ពីនេះ ពីនោះ
«ខែមីនា» មកពីពាក្យថា «ខែមីន» ហេតុនេះមិនត្រូវសរសេរថា«មិនា»ទេ
× ចំពោះខែទី៣ ក្នុងចំណោមខែទាំង១២ នៅមានសាធារណជនមួយចំនួនធំនាំគ្នាសរសេរថាខែ«មិនា» ដោយសរសេរទៅតាមសូរ សម្លេងអានជាភាសារខ្មែរ។ ប៉ុន្តែចំពោះខែទី៣ក្នុងចំណោមខែទាំង១២នេះ គឺចាំបាច់ត្រូវសរសេរថាខែ«មីនា»វិញទើបត្រឹមត្រូវ។
មូលហេតុ ដោយសារនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ការសរសេរថាខែ«មីនា» នេះព្រោះពាក្យនេះមានប្រភពមកពីពាក្យថា«មីន» មានថ្នាក់ពាក្យជានាម ជា(សំ.)ផង និងជា(បា.)ផង ហើយមានន័យថា ឈ្មោះខែទី១២នៃសុរិយគតិ, មាន៣១ថ្ងៃ ដោយត្រូវគ្នានឹងខែម៉ារ្ស(ខែទី៣)ដែលបារាំងសែសហៅថា ខែមីន(ហៅថា មីនរាសី ក៏បាន)។ ចំណែកសព្វថ្ងៃ គេប្រើជា មីនា ហើយជាខែទី៣ ក្នុងចំណោមខែទាំង១២។ (តាមសំឡេងអក្សរខ្មែរ ត្រូវអានថា មីនា ប៉ុន្តែទម្លាប់ទាញឲ្យអានថា មីន៉ា ក៏ក្លាយទីជា អញ្ញត្រសព្ទ)។
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com