ពីនេះ ពីនោះ
×![]()
ភ្នំពេញ៖ ប្រជាជនខ្មែរ និងថៃ សាងសង់ផ្ទះបែរមុខទៅទិសខាងកើតតាំងពីអតីតកាល រហូតមកដល់បច្ចុប្បន្ននេះ។ ការសង់ផ្ទះបែរមុខទៅទិសខាងកើត ត្រូវបាន សម្តេចសង្ឃរាជ ជួន ណាត បានលើកឡើងថាមានមូលហេតុចំនួនពីរ។ 
មូលហេតុទី១៖ដោយសារដីនៅធំទូលាយ និងទី២ដោយសារយកគំរូតាមព្រះពុទ្ធកាលដែលលោកពិចារណាបដិច្ចសមុប្បាទរាវរកការត្រាស់ដឹងនោះ គឺលោកបែរព្រះភ័ក្ត្រទៅទិសខាងកើត។
ឯប្រទេសលាវ ស្រីលង្កា ភូមា មិនដូច្នេះទេ គឺស្រេចតែនឹងទិស។ ត្រង់ ចំណុចនេះ សម្តេចយល់ថា ការសង់ព្រះវិហារ ឬផ្ទះបែរមុខទៅទិសខាងណាមួយ មិនមានអ្វីទាស់ខុសទេ។ បញ្ហាទាស់ខុសសំខាន់នោះគឺគួរចៀសវាងជំនឿខុស។ដូចជាករណី គម្ពីរកុហកមួយនិយាយថា បុគ្គលប្រុសស្រីណាធ្វើរោងទទឹងថ្ងៃពុំបានបុណ្យសោះឡើយ លុះត្រាតែធ្វើបណ្តោយថ្ងៃទើបបានបុណ្យ។ និងករណីមួយទៀត សង់ផ្ទះត្រូវតែបែរមុខទៅទិសខាងកើត ឱ្យព្រះអាទិត្យរះពីកើត ទើបធ្វើបុណ្យបានបុណ្យ និងមានសិរីសួស្តី។
ដកស្រង់៖ ការធ្វើបទបង្ហាញ ដោយលោកសាស្ត្រាចារ្យ ក្តាន់ ធុលកាលពីថ្ងៃទី៣០ ខែកញ្ញា ឆ្នាំ២០១៤នៅរាជបណ្ឌិត្យសភាកម្ពុជា
Tag:
ជួន ណាត
© រក្សាសិទ្ធិដោយ thmeythmey.com
