កីឡាជាតិ
ជាតិ
សម្តេច ហ៊ុន សែន ប្រឹងប្រែងឲ្យចៅម្នាក់ក្លាយជាជម្រើសជាតិបាល់ទាត់ទាល់តែបាន
× ថ្លែងក្នុងពិធីបិទសន្និបាតអប់រំ យុវជន និងកីឡានៅថ្ងៃនេះ សម្តេចនាយករដ្ឋមន្ត្រី ហ៊ុន សែន បានបញ្ជាក់ថា សម្តេចនឹងប្រឹងប្រែងដើម្បីឲ្យចៅយ៉ាចហោចណាស់ម្នាក់ក្នុងចំណោម១០នាក់ក្លាយជាសមាជិកក្រុមកីឡាបាល់ទាត់ជម្រើសជាតិ ជាពិសេសសម្រាប់ព្រឹត្តិការណ៍កីឡាស៊ីហ្គេមនាឆ្នាំ២០២៣ ខាងមុខ។
សម្តេចបានអះអាងថា កូនប្រុសនានារបស់សម្តេច ក៏នឹងចូលរួមក្នុងពិធីជប់លៀងជាមួយក្រុមកីឡាករ-កីឡាការិនី និងថ្នាក់ដឹកនាំកីឡា នាល្ងាចថ្ងៃទី៤ ខែមេសា នៅកោះពេជ្រផងដែរ។
ទាក់ទងនឹងព្រឹត្តិការណ៍ស៊ីហ្គេមឆ្នាំ២០២៣ ខាងមុខ សម្តេច ហ៊ុន សែន បានលើកទឹកចិត្តឲ្យមានផែនការច្បាស់លាស់។ ជាមួយគ្នានេះ សម្តេចបានលើកឡើងថា បើទោះបីជាគ្មានស៊ីហ្គេមក៏ដោយ ក៏កម្ពុជានៅតែពង្រឹងអភិវឌ្ឍន៍វិស័យកីឡាដើម្បីឲ្យក្លាយជាចលនាជាតិមួយសម្រាប់កុមារ និងយុវជន៕
Tag:
សម្តេច ហ៊ុន សែន
អប់រំ
ស៊ីហ្គេម
© រក្សាសិទ្ធិដោយ thmeythmey.com