អន្តរជាតិ
Htin Kyaw៖ តំណែងប្រធានាធិបតីជាជ័យជម្នះរបស់បងស្រីស៊ូជី និងប្រជាជនមីយ៉ាន់ម៉ា
×![]()
លោក Htin Kyaw ត្រូវបានសភាសហភាពមីយ៉ាន់ម៉ា បោះឆ្នោតគាំទ្រជាប្រធានាធិបតីថ្មីមីយ៉ាន់ម៉ានៅអាណត្តិថ្មីជំនួសលោកប្រធានាធិបតីជិតផុតអាណត្តិ ថេន សេន។ តំណែងប្រធានាធិបតី មិនមែនរឿងចៃដន្យនោះទេ ពោលគឺបើមិនមានការជ្រោមជ្រែងពីប្រមុខបក្សសម្ព័ន្ធជាតិដើម្បីប្រជាធិបតេយ្យលោកស្រីអ៊ុងសាន ស៊ូជី នោះទេ លោក Htin Kyaw ក៏មិនអាចបានតំណែងនេះដែរ។
លោក Htin Kyaw ប្រធានាធិបតីត្រៀមចូលកាន់តំណែង បានអះអាងថាជ័យជម្នៈនៃការតំណែងប្រធានាធិបតីរបស់លោក «គឺជាជ័យជម្នៈរបស់ប្រជាជនមីយ៉ាន់ម៉ា ហើយវាក៏ជាជ័យជម្នៈរបស់បងស្រីអ៊ុងសាន ស៊ូជីផងដែរ»។ នេះគឺជាសុន្ទរកថាដំបូងហើយរបស់លោក Htin Kyaw ទៅកាន់អ្នកសារព័ត៌មាន ក្រោយពីលោកជាប់ជាប្រធានាធិបតីថ្មីមីយ៉ាន់ម៉ា។ បច្ចុប្បន្ន លោកមានអាយុ៦៩ឆ្នាំ ពោលគឺប្អូនលោកស្រី ស៊ូជី មួយឆ្នាំ។
លោក Htin Kyaw បានសង្កត់ធ្ងន់ដែរថា « ខ្ញុំក្លាយជាប្រធានាធិបតី ក៏ព្រោះតែឆន្ទៈដ៏ល្អ និងភាពស្មោះ ត្រង់របស់ប្រជាជន»។
សូមបញ្ជាក់ផងដែរថា លោក Htin Kyaw គឺជាប្រធានាធិបតីដំបូងគេហើយក្នុងនយោបាយមីយ៉ាន់ម៉ា ក្នុងរយៈពេល៥ទសវត្សរ៍ ដែលមានសាវតាជាជនស៊ីវិល។ ហើយការឈានមកដល់តំណែងប្រធានាធិបតី ក៏ព្រោះតែលោក ត្រូវបានមេបក្សសំឡេងភាគច្រើនក្នុងសភាលោកស្រីស៊ូជី តែងតាំងផងដែរ។
អ្វីគួរកត់សម្គាល់នោះ លោកប្រធានាធិបតីជិតកាន់តំណែង Htin Kyaw គឺជំនួយការ និងមនុស្សជំនិតបំផុតរបស់លោកស្រីអ៊ុងសាន ស៊ូជី។ ឥស្សរជនវ័យ៦៩ឆ្នាំរូបនេះ គឹជាមិត្តភក្តិរបស់របស់លោកស្រី អ៊ុងសាន ស៊ូជី តាំងពីវ័យកុមារមកម្ល៉េះ។ វត្តមានរបស់លោកស្រីសូជី នៅក្នុងព្រឹត្តិការណ៍សំខាន់ៗ គឺតែងតែមានលោក Htin Kyaw ជានិច្ច។
ក្រៅពីការបណ្តុះបណ្តាលលើវិស័យសេដ្ឋកិច្ចនៅក្នុងប្រទេស លោក Htin Kyaw ក៏បានបញ្ចប់ការសិក្សាក្រៅប្រទេសក្នុងនាមជាជ័យលាភីអាហាររូបករណ៍នៅចក្រភពអង់គ្លេសផងដែរ។ បន្ថែមពីមានតួនាទីជាមន្ត្រីជាន់ខ្ពស់បក្សសម្ព័ន្ធជាតិដើម្បីប្រជាធិបតេយ្យ និងជាមិត្តភក្តិតស៊ូច្រើនទស្សវត្សរ៍ហើយនោះ លោក Htin Kyaw ក៏ជាកវី និងជាអតីតអ្នកបើកឡានផ្ទាល់ឲ្យលោកស្រីអ៊ុងសាន ស៊ូជី ។
យ៉ាងណាក៏ដោយ វាជារឿងដែលគួរឲ្យសោកស្តាយចំពោះប្រមុខបក្សឈ្នះឆ្នោតលោកស្រីស៊ូជី ដែល មិនអាចមានលទ្ធភាពក្នុងការក្លាយជាប្រធានាធិបតីបាន ដ្បិតមានការហាមឃាត់ពីមាត្រា៥៩ នៃ រដ្ឋធម្មនុញ្ញមីយ៉ាន់ម៉ា។ តែលោកស្រីស៊ូជី ធ្លាប់បានអះអាងជាច្រើនលើកច្រើនសាររួចទៅហើយថា លោកស្រី នឹងមានតំណែងខ្ពស់ជាងប្រធានាធិបតីទៅទៀត ដែលនេះ ចង់មានន័យថា ប្រធានាធិបតីថ្មី ក៏ត្រូវដើរតាមគន្លងនយោបាយ និងការបង្គាប់បញ្ជារបស់លោកស្រីដដែល៕
លោក Htin Kyaw ប្រធានាធិបតីត្រៀមចូលកាន់តំណែង បានអះអាងថាជ័យជម្នៈនៃការតំណែងប្រធានាធិបតីរបស់លោក «គឺជាជ័យជម្នៈរបស់ប្រជាជនមីយ៉ាន់ម៉ា ហើយវាក៏ជាជ័យជម្នៈរបស់បងស្រីអ៊ុងសាន ស៊ូជីផងដែរ»។ នេះគឺជាសុន្ទរកថាដំបូងហើយរបស់លោក Htin Kyaw ទៅកាន់អ្នកសារព័ត៌មាន ក្រោយពីលោកជាប់ជាប្រធានាធិបតីថ្មីមីយ៉ាន់ម៉ា។ បច្ចុប្បន្ន លោកមានអាយុ៦៩ឆ្នាំ ពោលគឺប្អូនលោកស្រី ស៊ូជី មួយឆ្នាំ។
លោក Htin Kyaw បានសង្កត់ធ្ងន់ដែរថា « ខ្ញុំក្លាយជាប្រធានាធិបតី ក៏ព្រោះតែឆន្ទៈដ៏ល្អ និងភាពស្មោះ ត្រង់របស់ប្រជាជន»។
សូមបញ្ជាក់ផងដែរថា លោក Htin Kyaw គឺជាប្រធានាធិបតីដំបូងគេហើយក្នុងនយោបាយមីយ៉ាន់ម៉ា ក្នុងរយៈពេល៥ទសវត្សរ៍ ដែលមានសាវតាជាជនស៊ីវិល។ ហើយការឈានមកដល់តំណែងប្រធានាធិបតី ក៏ព្រោះតែលោក ត្រូវបានមេបក្សសំឡេងភាគច្រើនក្នុងសភាលោកស្រីស៊ូជី តែងតាំងផងដែរ។
អ្វីគួរកត់សម្គាល់នោះ លោកប្រធានាធិបតីជិតកាន់តំណែង Htin Kyaw គឺជំនួយការ និងមនុស្សជំនិតបំផុតរបស់លោកស្រីអ៊ុងសាន ស៊ូជី។ ឥស្សរជនវ័យ៦៩ឆ្នាំរូបនេះ គឹជាមិត្តភក្តិរបស់របស់លោកស្រី អ៊ុងសាន ស៊ូជី តាំងពីវ័យកុមារមកម្ល៉េះ។ វត្តមានរបស់លោកស្រីសូជី នៅក្នុងព្រឹត្តិការណ៍សំខាន់ៗ គឺតែងតែមានលោក Htin Kyaw ជានិច្ច។
ក្រៅពីការបណ្តុះបណ្តាលលើវិស័យសេដ្ឋកិច្ចនៅក្នុងប្រទេស លោក Htin Kyaw ក៏បានបញ្ចប់ការសិក្សាក្រៅប្រទេសក្នុងនាមជាជ័យលាភីអាហាររូបករណ៍នៅចក្រភពអង់គ្លេសផងដែរ។ បន្ថែមពីមានតួនាទីជាមន្ត្រីជាន់ខ្ពស់បក្សសម្ព័ន្ធជាតិដើម្បីប្រជាធិបតេយ្យ និងជាមិត្តភក្តិតស៊ូច្រើនទស្សវត្សរ៍ហើយនោះ លោក Htin Kyaw ក៏ជាកវី និងជាអតីតអ្នកបើកឡានផ្ទាល់ឲ្យលោកស្រីអ៊ុងសាន ស៊ូជី ។
យ៉ាងណាក៏ដោយ វាជារឿងដែលគួរឲ្យសោកស្តាយចំពោះប្រមុខបក្សឈ្នះឆ្នោតលោកស្រីស៊ូជី ដែល មិនអាចមានលទ្ធភាពក្នុងការក្លាយជាប្រធានាធិបតីបាន ដ្បិតមានការហាមឃាត់ពីមាត្រា៥៩ នៃ រដ្ឋធម្មនុញ្ញមីយ៉ាន់ម៉ា។ តែលោកស្រីស៊ូជី ធ្លាប់បានអះអាងជាច្រើនលើកច្រើនសាររួចទៅហើយថា លោកស្រី នឹងមានតំណែងខ្ពស់ជាងប្រធានាធិបតីទៅទៀត ដែលនេះ ចង់មានន័យថា ប្រធានាធិបតីថ្មី ក៏ត្រូវដើរតាមគន្លងនយោបាយ និងការបង្គាប់បញ្ជារបស់លោកស្រីដដែល៕
Tag:
មីយ៉ាន់ម៉ា
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
