កីឡាជាតិ
ជាតិ
លោក ហ៊ុន សាមុត និងលោក ប៉ុន សុខ ជាប់ជាសមាជិកគណៈកម្មាធិការប្រតិបត្តិ FFC
×
លោក ហ៊ុន សាមុត និងលោក ប៉ុន សុខ ត្រូវបានបោះឆ្នោតជ្រើសរើសជាសមាជិកគណៈកម្មាធិការប្រតិបត្តិសហព័ន្ធកីឡាបាល់ទាត់កម្ពុជា (FFC) សម្រាប់អណត្តិ ២០១៦-២០២០ នាមហាសន្និបាតលើកទី១០របស់ FFC នៅសណ្ឋាគារភ្នំពេញនាព្រឹកថ្ងៃពុធនេះ។
លោក ហ៊ុន សាមុត ប្រធាននាយកដ្ឋានអប់រំកាយនិងកីឡានៃក្រសួងអប់រំ យុវជន និងកីឡា ទទួលបានការគាំទ្រ២៥សំឡេង ដើម្បីបន្តអណត្តិ៤ឆ្នាំបន្ថែមទៀត ខណៈលោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា បានការគាំទ្រ២៤សំឡេង ដើម្បីជំនួសលោក ជួន ណារិន ស្នងការនគរបាលខេត្តព្រះសីហនុ និងជាប្រធានក្លិបអគ្គស្នងការដ្ឋាននគរបាលជាតិ។
បេក្ខជនផ្សេងទៀត ដែលបានចូលរួមឈរឈ្មោះសម្រាប់តំណែងជាសមាជិកគណៈកម្មាធិការប្រតិបត្តិ FFC រួមមាន លោក ស៊ាង សុវណ្ណ លោក ខូវ ឆាយ លោក សៅ សុវណ្ណ លោក ស្រេង សេង លោក លឹម សុភាព លោក កា វចនា និងលោក កៅ រិទ្ធ៕
© រក្សាសិទ្ធិដោយ thmeythmey.com