កីឡាជាតិ
ជាតិ
Cambodia All Stars ស្វាគមន៍ Lao All Stars នាវេលាម៉ោង៦និង៣០នាទីល្ងាចនេះ
×
ក្រុម Cambodia All Stars នឹងត្រូវជួបប្រកួតជាមួយក្រុម Lao All Stars នាល្ងាចថ្ងៃទី១៨ ខែមីនា នេះ នៅពហុកីឡដ្ឋានជាតិ ដើម្បីរំលឹកខួប ៦០ឆ្នាំ នៃទំនាក់ទំនងការទូតរវាងកម្ពុជា និងឡាវ។
ជំនួបរវាងក្រុម Cambodia All Stars និង Lao All Stars នឹងក្លាយជាការប្រកួតមួយដ៏ជក់ចិត្ត ទោះបីវាជាការប្រកួតដើម្បីរំលឹកខួប៦០ឆ្នាំ នៃទំនាក់ទំនងការទូតរវាងកម្ពុជា និងឡាវ ក៏ដោយ ប៉ុន្តែភាគីទាំងពីរបានប្តេជ្ញាថា នឹងប្រកួតឲ្យអស់ពីសមត្ថភាព ដើម្បីដណ្តើមយកជ័យជម្នះរៀងៗខ្លួនៗ ព្រោះវាជាការប្រកួតតំណាងឲ្យមុខមាត់ប្រទេសនីមួយៗ ។ ការប្រកួតនេះនឹងប្រព្រឹត្តទៅនាល្ងាចម៉ោង ៦:៣០នាទី ថ្ងៃទី១៨ ខែមីនានេះ នៅពហុកីឡដ្ឋានជាតិ។
លោក អ៊ឹម សុធារិទ្ធិ នាយកទំនាក់ទំនងក្រុមហ៊ុនខ្មែរប្រ៊ូរី បានឲ្យដឹងថា សម្រាប់ការប្រកួតមិត្តភាពរវាងក្រុម Cambodia All Stars និង Lao All Stars ដើម្បីរំលឹកខួប៦០ឆ្នាំ នៃទំនាក់ទំនងការទូតរវាងកម្ពុជា និងឡាវ ក្រុមហ៊ុនស្រាបៀរកម្ពុជាបានឧបត្ថម្ភថវិកាដើម្បីដំណើរកាប្រកួតចំនួន៥ម៉ឺនសហរដ្ឋអាមេរិក។
ទន្ទឹមនឹងនេះ លោក គល់ សុផាន់ណា អគ្គលេខាធិកានៃសហព័ន្ធកីឡាបាល់ទាត់កម្ពុជាបានបញ្ជាក់ថា ថវិកាដែលទទួលបានពីឧបត្ថម្ភ និងការលក់សំបុត្រចូលរួមទស្សនាពុំមានការបរិច្ចាគថវិកាទៅកាន់មន្ទីរគន្ធបុប្ឋាឡើយ។ ថវិកាទាំងនេះទុករ៉ាប់រងសម្រាប់ការចំណាយលើការប្រកួតនាល្ងាចថ្ងៃទី១៧ ខែមីនា នេះ ចំណែកថវិកាដែលនៅសល់គឺទុកសម្រាប់ប្រើប្រាស់នៅក្នុងការអភិវឌ្ឍន៍វិស័យកីឡាបាល់ទាត់នៅកម្ពុជា ជាពិសេសសម្រាប់វិស័យបាល់ទាត់ថ្នាល និងយុវជន៕
Tag:
បាល់ទាត់
Cambodia All Stars
© រក្សាសិទ្ធិដោយ thmeythmey.com