ជាតិ
នយោបាយជាតិ
ក្រៅពី «មិនបី» ប្រធានស្តីទីបក្សប្រឆាំងប្រាប់ពីយុទ្ធសាស្ត្រ «ធ្វើបី»
×![]()
ដោយ: ថ្មីៗ
នាវេទិកាគណប្រតិបត្តិសង្គ្រោះជាតិ ខេត្តព្រៃវែង នៅព្រឹកថ្ងៃពុធ ទី៣០ ខែមីនា នេះ ឯកឧត្តម កឹម សុខា បានបន្តណែនាំដល់សកម្មជនមូលដ្ឋានរបស់ខ្លួនពីយុទ្ធសាស្ត្រ «មិនបី» និង «ធ្វើបី» សម្រាប់ការត្រៀមខ្លួនចូលរួមការបោះឆ្នោតជ្រើសរើសក្រុមប្រឹក្សាឃុំ-សង្កាត់ ឆ្នាំ២០១៧ ។
ប្រធានស្តីទីគណបក្សសង្គ្រោះជាតិ ឯកឧត្តម កឹម សុខា បានបញ្ជាក់ថា «មិនឈ្លោះ មិនឆ្លើយ មិនឆ្លង» មិនមែនមានន័យថា សមាជិកសភា សមាជិកក្រុមប្រឹក្សាក្នុងតំណែងរដ្ឋទាំងអស់នៅស្ងៀមមិនប្រើប្រាស់តួនាទីរបស់ខ្លួននោះឡើយ ប៉ុន្តែផ្ទុយទៅវិញ អ្នកទាំងនោះ ត្រូវធ្វើការឲ្យកាន់តែសកម្មថែមទៀត។
បន្ថែមពីលើនេះ ឯកឧត្តម កឹម សុខា បានប្រាប់ទៅមេដឹកនាំមូលដ្ឋានរបស់ខ្លួនថា ដើម្បីទាក់ទាញការគាំទ្រ សមាជិកក្រុមប្រឹក្សាក្នុងតំណែងទាំងអស់ ត្រូវចេះឃោសនា ត្រូវចេះនិយាយ ឲ្យមានដំណាក់កាល «ធ្វើបី» គឺ ធ្វើឲ្យគេស្គាល់ ធ្វើឲ្យគេជឿ និង ធ្វើឲ្យគេជួយ ។
ទាក់ទងនឹងយុទ្ធសាស្ត្រ «មិនបី» គណបក្សសង្គ្រោះជាតិនារយៈពេលចុងក្រោយនេះ បានតាំងចិត្តធ្វើគរ ធ្វើថ្លង់ មិនឆ្លើយតបទៅនឹងសកម្មភាពនិស្សិតដែលដឹកនាំដោយលោក ស្រី ចំរើន ដែលព្យាយាមទាមទារការបកស្រាយពីឯកឧត្តម កឹម សុខា ជុំវិញខ្សែអាត់ឆ្លើយឆ្លងស្នេហាមួយដែលគេសង្ស័យថាជាសំឡេងរបស់ឯកឧត្តម កឹម សុខា និងនារីម្នាក់ឈ្មោះ មុំ។
ទោះបីជាយ៉ាងណាក៏ដោយ គណបក្សសង្គ្រោះជាតិ បានចាប់ផ្តើមប្រតិកម្ម បន្ទាប់ពីក្រុមនិស្សិតបានយកទង់ អាវ និងមួកគណបក្សដង្ហែរពេញផ្លូវកាលពីថ្ងៃម្សិលមិញ។ គណបក្សបានចេញសេចក្តីថ្លែងការណ៍ថ្កោលទោស និងរៀបចំប្តឹងទៅតុលាការប្រឆាំងក្រុមនិស្សិតដែលបានយកទង់ អាវ និងមួកគណបក្សធ្វើសកម្មភាពដោយគ្មានការអនុញ្ញាត៕
Tag:
សង្គ្រោះជាតិ
កឹម សុខា
© រក្សាសិទ្ធិដោយ thmeythmey.com
