ពីនេះ ពីនោះ
កង់បីប្រល័យតាស៊ីក្លូ
× និពន្ធដោយ ប៉ាកកាខ្មៅ
កំណាព្យបទពាក្យ ៨
-នឹកកាលពីមុនតាមានហាងឆេង ព្រោះស្រីស្រស់ក្មេងតែងជិះមិនឈប់
មិនថាជិតឆ្ងាយថ្ងៃឬក៏យប់ តាខំធាក់ឌុបទប់មិនត្អូញត្អែរ។
-ធាក់គ្រប់វិថីផ្សារថ្មីដល់ចាស់ ឃើញវត្តភ្នំច្បាស់មុខវាំងផ្សារញ៉ែ
អូឡាំពិកដើមគរនាគមាសដែរ ទឹកថ្លាថ្នមស្នេហ៍ដល់ពោធិ៍ចិនតុង។
-ម៉ូតូកង់បីប្រល័យស្នេហ៍តា ស្ទើរដាច់អាហារតាខ្លះចាកក្រុង
អត់ស្រែនៅស្រុកតាខ្លះជាប់ផុង អង្វរអ្នកក្រុងឲ្យជួយតាផង។
-មិនចង់ហ៊ឺហារតាសុំត្រឹមរស់ ឲ្យរួចផុតជ្រោះគ្រោះភ័យសៅហ្មង
បានហូបចុកឆ្អែតតាអរកន្លង សូមជួយតាផងក្រែងរស់ដូចគេ៕
© រក្សាសិទ្ធិដោយ thmeythmey.com