូ នៅតាមកីឡដ្ឋានផ្សេងៗគ្នា ។

សម្រាប់ការប្រកួតជម្រុះក្នុងពូល B ខេត្តស្វាយរៀង បន្ទាប់ពីរងការបំបាក់របស់ខេត្តព្រៃវែង ៣-១ កាលពីសប្តាហ៍មុន នឹងបើកទ្វារកីឡដ្ឋានខេត្តស្វាយរៀង ស្វាគមន៍ដៃគូចាស់ ខេត្តត្បូងឃ្មុំ ដែលខ្លួនធ្លាប់យកឈ្នះកាលពីសប្តាហ៍ទី២ ដើម្បីស្តារមុខមាត់កាលពីសប្តាហ៍មុន និងដើម្បីបន្តការពារតំណែងរបស់ខ្លួន។ ចំណែក យុវជនបឹងកេតកំពង់ចាម នឹងបើកទ្វារកីឡដ្ឋានបឹងកេតស្វាគមន៍ក្រុមភ្ញៀវ ខេត្តព្រៃវែង ដើម្បីជម្រះបញ្ជីចាស់ដែលខ្លួនធ្លាប់ចាញ់កាលពីសប្តាហ៍ទី២។

ចំណែកពូល C ខេត្តព្រះវិហារ បន្ទាប់ពីរងការបំបាក់របស់ សៀមរាបអង្គរ ៤-២ នៅលើទឹកដីរបស់ខ្លួនកាលពីសប្តាហ៍មុន នឹងធ្វើដំណើរទៅកាន់កីឡាដ្ឋានខេត្តឧត្តរមានជ័យ ដើម្បីជួបប្រកួតសងសឹកជាមួយក្រុមម្ចាស់ផ្ទះខេត្តឧត្តរមានជ័យ ដែលធ្លាប់បំបាក់ខ្លួន ៣-០ កាលពីសប្តាហ៍ទី២ ខណៈសៀមរាបអង្គរបន្ទាប់ពីយកឈ្នះខេត្តព្រះវិហារ កាលពីសប្តាហ៍មុន នឹងបើកទ្វារកីឡដ្ឋាន សៀមរាប ស្វាគមន៍ក្រុមភ្ញៀវ អ.ហ ខេត្តកំពង់ធំ ដែលធ្លាប់យកឈ្នះកាលពីសប្តាហ៍ទី២។

ដោយឡែកការប្រកួតជម្រុះនៅក្នុងពូល D ខេត្តប៉ៃលិន បន្ទាប់ពីចាញ់ខេត្តកំពង់ឆ្នាំង ២-១ នៅលើទឹកដីរបស់ខ្លួនកាលពីសប្តាហ៍ទី២ នឹងធ្វើដំណើរទៅកាន់កីឡដ្ឋាន ខេត្តកំពង់ឆ្នាំង ដើម្បីជម្រះបញ្ជីចាស់ជាមួយខេត្តកំពង់ឆ្នាំង និងដើម្បីស្តារមុខមាត់ក្រោយពីរងការបំបាក់របស់ម្ចាស់ផ្ទះខេត្តបាត់ដំបង ៣-២ កាលពីសប្តាហ៍មុន។

*កម្មវិធីប្រកួតពានរង្វាន់សម្តេច ហ៊ុន សែន នារៀលម៉ោង ៣:៣០នាទី ថ្ងៃនេះ

ពូល B៖

- ខេត្តស្វាយរៀង ជួប ខេត្តត្បូងឃ្មុំ នៅកីឡដ្ឋាន ខេត្តស្វាយរៀង

- យុវជនបឹងកេតកំពង់ចាម ជួប ខេត្តព្រៃវែង នៅកីឡដ្ឋាន បឹងកេត

ពូល C៖

- ខេត្តឧត្តរមានជ័យ ជួប ខេត្តព្រះវិហារ នៅកីឡដ្ឋាន ខេត្តឧត្តរមានជ័យ

- សៀមរាបអង្គរ ជួប អ.ហ កំពង់ធំ នៅកីឡដ្ឋាន ខេត្តសៀមរាប

ពូល D៖

- ខេត្តកំពង់ឆ្នាំង ជួប ខេត្តប៉ៃលិន នៅកីឡដ្ឋាន ខេត្តកំពង់ឆ្នាំង៕