កីឡាជាតិ
ជាតិ
ម្ចាស់ផ្ទះស្វាយរៀងបំបាក់ត្បូងឃ្មុំយ៉ាងចាស់ដៃ ខណៈសៀមរាបបន្តឈរនៅកំពូលតារាង ក្រុមកីឡាបាល់ទាត់ខេត្តឧត្តរមានជ័យ។ រូបថត FF
× ការប្រកួតបាល់ទាត់ដណ្តើមពានរង្វាន់សម្តេច ហ៊ុន សែន រដូវកាល ២០១៦ សប្តាហ៍ទី៥ នៃវគ្គជម្រុះបឋមក្នុងពូល B, C, D ដែលមាន៥គូ ចូលរួមប្រកួតបានបញ្ចប់កាលពីល្ងាចមិញនេះ ដោយក្រុមម្ចាស់ផ្ទះស្វាយរៀងបំបាក់ក្រុមភ្ញៀវត្បូងឃ្មុំយ៉ាងចាស់ដៃ ១៤-១ ខណៈសៀមរាបអង្គរបានត្រឹមស្មើ អ.ហ ខេត្តកំពង់ធំ ប៉ុន្តែក្រុមនេះឈរនៅកំពូលតារាង។
ក្រុមម្ចាស់ផ្ទះខេត្តស្វាយរៀងបានបំបាក់ ខេត្តត្បូងឃ្មុំ យ៉ាងអាម៉ាស់ ១៤-១ ខណៈម្ចាស់ផ្ទះយុវជនបឹងកេតកំពង់ចាម ថាបើកទ្វារកីឡដ្ឋានរបស់ខ្លួនដើម្បីសងសឹកខេត្តព្រៃវែង ប៉ុន្តែត្រូវក្រុមភ្ញៀវបានយកឈ្នះលើខ្លួន ២-១ ធ្វើឲ្យក្រុមភ្ញៀវមួយនេះទទួលបាន៣ពិន្ទុបន្ថែម រហូតបានឈរកំពូលតារាងក្នុងពូល B ស្មើស្វាយរៀង(១២ពិន្ទុ)។
ចំណែកក្រុមម្ចាស់ផ្ទះខេត្តឧត្តរមានជ័យ ត្រូវបានក្រុមភ្ញៀវមកពីព្រះវិហារយកឈ្នះ ១-០ ខណៈក្រុមសៀមរាបអង្គរឈរក្នុងកំពូលតារាងក្នុងពូល C បន្ទាប់ពីស្មើ អ.ហ ខេត្តកំពង់ធំ ២-២ ដោយក្រុមនេះទទួលបានពិន្ទុខ្ពស់ជាងគេរហូត ១៣ពិន្ទុ។ ចំណែកក្រុម ខេត្តកំពង់ឆ្នាំង បានរក្សាលទ្ធផល ១-១ ជាមួយក្រុម ខេត្តប៉ៃលិន៕
*លទ្ធផលនៃការប្រកួតពានរង្វាន់សម្តេច ហ៊ុន សែន ថ្ងៃទី១៦ ខែមីនា នេះ
-B ខេត្តស្វាយរៀង Vs ខេត្តត្បូងឃ្មុំ ១៤ - ១ ខេត្តស្វាយរៀង
យុវជនបឹងកេតកំពង់ចាម ខេត្តព្រៃវែង ១ - ២ បឹងកេត
-C ខេត្តឧត្តរមានជ័យ Vs ខេត្តព្រះវិហារ ០ - ១ ខេត្តឧត្តរមានជ័យ
សៀមរាបអង្គរ អ.ហ ខេត្តកំពង់ធំ ២ - ២ ខេត្តសៀមរាប
-D ខេត្តកំពង់ឆ្នាំង Vs ខេត្តប៉ៃលិន ១ - ១ ខេត្តកំពង់ឆ្នាំង
Tag:
បាល់ទាត់
Hun Sen Cup
© រក្សាសិទ្ធិដោយ thmeythmey.com