ពីនេះ ពីនោះ
តើពាក្យ«បទដ្ឋានសង្គ្រាម»មានអត្ថន័យដូចម្ដេចនៅក្នុងវិទ្យាសាស្ត្រនយោបាយ?
×![]()
ដោយ: ថ្មីៗ
នៅក្នុងសទ្ទានុក្រមបច្ចេកសព្ទរបស់វិទ្យាសាស្ត្រនយោបាយ និងការទូតដែលអនុម័តដោយក្រុមប្រឹក្សាជាតិភាសាខ្មែរបានកំណត់អត្ថន័យពាក្យ «បទដ្ឋានសង្គ្រាម» ដូចខាងក្រោម៖
ពាក្យថា «បទដ្ឋានសង្គ្រាម» មានន័យថា ជាវិធានទាំងឡាយណាដែលមានចែងនៅក្នុងច្បាប់អន្តរជាតិ និងអនុសញ្ញាអន្តរជាតិស្ដីពីសិទ្ធិនិងកាតព្វកិច្ចរបស់ភាគី ពាក់ព័ន្ធនឹងសង្គ្រាម។ សិទ្ធិកាតព្វកិច្ចដែលភាគីពាក់ព័ន្ធនៅក្នុងសង្គ្រាមត្រូវគោរពពេលធ្វើសង្គ្រាមមានដូចជា៖
ទី១.អំឡុងពេលមានសង្គ្រាម ការសម្លាប់ជនស៊ីវិលគ្មានអាវុធដោយចេតនា មិនត្រូបានអនុញ្ញាតឡើយ។ ទី២. ទាហានម្ខាងមិនអាចសម្លាប់ឬធ្វើឲ្យរបួសដល់ទាហានម្ខាងទៀត ដែលបានចុះចូលហើយនោះទេ។ ទី៣. មន្ទីរពេទ្យមិនត្រូវបានប៉ះពាល់ឬវាយប្រហារទេ ក្នុងពេលមានសង្គ្រាម។ ទី៤.ឈ្លើយសឹកមិនត្រូវបានគេប្រព្រឹត្តដោយអមនុស្សធម៌ ឬធ្វើទារុណកម្មទេ។ ទី៥. ការចាប់យកឬសម្លាប់ចំណាប់ខ្លាំងមិនត្រូវបានអនុញ្ញាតឡើយ។ ទី៦. ទាហានត្រូវពាក់ឯកសណ្ឋានដើម្បឲ្យគេបានស្គាល់អត្តសញ្ញាណច្បាស់លាស់ ជៀសវាងការច្រឡំជាមួយជនស៊ីវិល។ ទី៧. សមរភូមិ ត្រូវធ្វើឲ្យឆ្ងាយពីតំបន់ទីក្រុងដែលមានប្រជាជនរស់នៅ។ ទី៨. នៅពេលត្រូវវាយប្រហារទៅលើទីក្រុងត្រូវទុកពេលវេលាសម្រាប់ជម្លៀសជនស៊ីវិលចេញ។ និងទី៩. ជនស៊ីវិលស្លូតត្រង់ត្រូវទទួលការគាំពារ៕
© រក្សាសិទ្ធិដោយ thmeythmey.com
