អន្តរជាតិ
នយោបាយអន្តរជាតិ
×![]()
ក្រៅពីការដំណើរល្អប្រសើរនៃការបោះឆ្នោតលទ្ធិប្រជាធិបតេយ្យប្រវត្តិសាស្ត្រនៅចុងឆ្នាំ២០១៥ មីយ៉ាន់ម៉ា បានបន្តរឿងដែលធ្វើសហគមន៍អន្តរជាតិចាប់អារម្មណ៍ និងសាទរចំពោះចំណុចបត់មួយនៃការឆ្ពោះ ទៅមុខនៃលទ្ធិប្រជាធិបតេយ្យ។ ហើយរឿងថ្មីនោះគឺលោក Htin Kyaw ដែលមានសាវតាជាជនស៊ីវិលបានឡើងកាន់អំណាចជាប្រធានាធិបតីមីយ៉ាន់ម៉ាក្នុងរយៈពេល៥ទសវតស្សរ៍ចុងក្រោយ។
សហគមន៍អន្តរជាតិ បានសាទរចំពោះលោក Htin Kyaw ក្នុងការក្លាយជាប្រធានាធិបតីមីយ៉ាន់ម៉ានៅ អាណត្តិថ្មីជំនួសលោកប្រធានាធិបតីជិតផុតអាណត្តិថេន សេន។ បន្ថែមពីនេះ ប្រទេសនានា ក៏បានសន្យាបន្តកិច្ចសហប្រតិបត្តិការជាមួយនឹងរដ្ឋាភិបាលថ្មីរបស់លោក Htin Kyaw ដែលនឹងត្រូវចូលកាន់តំណែងនៅថ្ងៃទី០១ ខែមេសា ខាងមុខនេះ។
សហរដ្ឋអាមេរិក បានសាទរ និងចាត់ទុកការឡើងកាន់តំណែងប្រធានាធិបតីរបស់លោក Htin Kyaw ជាជំហានដ៏សំខាន់ថ្មីមួយទៀតនៃការផ្លាស់ប្តូរលទ្ធិប្រជាធិបតេយ្យមីយ៉ាន់ម៉ា។ នេះគឺជាអះអាងរបស់អ្នកនាំពាក្យក្រសួងការបរទេសអាមេរិកនាឱកាសនៃការផ្តល់សង្ខេបព័ត៌មានប្រចាំថ្ងៃ លោក John Kirby ដែលបានបន្ថែមដែរថា ការបង្កើតរដ្ឋាភិបាលដែលចេញពីការជ្រើសរើសបែបលទ្ធិប្រជាធិបតេយ្យ និងជនស៊ីវិល រួមជាមួយនឹងការផ្ទេរអំណាចដោយសន្តិវិធី គឺជារឿងប្រវត្តិសាស្ររបស់ប្រទេស។ អ្នកនាំពាក្យដដែល បានបន្ថែមដែរថា អាមេរិក រង់ចាំកិច្ចសហប្រតិបត្តិការជាមួយនឹងរដ្ឋាភិបាលថ្មី ដែលមានទាំងកំណែទម្រង់លទ្ធិប្រជាធិបតេយ្យ លើកកម្ពស់សិទ្ធិមនុស្ស ការអភិវឌ្ឍសេដ្ឋកិច្ច និង ការផ្សះផ្សារជាតិ។
ស្របជាមួយគ្នានេះផងដែរ អគ្គរដ្ឋទូតចិនប្រចាំប្រទេសមីយ៉ាន់ម៉ា ក៏បានសង្ឃឹមយ៉ាងមុតមាំថាមីយ៉ាន់ម៉ាក្រោមការដឹកនាំដោយរដ្ឋាភិបាលថ្មី នឹងបន្តបង្កើននូវសមទ្ធិផលក្នុងការអភិវឌ្ឍជាតិ និងកិច្ចសហប្រតិបត្តិការល្អជាមួយចិនផងដែរ។ មិនខុសពីអាមេរិក និងចិន សហភាពអឺរ៉ុបដែលបានចូលអង្កេតការណ៍ក្នុងការបោះឆ្នោតមីយ៉ាន់ម៉ានៅចុងឆ្នាំ២០១៥ផងដែរនោះ ក៏សម្តែងការសាទរដែលថា ជាដៃគូសិទ្នស្នាលរបស់មីយ៉ាន់ម៉ាសហភាពអឺរ៉ុបកំពុងរង់ចាំធ្វើការជាមួយនឹងលោកប្រធានាធិបតីត្រៀមកាន់តំណែង Htin Kyaw និង រដ្ឋាភិបាលថ្មី ដើម្បីលើកកម្ពស់លទ្ធិប្រជាធិបតេយ្យ សន្តិភាពយូរអង្វែង និងភាពរុងរឿងទាំងអស់គ្នា។
សូមរម្លឹកផងដែរថា លោក Htin Kyaw ដែលជាជំនិតប្រមុខបក្សសម្ព័ន្ធជាតិដើម្បីប្រជាធិបតេយ្យលោក ស្រីអ៊ុងសាន ស៊ូជី ត្រូវបានសភាសហភាពបោះឆ្នោតគាំទ្រជាប្រធានាធិបតីមីយ៉ាន់ម៉ាក្នុងសំឡេង៣៦០ នៃសំឡេងសភាសរុប៦៥២ នៅថ្ងៃទី១៥ ខែមីនា ឆ្នាំ២០១៦៕
សហគមន៍អន្តរជាតិ បានសាទរចំពោះលោក Htin Kyaw ក្នុងការក្លាយជាប្រធានាធិបតីមីយ៉ាន់ម៉ានៅ អាណត្តិថ្មីជំនួសលោកប្រធានាធិបតីជិតផុតអាណត្តិថេន សេន។ បន្ថែមពីនេះ ប្រទេសនានា ក៏បានសន្យាបន្តកិច្ចសហប្រតិបត្តិការជាមួយនឹងរដ្ឋាភិបាលថ្មីរបស់លោក Htin Kyaw ដែលនឹងត្រូវចូលកាន់តំណែងនៅថ្ងៃទី០១ ខែមេសា ខាងមុខនេះ។
សហរដ្ឋអាមេរិក បានសាទរ និងចាត់ទុកការឡើងកាន់តំណែងប្រធានាធិបតីរបស់លោក Htin Kyaw ជាជំហានដ៏សំខាន់ថ្មីមួយទៀតនៃការផ្លាស់ប្តូរលទ្ធិប្រជាធិបតេយ្យមីយ៉ាន់ម៉ា។ នេះគឺជាអះអាងរបស់អ្នកនាំពាក្យក្រសួងការបរទេសអាមេរិកនាឱកាសនៃការផ្តល់សង្ខេបព័ត៌មានប្រចាំថ្ងៃ លោក John Kirby ដែលបានបន្ថែមដែរថា ការបង្កើតរដ្ឋាភិបាលដែលចេញពីការជ្រើសរើសបែបលទ្ធិប្រជាធិបតេយ្យ និងជនស៊ីវិល រួមជាមួយនឹងការផ្ទេរអំណាចដោយសន្តិវិធី គឺជារឿងប្រវត្តិសាស្ររបស់ប្រទេស។ អ្នកនាំពាក្យដដែល បានបន្ថែមដែរថា អាមេរិក រង់ចាំកិច្ចសហប្រតិបត្តិការជាមួយនឹងរដ្ឋាភិបាលថ្មី ដែលមានទាំងកំណែទម្រង់លទ្ធិប្រជាធិបតេយ្យ លើកកម្ពស់សិទ្ធិមនុស្ស ការអភិវឌ្ឍសេដ្ឋកិច្ច និង ការផ្សះផ្សារជាតិ។
ស្របជាមួយគ្នានេះផងដែរ អគ្គរដ្ឋទូតចិនប្រចាំប្រទេសមីយ៉ាន់ម៉ា ក៏បានសង្ឃឹមយ៉ាងមុតមាំថាមីយ៉ាន់ម៉ាក្រោមការដឹកនាំដោយរដ្ឋាភិបាលថ្មី នឹងបន្តបង្កើននូវសមទ្ធិផលក្នុងការអភិវឌ្ឍជាតិ និងកិច្ចសហប្រតិបត្តិការល្អជាមួយចិនផងដែរ។ មិនខុសពីអាមេរិក និងចិន សហភាពអឺរ៉ុបដែលបានចូលអង្កេតការណ៍ក្នុងការបោះឆ្នោតមីយ៉ាន់ម៉ានៅចុងឆ្នាំ២០១៥ផងដែរនោះ ក៏សម្តែងការសាទរដែលថា ជាដៃគូសិទ្នស្នាលរបស់មីយ៉ាន់ម៉ាសហភាពអឺរ៉ុបកំពុងរង់ចាំធ្វើការជាមួយនឹងលោកប្រធានាធិបតីត្រៀមកាន់តំណែង Htin Kyaw និង រដ្ឋាភិបាលថ្មី ដើម្បីលើកកម្ពស់លទ្ធិប្រជាធិបតេយ្យ សន្តិភាពយូរអង្វែង និងភាពរុងរឿងទាំងអស់គ្នា។
សូមរម្លឹកផងដែរថា លោក Htin Kyaw ដែលជាជំនិតប្រមុខបក្សសម្ព័ន្ធជាតិដើម្បីប្រជាធិបតេយ្យលោក ស្រីអ៊ុងសាន ស៊ូជី ត្រូវបានសភាសហភាពបោះឆ្នោតគាំទ្រជាប្រធានាធិបតីមីយ៉ាន់ម៉ាក្នុងសំឡេង៣៦០ នៃសំឡេងសភាសរុប៦៥២ នៅថ្ងៃទី១៥ ខែមីនា ឆ្នាំ២០១៦៕
Tag:
មីយ៉ាន់ម៉ា
Htin Kyaw
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
