ពីនេះ ពីនោះ
Facebook វាយលុកគ្រួសារហើយ!
× និពន្ធដោយ ប៉ាកកាខ្មៅ
កំណាព្យបទ កាកគតិ
ក្រុងស្រែចម្ការ តាមផ្លូវទៅផ្សារ យាយតាមិនខ្វះ
ពុកម៉ែមីងមា ហ៊ឺហារខ្លាំងណាស់ ក្នុងដៃឃើញច្បាស់
កាន់សុទ្ធ smart phone។
ពុកម៉ែយាត្រា ស្កាត់ពីចម្ការ ថាមកជូបកូន
ចង់ជជែកលេង រំលឹករឿងប្អូន ស្រាប់តែលោកកូន
ជាប់លេង Face book ។
ខ្លះរវល់ឈ្ងោក មិនអាចនៅព្រោក កំដរម៉ែពុក
គិតទៅ IT កំពុងវាយលុក ឲ្យឈាមម៉ែពុក
កូនបែកឃ្លាតឆ្ងាយ។
ប្អូនណាត់ជូបបង និយាយសាសង ណាត់ជូបពេលបាយ
ពេលមកជូបគ្នា ថាចង់សប្បាយ តែអ្នកទាំងឡាយ
អត់មើលមុខគ្នា។
គួរឲ្យអាសូរ ស្កាត់រាប់គីឡូ បែរប្តូរមកជា
ឱនចុចមុជងើប មិនខ្ចីសន្ទនា ចុងក្រោយត្រឹមលា
ជូបគ្នាដូចអត់៕
© រក្សាសិទ្ធិដោយ thmeythmey.com