ពីនេះ ពីនោះ
«ឡើងធ្វើធំ»រកលុយបានច្រើន គឺជាការគិតខុស
× នៅក្នុងសង្គមខ្មែរ ការអនុវត្តមិនល្អរបស់មន្ត្រីមួយចំនួនបានបន្សល់ទុកនូវរូបភាពមិនល្អដែលរុញច្រានឲ្យយុវជនជំនាន់ក្រោយមួយចំនួនចេះតែចង់ធ្វើធំដើម្បីឆ្លៀតឱកាសរកប្រាក់ក្រៅផ្លូវការ។ តាមពិត ប្រសិនបើកម្ពុជាអនុវត្តច្បាប់ឲ្យតឹងរឹងបំផុត, គ្រប់អ្នកធ្វើធំ ធ្វើតូច ឬនិយាយជាទូទៅតែម្តង រាល់មន្ត្រីរាជការទាំងអស់មិនអាចរកប្រាក់កម្រៃក្រៅផ្លូវការពីរដ្ឋដោយខុសច្បាប់បាននោះទេ។ រាជការ ត្រូវបម្រើរាជា និងពលរដ្ឋ។
នៅក្នុងប្រទេសជឿនលឿនគោរពច្បាប់ មិនមែនមនុស្សគ្រប់រូបចង់ក្លាយខ្លួនទៅជាមន្ត្រីរដ្ឋនោះទេ។ ផ្ទុយពីកម្ពុជា យុវជន និងឪពុកម្តាយភាគច្រើនតែងតែចង់ឲ្យកូនក្លាយជាមន្ត្រី ពីព្រោះ មន្ត្រីមានមុខមានមាត់ និងអាចរកលុយបានច្រើន។ អតីតប្រធាធិបតីនៃប្រទេសអ៊ុយរ៉ាងហ្គាយ ធ្លាប់និយាយហើយថា ប្រសិនបើអ្នកនយោបាយល្មោភលុយ ចូរពួកគេឈប់ធ្វើនយោបាយទៅ ហើយពួកគេគួរទៅធ្វើជំនួញវិញ។
សរុបមកវិញ ករណីនៅកម្ពុជា ការគិតថា ធ្វើជាមន្ត្រី ឬធ្វើអ្នកធំអាចរកលុយបានច្រើននោះ គឺជាការគិតខុស។ ចូរកូនខ្មែរត្រូវគិតដូចអ្វីដែលគេធ្លាប់លើកឡើងថា ចាប់កំណើតនៅក្នុងប្រទេសមួយ ចូរអ្នកកុំគិតថា ប្រទេសនោះត្រូវផ្តល់អ្វីដល់រូបលោក។ ផ្ទុយទៅវិញ អ្នកត្រូវគិតថា តើអ្នកត្រូវធ្វើអ្វីដើម្បីប្រទេសជាតិ។ ជីវិតមនុស្សខ្លីណាស់ ចូរអ្នកកុំធ្វើឲ្យជាតិ សហគមន៍ គ្រួសារ ឈឺចាប់ដោយសារអ្នក តែអ្នកត្រូវធ្វើឲ្យសង្គម សហគមន៍ គ្រួសារ ទទួលបានផលប្រយោជន៍ពីអ្នក៕
© រក្សាសិទ្ធិដោយ thmeythmey.com