អន្តរជាតិ
នយោបាយអន្តរជាតិ
×![]()
ទំព័រប្រវត្តិសាស្ត្រនយោបាយមីយ៉ាន់ម៉ា បានចូលដល់ចំណុចបត់មួយកាន់តែច្បាស់។ ប្រធានាធិបតីថ្មីមីយ៉ាន់ម៉ា នឹងត្រូវកាន់កាប់ដោយឥស្សរជន មកពីបក្សសម្ព័ន្ធជាតិដើម្បីប្រជាធិបតេយ្យ ដែលប្រមុខបក្សជាលោកស្រីអ៊ុងសាន ស៊ូជី។ ប្រធានាធិបតីថ្មីមីយ៉ាន់ម៉ាថ្មី ដែលទើបតែបោះឆ្នោត សម្រេចនៅថ្ងៃអង្គារនេះគឺលោក Htin Kyaw។
លោក Htin Kyaw ត្រូវបានសភាសហភាពមីយ៉ាន់ម៉ា បោះឆ្នោតផ្តល់ការគាំទ្រក្នុងតំណែងប្រធានាធិបតី ក្នុងសំឡេង៣៦០នៃសំឡេងសរុប៦៥២។ លោក នឹងត្រូវចូលទៅជំនួសតំណែងរបស់លោកប្រធានាធិបតីជិតផុតអាណត្តិថេន សេន នៅទី១ ខែមេសាខាងមុខ។ លោក ក៏នឹងក្លាយជាប្រធានាធិបតីដំបូង ដែលមានសាវតាជាជនស៊ីវិល ក្នុងប្រវត្តិសាស្ត្រមីយ៉ាន់ម៉ា។
តាមពិតទៅលោកប្រធានាធិបតីត្រៀមចូលដំណែង Htin Kyaw មិនសូវត្រូវបានសាធារណជនស្គាល់មុខប៉ុន្មាននោះ ដ្បិតលោក គឺជាប្រភេទមនុស្សដែលចូលចិត្តបន្ទាបខ្លួន និងលាក់ពីសាវតា។ ក៏ប៉ុន្តែក្រោយពេលដែល លោក ត្រូវបានប្រមុខបក្សឈ្នះឆ្នោតលោកស្រីអ៊ុងសាន ស៊ូជី តែងតាំងជាបេក្ខភាពប្រធានាធិបតី ទាំងសាធារណជន និងប្រព័ន្ធផ្សព្វផ្សាយក្នុងស្រុក ក្នុងតំបន់ និងអន្តរជាតិផ្តើមមចាប់អារម្មណ៍ទៅលើលោក និងបង្ហាញពីប្រវត្តិរូបសង្ខេបរបស់លោកមួយចំនួនផងដែរ។
លោក Htin Kyaw គឺជាកូនប្រុសរបស់កវីនិពន្ធមីយ៉ាន់ម៉ា និងជាកូនប្រសារនៃស្ថាបនិកចលនាគាំទ្រប្រជាធិបតេយ្យម្នាក់។ នេះបើយោងតាមសារព័ត៌មានមីយ៉ាន់ម៉ា Irrawaddy ដែលបានបន្ថែមដែលថា លោក Htin Kyaw ក៏ជាមិត្តភក្តិរបស់លោកស្រី អ៊ុងសាន ស៊ូជី តាំងពីកុមារភាពមកម្ល៉េះ។ មិត្តភាពនេះ ក៏បានចាប់ផ្តើមចេញពីទំនាក់ទំនងរវាងឱពុកអ្នកទាំងពីរ ដែលជាមិត្តភក្តិនឹងគ្នាផងដែរ។
បើយោងតាមការអះអាងរបស់លោក Zaw Min Kyaw ជាមិត្តភក្តិរបស់លោក Htin Kyaw ជាងម្ភៃឆ្នាំជាមួយនឹងភ្នាក់ងារព័ត៌មាន AP ប្រធានាធិបតីត្រៀមកាន់តំណែងលោក Htin Kyaw គឺជាមនុស្សម្នាក់ដែលស្ងប់ស្ងត់ ស្មោះត្រង់ អំណត់ និងចូលចិត្តរស់នៅបែបសាមញ្ញ។
លោក Htin Kyaw ក៏ធ្លាប់ជាមន្ត្រីក្រសួងការបរទេសផងដែរ តែលោក បានបោះបង់ការងារនោះ និងបានចូលរួមក្នុងសកម្មភាពនយោបាយរបស់លោកស្រី ស៊ូជី កាន់តែស្និទ្ធតាំងពីឆ្នាំ១៩៩២មក។ តាមរយៈទំនាក់ទំនងពីវ័យកុមារ និងការស្រលាញ់គាំទ្រលទ្ធិប្រជាធិបតេយ្យ លោក Htin Kyaw បច្ចុប្បន្នមានវ័យ៦៩ឆ្នាំ បានក្លាយជាជំនួយការ និងមនុស្សជំនិតបំផុតរបស់លោកស្រី អ៊ុងសាន ស៊ូជី ផងដែរ។
លោក Htin Kyaw បានបញ្ចប់ការបណ្តុះបណ្តាលផ្នែកសេដ្ឋកិច្ចនៅក្នុងប្រទេស។ លោកក៏បានបញ្ចប់ការសិក្សាក្រៅប្រទេស ក្នុងនាមជាជ័យលាភីអាហាររូបករណ៍នៅចក្រភពអង់គ្លេសដែរ។ បន្ថែមពីមានតួនាទីជាមន្ត្រីជាន់ខ្ពស់បក្សសម្ព័ន្ធជាតិដើម្បីប្រជាធិបតេយ្យ និងជាមិត្តភក្តិតស៊ូច្រើនទស្សវត្សរ៍ហើយនោះ លោក Htin Kyaw ក៏ជាកវី និងជាអតីតអ្នកបើកឡានផ្ទាល់ឲ្យលោកស្រី អ៊ុងសាន ស៊ូជី ពោលគឺវត្តមានរបស់លោកស្រី សូជី នៅក្នុងព្រឹត្តិការណ៍សំខាន់ៗ គឺតែងតែមានលោក Htin Kyaw ជានិច្ច។
យ៉ាងណាក៏ដោយ វាជារឿងដែលគួរឲ្យសោកស្តាយ ចំពោះប្រមុខបក្សឈ្នះឆ្នោតលោកស្រីស៊ូជី ដែលមិនអាចមានលទ្ធភាពក្លាយជាប្រធានាធិបតីបាន ដ្បិតមានការហាមឃាត់ពីមាត្រា៥៩ នៃរដ្ឋធម្មនុញ្ញមីយ៉ាន់ម៉ា។ តែលោកស្រី ស៊ូជី ធ្លាប់បានអះអាងជាច្រើនលើក ច្រើនសារ រួចទៅហើយថា លោកស្រី នឹងមានតំណែងខ្ពស់ជាងប្រធានាធិបតីទៅទៀត ដែលនេះ ចង់មានន័យថា ប្រធានាធិបតីថ្មី ក៏ត្រូវដើរតាមគន្លងនយោបាយ និងការបង្គាប់បញ្ជារបស់លោកស្រីដដែល៕
លោក Htin Kyaw ត្រូវបានសភាសហភាពមីយ៉ាន់ម៉ា បោះឆ្នោតផ្តល់ការគាំទ្រក្នុងតំណែងប្រធានាធិបតី ក្នុងសំឡេង៣៦០នៃសំឡេងសរុប៦៥២។ លោក នឹងត្រូវចូលទៅជំនួសតំណែងរបស់លោកប្រធានាធិបតីជិតផុតអាណត្តិថេន សេន នៅទី១ ខែមេសាខាងមុខ។ លោក ក៏នឹងក្លាយជាប្រធានាធិបតីដំបូង ដែលមានសាវតាជាជនស៊ីវិល ក្នុងប្រវត្តិសាស្ត្រមីយ៉ាន់ម៉ា។
តាមពិតទៅលោកប្រធានាធិបតីត្រៀមចូលដំណែង Htin Kyaw មិនសូវត្រូវបានសាធារណជនស្គាល់មុខប៉ុន្មាននោះ ដ្បិតលោក គឺជាប្រភេទមនុស្សដែលចូលចិត្តបន្ទាបខ្លួន និងលាក់ពីសាវតា។ ក៏ប៉ុន្តែក្រោយពេលដែល លោក ត្រូវបានប្រមុខបក្សឈ្នះឆ្នោតលោកស្រីអ៊ុងសាន ស៊ូជី តែងតាំងជាបេក្ខភាពប្រធានាធិបតី ទាំងសាធារណជន និងប្រព័ន្ធផ្សព្វផ្សាយក្នុងស្រុក ក្នុងតំបន់ និងអន្តរជាតិផ្តើមមចាប់អារម្មណ៍ទៅលើលោក និងបង្ហាញពីប្រវត្តិរូបសង្ខេបរបស់លោកមួយចំនួនផងដែរ។
លោក Htin Kyaw គឺជាកូនប្រុសរបស់កវីនិពន្ធមីយ៉ាន់ម៉ា និងជាកូនប្រសារនៃស្ថាបនិកចលនាគាំទ្រប្រជាធិបតេយ្យម្នាក់។ នេះបើយោងតាមសារព័ត៌មានមីយ៉ាន់ម៉ា Irrawaddy ដែលបានបន្ថែមដែលថា លោក Htin Kyaw ក៏ជាមិត្តភក្តិរបស់លោកស្រី អ៊ុងសាន ស៊ូជី តាំងពីកុមារភាពមកម្ល៉េះ។ មិត្តភាពនេះ ក៏បានចាប់ផ្តើមចេញពីទំនាក់ទំនងរវាងឱពុកអ្នកទាំងពីរ ដែលជាមិត្តភក្តិនឹងគ្នាផងដែរ។
បើយោងតាមការអះអាងរបស់លោក Zaw Min Kyaw ជាមិត្តភក្តិរបស់លោក Htin Kyaw ជាងម្ភៃឆ្នាំជាមួយនឹងភ្នាក់ងារព័ត៌មាន AP ប្រធានាធិបតីត្រៀមកាន់តំណែងលោក Htin Kyaw គឺជាមនុស្សម្នាក់ដែលស្ងប់ស្ងត់ ស្មោះត្រង់ អំណត់ និងចូលចិត្តរស់នៅបែបសាមញ្ញ។
លោក Htin Kyaw ក៏ធ្លាប់ជាមន្ត្រីក្រសួងការបរទេសផងដែរ តែលោក បានបោះបង់ការងារនោះ និងបានចូលរួមក្នុងសកម្មភាពនយោបាយរបស់លោកស្រី ស៊ូជី កាន់តែស្និទ្ធតាំងពីឆ្នាំ១៩៩២មក។ តាមរយៈទំនាក់ទំនងពីវ័យកុមារ និងការស្រលាញ់គាំទ្រលទ្ធិប្រជាធិបតេយ្យ លោក Htin Kyaw បច្ចុប្បន្នមានវ័យ៦៩ឆ្នាំ បានក្លាយជាជំនួយការ និងមនុស្សជំនិតបំផុតរបស់លោកស្រី អ៊ុងសាន ស៊ូជី ផងដែរ។
លោក Htin Kyaw បានបញ្ចប់ការបណ្តុះបណ្តាលផ្នែកសេដ្ឋកិច្ចនៅក្នុងប្រទេស។ លោកក៏បានបញ្ចប់ការសិក្សាក្រៅប្រទេស ក្នុងនាមជាជ័យលាភីអាហាររូបករណ៍នៅចក្រភពអង់គ្លេសដែរ។ បន្ថែមពីមានតួនាទីជាមន្ត្រីជាន់ខ្ពស់បក្សសម្ព័ន្ធជាតិដើម្បីប្រជាធិបតេយ្យ និងជាមិត្តភក្តិតស៊ូច្រើនទស្សវត្សរ៍ហើយនោះ លោក Htin Kyaw ក៏ជាកវី និងជាអតីតអ្នកបើកឡានផ្ទាល់ឲ្យលោកស្រី អ៊ុងសាន ស៊ូជី ពោលគឺវត្តមានរបស់លោកស្រី សូជី នៅក្នុងព្រឹត្តិការណ៍សំខាន់ៗ គឺតែងតែមានលោក Htin Kyaw ជានិច្ច។
យ៉ាងណាក៏ដោយ វាជារឿងដែលគួរឲ្យសោកស្តាយ ចំពោះប្រមុខបក្សឈ្នះឆ្នោតលោកស្រីស៊ូជី ដែលមិនអាចមានលទ្ធភាពក្លាយជាប្រធានាធិបតីបាន ដ្បិតមានការហាមឃាត់ពីមាត្រា៥៩ នៃរដ្ឋធម្មនុញ្ញមីយ៉ាន់ម៉ា។ តែលោកស្រី ស៊ូជី ធ្លាប់បានអះអាងជាច្រើនលើក ច្រើនសារ រួចទៅហើយថា លោកស្រី នឹងមានតំណែងខ្ពស់ជាងប្រធានាធិបតីទៅទៀត ដែលនេះ ចង់មានន័យថា ប្រធានាធិបតីថ្មី ក៏ត្រូវដើរតាមគន្លងនយោបាយ និងការបង្គាប់បញ្ជារបស់លោកស្រីដដែល៕
Tag:
មីយ៉ាន់ម៉ា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
