អន្តរជាតិ
×![]()
បញ្ហាសន្តិសុខនៅនុយក្លេអ៊ែរ និងបញ្ហាកូរ៉េខាងជើងនឹងត្រូវលើកយមកពិភាក្សាក្នុងជំនួប ត្រីភាគីរវាងប្រធានាធិបតី បារ៉ាក់ អូបាម៉ា លោក ស៊ីន ហ្សូអាបេ និងលោកស្រី ប៉ាក ហ្គឺនហេ នៅដាច់ដោយឡែកពីកិច្ចប្រជុំកំពូលសន្តិសុខនុយក្លេអ៊ែរនៅថ្ងៃសុក្រខាងមុខ។ មេដឹកនាំទាំងបីនឹងស្វែងរកចំណាត់ការឆ្លើយតបការគំរាមកំហែងពីក្រុងព្យុងយ៉ាងនិងយុទ្ធសាស្ត្រសម្រាប់រក្សាសន្តិសុខថ្ងៃអនាគត។ តែក្នុងថ្ងៃជាមួយគ្នានោះ លោក អូបាម៉ា ក៏នឹងជួបជាមួយប្រមុខរដ្ឋចិនលោក ស៊ី ជិនពីង ផងដែរដើម្បីជជែកគ្នាពីបញ្ហាជាច្រើនក្នុងនោះ ក៏មានបញ្ហានុយក្លេអ៊ែរកូរ៉េខាងជើងដែរ។ ចិនទំនងជានឹងស្នើឲ្យមានការសន្ទនាគ្នាឡើងវិញរឿងនុយក្លេអ៊ែររវាងភាគីពាក់ព័ន្ធ ដើម្បីដោះស្រាយបញ្ហាបច្ចុប្បន្ន ។
សូមស្តាប់ការបកស្រាយរបស់លោក សៅ ផលនិស្ស័យ ៖
ថ្ងៃ ២៨ ខែមីនាម្សិលមិញ អ្នកនាំពាក្យសេតវិមានលោក Josh Earnest បានបញ្ជាក់ថា លោក បារ៉ាក់ អូបាម៉ា នឹងជួបជជែកពិភាក្សាលក្ខណៈត្រីភាគីជាមួយប្រធានាធិបតីកូរ៉េខាងត្បូងលោកស្រី ប៉ាក ហ្គឺនហេ និងនាយករដ្ឋមន្ត្រីជប៉ុនលោក ស៊ីន ហ្សូអាបេ នៅដាច់ដោយឡែកពីកិច្ចប្រជុំកំពូលស្តីពីនុយក្លេអ៊ែរនៅទីក្រុងវ៉ាស៊ីនតោននាថ្ងៃសុក្រខាងមុខ។ ក្នុងថ្ងៃជាមួយគ្នា លោក អូបាម៉ា ក៏នឹងជួបពិភាក្សាទ្វេភាគីជាមួយប្រមុខរដ្ឋចិនលោក ស៊ី ជិនពីងដែរ។
សូមទាញការចាប់អារម្មណ៍បន្តិចដែរ កិច្ចប្រជុំកំពូលសន្តិសុខនុយក្លេអ៊ែរឆ្នាំនេះត្រូវរៀបចំឡើងដោយផ្តោតលើបញ្ហាសន្តិសុខនុយក្លេអ៊ែរជារួម ជាពិសេសធ្វើយ៉ាងណាទប់ស្កាត់មិនឲ្យអាវុធនុយក្លេអ៊ែរធ្លាក់ចូលក្នុងដៃក្រុមភេរវជន ហើយមេដឹកនាំប្រទេសច្រើនជាង ៥០ នឹងចូលរួមក្នុងវេទិការអន្តរជាតិនេះដែរ។ ដូច្នេះវានឹងក្លាយជាពេលវេលាសំខាន់សម្រាប់ប្រទេសនានាជាពិសេសមហាអំណាចទាំងអស់ ក្នុងការស្វែងរកវិធានការថ្មីៗដើម្បីរក្សាសន្តិភាពពិភពលោកនិងប្រឆាំងរាល់ការគំរាមកំហែងសន្តិសុខនានា។
១. ជប៉ុន កូរ៉េខាងត្បូងត្រូវរ៉ូវគ្នារឿងប្រឆាំងកូរ៉េខាងជើង
ជំនួបត្រីភាគីរវាងមេដឹកនាំអាមេរិក ជប៉ុន និងកូរ៉េខាងត្បូង នឹងកា្លយជាវេទិកាដ៏សំខាន់សម្រាប់សម្ព័ន្ធមិត្តទាំងនេះស្វែងរកដំណោះស្រាយសម្រាប់តបតការគំរាមកំហែងដែលបង្កើតឡើងដោយក្រុងព្យុងយ៉ាង។ ជំនួបលើកនេះវាពិសេសត្រង់ថា ស៊ីន ហ្ស៊ូអាបេ និងប៉ាក ហ្គឺនហេ នឹងដើរចួលតុប្រជុំជាមួយគ្នាក្នុងនាមជាសម្ព័ន្ធមិត្តអាមេរិក។ នេះក៏ដោយសារកន្លងមកទំនាក់ទំនងសម្ព័ន្ធមិត្តទាំងពីររបស់អាមេរិកមិនល្អសោះ ហើយកម្រមានណាស់ជំនួបរួមគ្នាបែបនេះ។
អាចថាទំនាក់ទំនងរវាងក្រុងតូក្យូ និងក្រុងសេអ៊ូល ប្រសើរជាមុនច្រើនក្នុងរយៈពេលចុងក្រោយនេះ។ កាលពីខែវិច្ឆិកាឆ្នាំមុន ប៉ាក ហ្គឺនហេ និងស៊ីន ហ្សូអាបេ បានជួបពិភាក្សាជាមួយគ្នាលក្ខណៈទ្វេភាគីជាលើកដំបូងបំផុត តាំងពីឡើងកាន់តំណែងមក។ ការប្រែប្រួលនៃទំនាក់ទំនងប្រទេសទាំងពីរ នេះ ទីមួយដោយសារភាគីឯកភាពគ្នាដោះស្រាយរឿងស្ត្រីទាសករផ្លូវភេទអំឡុងសង្គ្រាមលោកលើកទី២ ហើយជប៉ុនយល់ព្រមបង់លុយសំណងជំងឺចិត្តដល់ជនរងគ្រោះ។ ហើយទីពីរនោះ ភាគីទាំងពីរ មានបញ្ហាប្រឈមផ្នែកសន្តិសុខដូចគ្នាគឺនុយក្លេអ៊ែរកូរ៉េខាងជើងនេះឯង។
ការបាញ់សាកល្បងអាវុធអ៊ីដ្រូសែនកាលពីដើមខែមករាកន្លងទៅ ហើយកូរ៉េខាងជើងនេះក៏អះអាងថាខ្លួនបាញ់សាកល្បងជោគជ័យមីស៊ីលរយៈចម្ងាយឆ្ងាយថែមទៀតក្នុងខែកុម្ភៈកន្លងមកនេះ បានធ្វើឲ្យជប៉ុននិងកូរ៉េខាងត្បូងភ័យព្រួយខ្លាំង។
ត្រលប់មកវិញ ភាគីទាំងបីនឹងយកឱកាសជំនួបនេះជជែកគ្នាពីសហប្រតិបត្តិការសន្តិសុខក្នុងតំបន់សម្រាប់ពេលអនាគតផង និងរកចំណាត់ការដុំកំភួនសម្រាប់ឆ្លើយតបសកម្មភាពគឃ្លើនរបស់ក្រុងព្យុងយ៉ាងផង។ ហើយទំនាក់ទំនងល្អរវាងសម្ព័ន្ធមិត្តអាមេរិកក្នុងតំបន់ទាំងពីរ ជាសញ្ញាវិជ្ជមានសម្រាប់អាមេរិកនិងជាអ្វីដែលរបបដឹកនាំក្រុងវ៉ាស៊ីនតោនចង់បាន។ វានឹងបង្កភាពងាយស្រួលសម្រាប់អាមេរិកក្នុងការដោះស្រាយបញ្ហា និងពង្រីកឥទ្ធិពលរបស់ខ្លួនក្នុងតំបន់ដែរ។
ដោយឡែក បច្ចុប្បន្ននេះ អាមេរិកនិងកូរ៉េខាងត្បូងនៅបន្តជជែកគ្នាជុំវិញគម្រោងពង្រាយប្រព័ន្ធការពារដែនអាកាសស៊េរីទំនើប THAAD របស់អាមេរិកទៅកាន់ឧបទ្វីកូរ៉េដើម្បីការពាររាល់ការវាយឆ្មក់ឬមានការប្រយុទ្ធគ្នាកើតឡើង។ ប៉ុន្តែគម្រោងនេះត្រូវបានរារាំងដោយក្រុងប៉េកាំង ហើយរុស្ស៊ីឯណោះក៏ប្រតិកម្មចំពោះគម្រោងនេះដែរ ដោយអះអាងថាវាប៉ះពាល់ដល់សន្តិសុខរបស់ខ្លួន។
២.ស៊ី ជិនពីងនឹងស្នើឲ្យសន្ទនាគ្នាឡើងវិញដើម្បីដោះស្រាយបញ្ហាបនុយក្លអ៊ែរក្រុងព្យុយ៉ាង
ក្នុងថ្ងៃជាមួយគ្នានោះ លោក បារ៉ាក់ អូបាម៉ា ក៏នឹងមានជំនួបជាមួយលោក ស៊ី ជិនពីង ផងដែរ។ ប្រធានបទជាច្រើននឹងត្រូវលើកឡើងក្នុងជំនួបនេះដែរ ក្នុងនោះមានបញ្ហានុយក្លេអ៊ែរឧបទ្វីបកូរ៉េ បញ្ហាសមុទ្រចិនខាងត្បូងនិង ទំនាក់ទំនងទ្វេភាគីរវាងប្រទេសមហាអំណាចទាំងពីរផងដែរ។
ទាក់ទិនបញ្ហានុយក្លេអ៊ែរកូរ៉េខាងជើង លោក ស៊ី ជិនពីងក៏ត្រៀមស្នើលោក បារ៉ាក់ អូបាម៉ា ឲ្យជ្រោមជ្រែងការសន្ទនាគ្នាឡើងវិញរវាងភាគីពាក់ព័ន្ធដើម្បីដោះស្រាយបញ្ហានុយក្លេអ៊ែរឧបទ្វីបកូរ៉េ។
កាលពីថ្មីៗកន្លងទៅ មហាយក្សចិនជាសម្ព័ន្ធមិត្តកូរ៉េខាងជើងសុខចិត្តអនុញ្ញាតឲ្យដំណោះស្រាយអង្គការសហប្រជាជាតិដាក់ទណ្ឌកម្មកូរ៉េខាងជើងចេញទៅរួច ប៉ុន្តែចិននៅតែបញ្ជាក់ម្តងហើយម្តងទៀតថា ទណ្ឌកម្មមិនមែនជាដំណោះស្រាយឡើយ។ ចិនជឿជាក់ថាមានតែការប្រឹក្សា និងសន្ទនាគ្នាប៉ុណ្ណោះទើបអាចជំរុញឲ្យមានការបញ្ចប់បញ្ហាចម្រូងចម្រាសនុយក្លេអ៊ែរនៅឧបទ្វីបកូរ៉េបាន។
ចិនបារម្ភពីសន្តិសុខខ្លួនឯងពេលកូរ៉េខាងជើងកាន់តែអុងអាត់ បាញ់នុយក្លេអ៊ែរផ្តេសផ្តាសលែងស្តាប់បង្គាប់ខ្លួន តែចិនក៏បារម្ភពេលដែលសហគមន៍អន្តរជាតិជាពិសេសអាមេរិកដាក់ទណ្ឌកម្មឯកតោភាគីដើម្បីដាក់គំនៀបលើក្រុងព្យុងយ៉ាង។ កាលណាបើរបបដឹកនាំក្រុងព្យុងយ៉ាងរលំ ចិនក៏ប្រឈមបញ្ហាដូចគ្នា។
ចំណែកបញ្ហាសមុទ្រចិនខាងត្បូង មេដឹកនាំ អាមេរិកក៏ប្រហែលជានឹងលើកឡើងពីភាពតានតឹងបច្ចុប្បន្នដែលបង្កឡើងដោយចិន តាមការវាតទី និងកសាងកោះសិប្បនិម្មិត និងការធ្វើយោធូបនីយកម្មនៅតំបន់ជម្លោះផង។ អាមេរិកឯណោះវិញក៏មិនអន់ជាងចិនដែរ ពោលគឺប្រឹងធ្វើឲ្យបញ្ហាកាន់តែក្តៅ ដោយយកលេសការពារសេរីភាពនាវាចរណ៍ ហើយបញ្ជូននាវាចម្បាំងនិងបង្កើនសកម្មភាពកងទ័ពក្នុងតំបន់ទៀត។ គេរំពឹងថា មេដឹកនាំចិននឹងនៅតែពន្យល់ពីជំហររបស់ចិនក្នុងការដោះស្រាយជម្លោះនិងការពារសកម្មភាពដែលខ្លួនធ្វើផងដើម្បីជម្រះមន្ទិលសង្ស័យក្រុងវ៉ាស៊ីនតោន ៕
សូមស្តាប់ការបកស្រាយរបស់លោក សៅ ផលនិស្ស័យ ៖
ថ្ងៃ ២៨ ខែមីនាម្សិលមិញ អ្នកនាំពាក្យសេតវិមានលោក Josh Earnest បានបញ្ជាក់ថា លោក បារ៉ាក់ អូបាម៉ា នឹងជួបជជែកពិភាក្សាលក្ខណៈត្រីភាគីជាមួយប្រធានាធិបតីកូរ៉េខាងត្បូងលោកស្រី ប៉ាក ហ្គឺនហេ និងនាយករដ្ឋមន្ត្រីជប៉ុនលោក ស៊ីន ហ្សូអាបេ នៅដាច់ដោយឡែកពីកិច្ចប្រជុំកំពូលស្តីពីនុយក្លេអ៊ែរនៅទីក្រុងវ៉ាស៊ីនតោននាថ្ងៃសុក្រខាងមុខ។ ក្នុងថ្ងៃជាមួយគ្នា លោក អូបាម៉ា ក៏នឹងជួបពិភាក្សាទ្វេភាគីជាមួយប្រមុខរដ្ឋចិនលោក ស៊ី ជិនពីងដែរ។
សូមទាញការចាប់អារម្មណ៍បន្តិចដែរ កិច្ចប្រជុំកំពូលសន្តិសុខនុយក្លេអ៊ែរឆ្នាំនេះត្រូវរៀបចំឡើងដោយផ្តោតលើបញ្ហាសន្តិសុខនុយក្លេអ៊ែរជារួម ជាពិសេសធ្វើយ៉ាងណាទប់ស្កាត់មិនឲ្យអាវុធនុយក្លេអ៊ែរធ្លាក់ចូលក្នុងដៃក្រុមភេរវជន ហើយមេដឹកនាំប្រទេសច្រើនជាង ៥០ នឹងចូលរួមក្នុងវេទិការអន្តរជាតិនេះដែរ។ ដូច្នេះវានឹងក្លាយជាពេលវេលាសំខាន់សម្រាប់ប្រទេសនានាជាពិសេសមហាអំណាចទាំងអស់ ក្នុងការស្វែងរកវិធានការថ្មីៗដើម្បីរក្សាសន្តិភាពពិភពលោកនិងប្រឆាំងរាល់ការគំរាមកំហែងសន្តិសុខនានា។
១. ជប៉ុន កូរ៉េខាងត្បូងត្រូវរ៉ូវគ្នារឿងប្រឆាំងកូរ៉េខាងជើង
ជំនួបត្រីភាគីរវាងមេដឹកនាំអាមេរិក ជប៉ុន និងកូរ៉េខាងត្បូង នឹងកា្លយជាវេទិកាដ៏សំខាន់សម្រាប់សម្ព័ន្ធមិត្តទាំងនេះស្វែងរកដំណោះស្រាយសម្រាប់តបតការគំរាមកំហែងដែលបង្កើតឡើងដោយក្រុងព្យុងយ៉ាង។ ជំនួបលើកនេះវាពិសេសត្រង់ថា ស៊ីន ហ្ស៊ូអាបេ និងប៉ាក ហ្គឺនហេ នឹងដើរចួលតុប្រជុំជាមួយគ្នាក្នុងនាមជាសម្ព័ន្ធមិត្តអាមេរិក។ នេះក៏ដោយសារកន្លងមកទំនាក់ទំនងសម្ព័ន្ធមិត្តទាំងពីររបស់អាមេរិកមិនល្អសោះ ហើយកម្រមានណាស់ជំនួបរួមគ្នាបែបនេះ។
អាចថាទំនាក់ទំនងរវាងក្រុងតូក្យូ និងក្រុងសេអ៊ូល ប្រសើរជាមុនច្រើនក្នុងរយៈពេលចុងក្រោយនេះ។ កាលពីខែវិច្ឆិកាឆ្នាំមុន ប៉ាក ហ្គឺនហេ និងស៊ីន ហ្សូអាបេ បានជួបពិភាក្សាជាមួយគ្នាលក្ខណៈទ្វេភាគីជាលើកដំបូងបំផុត តាំងពីឡើងកាន់តំណែងមក។ ការប្រែប្រួលនៃទំនាក់ទំនងប្រទេសទាំងពីរ នេះ ទីមួយដោយសារភាគីឯកភាពគ្នាដោះស្រាយរឿងស្ត្រីទាសករផ្លូវភេទអំឡុងសង្គ្រាមលោកលើកទី២ ហើយជប៉ុនយល់ព្រមបង់លុយសំណងជំងឺចិត្តដល់ជនរងគ្រោះ។ ហើយទីពីរនោះ ភាគីទាំងពីរ មានបញ្ហាប្រឈមផ្នែកសន្តិសុខដូចគ្នាគឺនុយក្លេអ៊ែរកូរ៉េខាងជើងនេះឯង។
ការបាញ់សាកល្បងអាវុធអ៊ីដ្រូសែនកាលពីដើមខែមករាកន្លងទៅ ហើយកូរ៉េខាងជើងនេះក៏អះអាងថាខ្លួនបាញ់សាកល្បងជោគជ័យមីស៊ីលរយៈចម្ងាយឆ្ងាយថែមទៀតក្នុងខែកុម្ភៈកន្លងមកនេះ បានធ្វើឲ្យជប៉ុននិងកូរ៉េខាងត្បូងភ័យព្រួយខ្លាំង។
ត្រលប់មកវិញ ភាគីទាំងបីនឹងយកឱកាសជំនួបនេះជជែកគ្នាពីសហប្រតិបត្តិការសន្តិសុខក្នុងតំបន់សម្រាប់ពេលអនាគតផង និងរកចំណាត់ការដុំកំភួនសម្រាប់ឆ្លើយតបសកម្មភាពគឃ្លើនរបស់ក្រុងព្យុងយ៉ាងផង។ ហើយទំនាក់ទំនងល្អរវាងសម្ព័ន្ធមិត្តអាមេរិកក្នុងតំបន់ទាំងពីរ ជាសញ្ញាវិជ្ជមានសម្រាប់អាមេរិកនិងជាអ្វីដែលរបបដឹកនាំក្រុងវ៉ាស៊ីនតោនចង់បាន។ វានឹងបង្កភាពងាយស្រួលសម្រាប់អាមេរិកក្នុងការដោះស្រាយបញ្ហា និងពង្រីកឥទ្ធិពលរបស់ខ្លួនក្នុងតំបន់ដែរ។
ដោយឡែក បច្ចុប្បន្ននេះ អាមេរិកនិងកូរ៉េខាងត្បូងនៅបន្តជជែកគ្នាជុំវិញគម្រោងពង្រាយប្រព័ន្ធការពារដែនអាកាសស៊េរីទំនើប THAAD របស់អាមេរិកទៅកាន់ឧបទ្វីកូរ៉េដើម្បីការពាររាល់ការវាយឆ្មក់ឬមានការប្រយុទ្ធគ្នាកើតឡើង។ ប៉ុន្តែគម្រោងនេះត្រូវបានរារាំងដោយក្រុងប៉េកាំង ហើយរុស្ស៊ីឯណោះក៏ប្រតិកម្មចំពោះគម្រោងនេះដែរ ដោយអះអាងថាវាប៉ះពាល់ដល់សន្តិសុខរបស់ខ្លួន។
២.ស៊ី ជិនពីងនឹងស្នើឲ្យសន្ទនាគ្នាឡើងវិញដើម្បីដោះស្រាយបញ្ហាបនុយក្លអ៊ែរក្រុងព្យុយ៉ាង
ក្នុងថ្ងៃជាមួយគ្នានោះ លោក បារ៉ាក់ អូបាម៉ា ក៏នឹងមានជំនួបជាមួយលោក ស៊ី ជិនពីង ផងដែរ។ ប្រធានបទជាច្រើននឹងត្រូវលើកឡើងក្នុងជំនួបនេះដែរ ក្នុងនោះមានបញ្ហានុយក្លេអ៊ែរឧបទ្វីបកូរ៉េ បញ្ហាសមុទ្រចិនខាងត្បូងនិង ទំនាក់ទំនងទ្វេភាគីរវាងប្រទេសមហាអំណាចទាំងពីរផងដែរ។
ទាក់ទិនបញ្ហានុយក្លេអ៊ែរកូរ៉េខាងជើង លោក ស៊ី ជិនពីងក៏ត្រៀមស្នើលោក បារ៉ាក់ អូបាម៉ា ឲ្យជ្រោមជ្រែងការសន្ទនាគ្នាឡើងវិញរវាងភាគីពាក់ព័ន្ធដើម្បីដោះស្រាយបញ្ហានុយក្លេអ៊ែរឧបទ្វីបកូរ៉េ។
កាលពីថ្មីៗកន្លងទៅ មហាយក្សចិនជាសម្ព័ន្ធមិត្តកូរ៉េខាងជើងសុខចិត្តអនុញ្ញាតឲ្យដំណោះស្រាយអង្គការសហប្រជាជាតិដាក់ទណ្ឌកម្មកូរ៉េខាងជើងចេញទៅរួច ប៉ុន្តែចិននៅតែបញ្ជាក់ម្តងហើយម្តងទៀតថា ទណ្ឌកម្មមិនមែនជាដំណោះស្រាយឡើយ។ ចិនជឿជាក់ថាមានតែការប្រឹក្សា និងសន្ទនាគ្នាប៉ុណ្ណោះទើបអាចជំរុញឲ្យមានការបញ្ចប់បញ្ហាចម្រូងចម្រាសនុយក្លេអ៊ែរនៅឧបទ្វីបកូរ៉េបាន។
ចិនបារម្ភពីសន្តិសុខខ្លួនឯងពេលកូរ៉េខាងជើងកាន់តែអុងអាត់ បាញ់នុយក្លេអ៊ែរផ្តេសផ្តាសលែងស្តាប់បង្គាប់ខ្លួន តែចិនក៏បារម្ភពេលដែលសហគមន៍អន្តរជាតិជាពិសេសអាមេរិកដាក់ទណ្ឌកម្មឯកតោភាគីដើម្បីដាក់គំនៀបលើក្រុងព្យុងយ៉ាង។ កាលណាបើរបបដឹកនាំក្រុងព្យុងយ៉ាងរលំ ចិនក៏ប្រឈមបញ្ហាដូចគ្នា។
ចំណែកបញ្ហាសមុទ្រចិនខាងត្បូង មេដឹកនាំ អាមេរិកក៏ប្រហែលជានឹងលើកឡើងពីភាពតានតឹងបច្ចុប្បន្នដែលបង្កឡើងដោយចិន តាមការវាតទី និងកសាងកោះសិប្បនិម្មិត និងការធ្វើយោធូបនីយកម្មនៅតំបន់ជម្លោះផង។ អាមេរិកឯណោះវិញក៏មិនអន់ជាងចិនដែរ ពោលគឺប្រឹងធ្វើឲ្យបញ្ហាកាន់តែក្តៅ ដោយយកលេសការពារសេរីភាពនាវាចរណ៍ ហើយបញ្ជូននាវាចម្បាំងនិងបង្កើនសកម្មភាពកងទ័ពក្នុងតំបន់ទៀត។ គេរំពឹងថា មេដឹកនាំចិននឹងនៅតែពន្យល់ពីជំហររបស់ចិនក្នុងការដោះស្រាយជម្លោះនិងការពារសកម្មភាពដែលខ្លួនធ្វើផងដើម្បីជម្រះមន្ទិលសង្ស័យក្រុងវ៉ាស៊ីនតោន ៕
© រក្សាសិទ្ធិដោយ thmeythmey.com
