លោក Johan Cruyff ជាវីរបុរសនៃក្លិប Ajax ក្លិប Barcelona និងក្រុមជម្រើសជាតិហូឡង់ បានទទួលមរណភាពកាលពីថ្ងៃព្រហស្បតិ៍ក្នុងអាយុ៦៨ឆ្នាំ។ អតីតម្ចាស់ពាន Ballon d’ Or បីលើក (១៩៧១, ១៩៧៣ និង១៩៧៤) រូបនេះ បានរស់នៅត្រាំត្រែងជាមួយនឹងជំងឺមហារីកអស់រយៈពេលជាច្រើនខែ។
លោក Cruyff ត្រូវចាត់ជាកីឡាករ និងជាគ្រូបង្វឹកដ៏អស្ចារ្យម្នាក់លើពិភពលោក ដែលបង្កើតទស្សនវែងឆ្ងាយសម្រាប់វិស័យកីឡាបាល់ទាត់។ ពីឆ្នាំ១៩៦៤ ដល់១៩៨៤ លោកជាកីឡាករលេងឲ្យក្លិប Ajax, Barcelona, Los Angeles Aztecs, Washington Diplomats, Levante និង Feyenoord។ ពីឆ្នាំ១៩៨៥ដល់២០១៣ លោកធ្វើជាគ្រូបង្វឹកនៅក្លិប Ajax, Barcelona និង Catalonia។
លោកបានទទួលជោគជ័យយ៉ាងច្រើនក្នុងអាជីព ហើយឈ្មោះរបស់លោក Cruyff ត្រូវបានគេប្រៀបស្មើទៅនឹង Pele, Alfredo Di Stefano, Ferenc Puskas និង Diego Maradona ផងដែរ ពីព្រោះពួកគេគឺជាធ្វើបដិវត្តន៍បាល់ទាត់ក្នុងជំហានដ៏វិជ្ជមាន។
យោងតាមសារព័ត៌មាន France Football លោក Johan Cruyff មានសម្តីមាស១៤ដែលរៀបរាប់ទាក់ទងនឹងបាល់ទាត់។ សារព័ត៌មានថ្មីៗ សូមធ្វើការប្រែសម្រួលក្រៅផ្លូវការដូចខាងក្រោម៖
១.គុណភាពគ្មានលទ្ធផល គឺគ្មានប្រយោជន៍។ លទ្ធផលគ្មានគុណភាព គឺជារឿងដ៏គួរឲ្យធុញទ្រាន់។
២.លេងបាល់ទាត់គឺជារឿងសាមញ្ញ ប៉ុន្តែការលេងបាល់ទាត់ដ៏សាមញ្ញ គឺជារឿងដ៏ពិបាកបំផុត។
៣.កីឡាករបាល់ទាត់ដែលលេងនៅតាមផ្លូវ គឺមានសារសំខាន់ជាងគ្រូបង្វឹកដែលមានសញ្ញាបត្រ។
៤. នៅក្នុងក្រុមរបស់ខ្ញុំ អ្នកចាំទីគឺជាខ្សែប្រយុទ្ធទី១ ខ្សែប្រយុទ្ធគឺជាអ្នកការពារទីមួយ។
៥. បច្ចេកទេស មិនមែនមានន័យថាអាចត្រេះបាល់១០០០នោះទេ។ អ្នកទាំងអស់គ្នាអាចធ្វើបានជាមួយនឹងការហ្វឹកហាត់។ វាអាចកើតឡើងក្នុងការងារជាក្រុម។ បច្ចេកទេសពិតប្រាកដ គឺការបញ្ជូនបាល់ជាមួយនឹងល្បឿនល្អ ពីជើងដ៏ល្អទៅមិត្តរួមក្រុម។
៦. បាល់ទាត់គឺជាល្បែងដែលបង្កើតកំហុស។ អ្នកដែលធ្វើកំហុសតិចជាអ្នកឈ្នះ។
៧.ប្រសិនបើអ្នកជ្រើសរើសល្អបំផុតសម្រាប់ទីតាំងនីមួយៗ អ្នកនឹងមិនមានក្រុមល្អឡើយ ប៉ុន្តែជាក្រុមលេខមួយទាំង១១នាក់។
៨. វាជាការល្អប្រសើរបំផុតដែលចាញ់ជាមួយនឹងគំនិតផ្ទាល់ខ្លួន ជាងដោយសារគំនិតរបស់អ្នកដទៃ។
៩. ប្រសិនបើយើងមានបាល់លេងហើយ អ្នកផ្សេងទៀតមិនអាចរកពិន្ទុបានឡើយ។
១០. តើអ្វីជាល្បឿន? កីឡាភាគច្រើនច្រលំពីសកម្មភាពល្បឿន និងការវិភាគល្បឿន។ បើខ្ញុំចាប់ផ្តើមរត់ប្រណាំងនៅមុខគូប្រជែងរបស់ខ្ញុំ ខ្ញុំបានយល់ច្បាស់ពីអ្វីដែលកើតឡើងនៅចំពោះមុខគាត់។
១១.អ្វីដ៏ពិបាកបំផុតក្នុងការប្រកួតដ៏ស្រួលមួយ គឺប្រឹងប្រែងធ្វើគូប្រកួតពិបាកលេង។
១២.នៅពេលអ្នកលេងក្នុងការប្រកួតមួយ អ្នកត្រូវមានស្ថិតិគ្រប់គ្រងបាល់ជាមធ្យម៣នាទី។ កត្តាដែលសំខាន់បំផុតនោះ គឺតើអ្នកត្រូវធ្វើអ្វីខ្លះនៅពេលគ្មានបាល់គ្រប់គ្រងនាអំឡុងពេល៨៧នាទី។ ករណីនេះ គេអាចវាយតម្លៃបានថា អ្នកជាកីឡាករល្អ ឬយ៉ាងណា។
១៣. ពេលដែលខ្ញុំឃើញគ្រប់គ្នាធ្វើសញ្ញាតាំងចិត្តនៅពេលដើរចូលទីលាន វាបញ្ជាក់ប្រាប់ខ្ញុំថា បើអ្វីដំណើរការល្អ ការប្រកួតនឹងបញ្ចប់ទៅដោយគ្មានការស៊ុតបាល់បញ្ចូលទី។
១៤. ហេតុអ្វីបានជាយើងមិនអាចយកឈ្នះក្លិបដែលមានបំផុត? ខ្ញុំមិនដែលឃើញថា កាបូបដែលពេញទៅដោយលុយ រកគ្រាប់បាល់បញ្ចូលទីបានមួយគ្រាប់ឡើយ៕