ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ជាច្បាប់ធម្មជាតិ មនុស្សគឺជាចំណុចប្រសព្វនៃប្រវត្តិសាស្ត្រ។ មនុស្សគឺជាភា្នក់ងារកសាង និងបង្កើតប្រវត្តិសាស្ត្រ។ បើមនុស្សកសាងអ្វីល្អៗក្នុងពេលបច្ចុប្បន្ន នោះមនុស្សនឹងទទួលបានប្រវត្តិសាស្ត្រ ដ៏ល្អនៅថ្ងៃអនាគត។ ប៉ុន្តែមនុស្សកសាងភាពអាក្រក់ក្នុងពេលបច្ចុប្បន្ន នោះនឹងទទួលបានទំព័រប្រវត្តិសាស្ត្រដ៏អាក្រក់សម្រាប់ខ្លួនឯងនៅថ្ងៃអនាគត។ ព្រោះមនុស្សគឺជាចំណុចប្រសព្វ និងជាភ្នាក់ងាររបស់ប្រវត្តិសាស្ត្រ។
នៅក្នុងឯកសារប្រវត្តិសាស្ត្រ សៀវភៅប្រវត្តិសាស្ត្រ បានបង្ហាញយ៉ាងច្បាស់អំពីប្រវត្តិដែលបានកើតមាននៅក្នុងប្រវត្តិសាស្ត្រ ទាំងល្អទាំងអាក្រក់។ មានរឿងរ៉ាវខ្លះវាមិនមានភាពសុក្រិតឥតខ្ចោះ ក៏ប៉ុន្តែវាបានបង្ហាញពីវិញ្ញាណប្រវត្តិសាស្ត្រមួយថា អ្នកបានធ្វើអាក្រក់គឺសាងកំហុស អ្នកបានធ្វើល្អគឺសាងស្នាដៃ។ ភាពត្រូវខុសនៃប្រវត្តិសាស្ត្រទៀតសោត គឺវាអាស្រ័យទៅលើចេតនារបស់អ្នកសរសេរប្រវត្តិសាស្ត្រ។ ប៉ុន្តែប្រសិនបើសិនអ្នកប្រវត្តិសាស្ត្រសរសេរផ្ទុយពីការពិត បណ្ដាសាប្រវត្តិសាស្ត្រ នឹងតាមបន្លាចជនទាំងនោះ។
យ៉ាងណាម៉ិញ ក្នុងនាមជាភា្នក់ងារប្រវត្តិសាស្ត្រ មនុស្សត្រូវស្គាល់ពីអត្ថិភាពរបស់ខ្លួនឯងនៅក្នុងសង្គម ដើម្បីកសាងប្រវត្តិមួយ សម្រាប់ខ្លួនឯង និងជាផ្នែកមួយនៃប្រវត្តិសាស្ត្រជាតិទាំងមូល។ ដើម្បីទទួលបានប្រវត្តិសាស្ត្រដ៏ល្អសម្រាប់ជាតិបាន គឺទាមទារការខិតខំប្រឹងប្រែង មានការចូលរួមទាំងចលនាបុរសស្ត្រី ទាំងចលនាយុវជន ស្វែងយល់ និងព្យាយាមរកដំណោះស្រាយល្អៗ ក្នុងបុព្វហេតុជាតិមាតុភូមិ។
ជាក់ស្ដែង ជាសាសន៍មួយដែលមានប្រវត្តិសាស្ត្រល្អ គឺជាជាតិសាសន៍មួយ ដែលមានការរីកចម្រើន និងអភិវឌ្ឍន៍លើគ្រប់វិស័យ។ ហេតុនេះ ការចូលរួមលើកស្ទួយជាតិ ពាក់ព័ន្ធនឹងវិស័យសង្គមកិច្ច សេដ្ឋកិច្ច នយោបាយ អប់រំ សុខាភិបាល ពាណិជ្ជកម្ម សាសនា វប្បធម៌ និងការចូលរួមការពារជាតិមាតុភូមិជាដើមនោះ គឺបង្ហាញពីភាពរឹងមាំជាមូលដ្ឋាន ក្នុងនាមជារាស្ត្រ ជាម្ចាស់អំណាចពិតប្រាកដ របស់សង្គមជាតិ ឆ្ពោះទៅរកប្រវត្តិដ៏ភ្លឺស្វាងមួយនៅពេលអនាគត។
ហេតុនេះ វាប្រហែលជាដល់ពេលដែល ខ្មែរត្រូវប្រកាន់យកគោលការណ៍អហិង្សា មិនគុំកួនសងសឹកគ្នា គ្មានពាក្យថាជាសត្រូវ ទទួលយកមាគ៌ាផ្សះផ្សាជាតិ រក្សាស្ថិរភាព និងសន្តិភាពយកពេលវេលាអភិវឌ្ឍមាតាកម្ពុជា ដើម្បីជាផលប្រយោជន៍ប្រជាជាតិ កសាងពន្លឺប្រវត្តិសាស្ត្រសារជាថ្មី៕
នៅក្នុងឯកសារប្រវត្តិសាស្ត្រ សៀវភៅប្រវត្តិសាស្ត្រ បានបង្ហាញយ៉ាងច្បាស់អំពីប្រវត្តិដែលបានកើតមាននៅក្នុងប្រវត្តិសាស្ត្រ ទាំងល្អទាំងអាក្រក់។ មានរឿងរ៉ាវខ្លះវាមិនមានភាពសុក្រិតឥតខ្ចោះ ក៏ប៉ុន្តែវាបានបង្ហាញពីវិញ្ញាណប្រវត្តិសាស្ត្រមួយថា អ្នកបានធ្វើអាក្រក់គឺសាងកំហុស អ្នកបានធ្វើល្អគឺសាងស្នាដៃ។ ភាពត្រូវខុសនៃប្រវត្តិសាស្ត្រទៀតសោត គឺវាអាស្រ័យទៅលើចេតនារបស់អ្នកសរសេរប្រវត្តិសាស្ត្រ។ ប៉ុន្តែប្រសិនបើសិនអ្នកប្រវត្តិសាស្ត្រសរសេរផ្ទុយពីការពិត បណ្ដាសាប្រវត្តិសាស្ត្រ នឹងតាមបន្លាចជនទាំងនោះ។
យ៉ាងណាម៉ិញ ក្នុងនាមជាភា្នក់ងារប្រវត្តិសាស្ត្រ មនុស្សត្រូវស្គាល់ពីអត្ថិភាពរបស់ខ្លួនឯងនៅក្នុងសង្គម ដើម្បីកសាងប្រវត្តិមួយ សម្រាប់ខ្លួនឯង និងជាផ្នែកមួយនៃប្រវត្តិសាស្ត្រជាតិទាំងមូល។ ដើម្បីទទួលបានប្រវត្តិសាស្ត្រដ៏ល្អសម្រាប់ជាតិបាន គឺទាមទារការខិតខំប្រឹងប្រែង មានការចូលរួមទាំងចលនាបុរសស្ត្រី ទាំងចលនាយុវជន ស្វែងយល់ និងព្យាយាមរកដំណោះស្រាយល្អៗ ក្នុងបុព្វហេតុជាតិមាតុភូមិ។
ជាក់ស្ដែង ជាសាសន៍មួយដែលមានប្រវត្តិសាស្ត្រល្អ គឺជាជាតិសាសន៍មួយ ដែលមានការរីកចម្រើន និងអភិវឌ្ឍន៍លើគ្រប់វិស័យ។ ហេតុនេះ ការចូលរួមលើកស្ទួយជាតិ ពាក់ព័ន្ធនឹងវិស័យសង្គមកិច្ច សេដ្ឋកិច្ច នយោបាយ អប់រំ សុខាភិបាល ពាណិជ្ជកម្ម សាសនា វប្បធម៌ និងការចូលរួមការពារជាតិមាតុភូមិជាដើមនោះ គឺបង្ហាញពីភាពរឹងមាំជាមូលដ្ឋាន ក្នុងនាមជារាស្ត្រ ជាម្ចាស់អំណាចពិតប្រាកដ របស់សង្គមជាតិ ឆ្ពោះទៅរកប្រវត្តិដ៏ភ្លឺស្វាងមួយនៅពេលអនាគត។
ហេតុនេះ វាប្រហែលជាដល់ពេលដែល ខ្មែរត្រូវប្រកាន់យកគោលការណ៍អហិង្សា មិនគុំកួនសងសឹកគ្នា គ្មានពាក្យថាជាសត្រូវ ទទួលយកមាគ៌ាផ្សះផ្សាជាតិ រក្សាស្ថិរភាព និងសន្តិភាពយកពេលវេលាអភិវឌ្ឍមាតាកម្ពុជា ដើម្បីជាផលប្រយោជន៍ប្រជាជាតិ កសាងពន្លឺប្រវត្តិសាស្ត្រសារជាថ្មី៕
© រក្សាសិទ្ធិដោយ thmeythmey.com
