អន្តរជាតិ
×![]()
ដោយ: ធីតា
ជើងហោះហើរមួយ បានវិលទៅចុះចតនៅក្រុងហាវ៉ៃ សហរដ្ឋអាមេរិកវិញ បន្ទាប់ពីមានបុរសកូរ៉េម្នាក់ព្យាយាមដើរចេញពីកៅអីរបស់ខ្លួន ដើម្បីអង្គុយតាំងសមាធិយោគៈនៅផ្នែកខាងក្រោយនៃយន្តហោះ។ នេះបើតាមការបញ្ជាក់ថាភ្នាក់ងារប៉ូលិស FBI របស់សហរដ្ឋអាមេរិក។
កាលពីថ្ងៃទី២៦ ខែមីនា យន្តហោះក្រុមហ៊ុន United Airlines ដែលត្រូវចេញដំណើរពីអាកាសយានដ្ឋាន Honolulu International Airport ពីកោះហាវ៉ៃ ទៅ Narita International Airport ក្នុងក្រុងតូក្យូ ប្រទេសជប៉ុន បានវិលត្រឡប់ទៅកាន់ទីតាំងចាស់របស់ខ្លួនវិញ បន្ទាប់ពីអ្នកបើកបរ បានលឺសំឡេងបុរសម្នាក់ស្រែកខ្លាំងដាក់បុគ្គលិកបម្រើការលើយន្តហោះ និងភរិយារបស់ខ្លួន។
ភ្នាក់ងារ FBI បានលូកដៃចូលក្នុងរឿងនេះ បន្ទាប់ពីទទួលបណ្តឹងទាក់ទងនឹងឧក្រិដ្ឋកម្ម។ អ្នកដំណើរឈ្មោះ Hyongtae Pae។ Pae បាននិយាយប្រាប់ FBI ថា ខ្លួនមិនចង់អង្គុយលើកៅអីឡើយ ព្រោះគេចង់អង្គុយនៅផ្នែកខាងក្រោយដើម្បីតាំងសមាធិ និងធ្វើយោគៈ។ នេះបើតាមសេចក្តីរាយការណ៍របស់ AP។
បុរសម្នាក់នេះ មានអារម្មណ៍ខឹងសម្បារយ៉ាងខ្លាំង ដោយសារបុគ្គលិកបម្រើការក្នុងយន្តហោះ និងភរិយា ព្យាយាមរារាំងរូបគេ។ យោងតាម Darren Ching ដែលជាជំនួយការផ្នែកច្បាប់ម្នាក់ បានអះអាងថា Pae បានគំរាមសម្លាប់អ្នកដំណើរលើយន្តហោះ ដោយបានស្រែកថា គ្មានអាទិទេពឡើយក្នុងលោកនេះ។
Pae ត្រូវបានឃាត់ខ្លួនជាបណ្តោះអាសន្ន ដោយរង់ចាំសវនាការផ្លូវការ។ Darren Ching បានអះអាងថា៖ «គេមិនអាចដោះលែង Pae បានឡើយ ពីព្រោះគេជាមនុស្សដ៏គ្រោះថ្នាក់ម្នាក់ដែលបានគម្រាមភរិយារបស់ខ្លួន បុគ្គលិកក្នុងយន្តហោះ និងអ្នកដំណើរផ្សេងទៀត»។
ចៅក្រមម្នាក់ឈ្មោះ Kevin Chang បានតម្រូវឲ្យ Pae តម្កល់ប្រាក់២៥០០០ដុល្លារអាមេរិក ប៉ុន្តែត្រូវគោរពនូវលក្ខខណ្ឌមួយចំនួន ដូចជា មិនត្រូវចាកចេញពីកោះ Oahu និងត្រូវទទួលការពិនិត្យផ្នែកចិត្តសាស្ត្រ។
លោក Chang បដិសេធការស្នើសុំឲ្យ Pae វិលត្រឡប់ទៅកាន់ប្រទេសកូរ៉េខាងត្បូងវិញ ដោយសារបារម្ភថា រូបគេនឹងធ្វើសកម្មភាពដដែលនៅលើយន្តហោះ។ មេធាវីម្នាក់របស់ Pae បានអះអាងថា កូនក្តីរបស់ខ្លួនដែលមានអាយុ៧២ឆ្នាំ និងភរិយា បានធ្វើដំណើរពីកូរ៉េខាងត្បូងទៅកោះហាវៃ ជាលើកដំបូងដើម្បីប្រារព្ធខួបអាពាហ៍ពិពាហ៍៤០ឆ្នាំ។
នាអំឡុងនៃការឃុំខ្លួន ភរិយារបស់ Pae ត្រូវបានតម្រូវឲ្យស្នាក់នៅក្នុងសណ្ឋាគារមួយ ដោយមេធាវីកំពុងស្វែងរកជំនួយហិរញ្ញវត្ថុដើម្បីទ្រទ្រង់ការចាយវាយប្រចាំថ្ងៃរបស់គាត់។ Pae បាននិយាយប្រាប់ FBI ថា រូបគេដេកមិនលក់អស់រយៈ១១ថ្ងៃមកហើយ៕
កាលពីថ្ងៃទី២៦ ខែមីនា យន្តហោះក្រុមហ៊ុន United Airlines ដែលត្រូវចេញដំណើរពីអាកាសយានដ្ឋាន Honolulu International Airport ពីកោះហាវ៉ៃ ទៅ Narita International Airport ក្នុងក្រុងតូក្យូ ប្រទេសជប៉ុន បានវិលត្រឡប់ទៅកាន់ទីតាំងចាស់របស់ខ្លួនវិញ បន្ទាប់ពីអ្នកបើកបរ បានលឺសំឡេងបុរសម្នាក់ស្រែកខ្លាំងដាក់បុគ្គលិកបម្រើការលើយន្តហោះ និងភរិយារបស់ខ្លួន។
ភ្នាក់ងារ FBI បានលូកដៃចូលក្នុងរឿងនេះ បន្ទាប់ពីទទួលបណ្តឹងទាក់ទងនឹងឧក្រិដ្ឋកម្ម។ អ្នកដំណើរឈ្មោះ Hyongtae Pae។ Pae បាននិយាយប្រាប់ FBI ថា ខ្លួនមិនចង់អង្គុយលើកៅអីឡើយ ព្រោះគេចង់អង្គុយនៅផ្នែកខាងក្រោយដើម្បីតាំងសមាធិ និងធ្វើយោគៈ។ នេះបើតាមសេចក្តីរាយការណ៍របស់ AP។
បុរសម្នាក់នេះ មានអារម្មណ៍ខឹងសម្បារយ៉ាងខ្លាំង ដោយសារបុគ្គលិកបម្រើការក្នុងយន្តហោះ និងភរិយា ព្យាយាមរារាំងរូបគេ។ យោងតាម Darren Ching ដែលជាជំនួយការផ្នែកច្បាប់ម្នាក់ បានអះអាងថា Pae បានគំរាមសម្លាប់អ្នកដំណើរលើយន្តហោះ ដោយបានស្រែកថា គ្មានអាទិទេពឡើយក្នុងលោកនេះ។
Pae ត្រូវបានឃាត់ខ្លួនជាបណ្តោះអាសន្ន ដោយរង់ចាំសវនាការផ្លូវការ។ Darren Ching បានអះអាងថា៖ «គេមិនអាចដោះលែង Pae បានឡើយ ពីព្រោះគេជាមនុស្សដ៏គ្រោះថ្នាក់ម្នាក់ដែលបានគម្រាមភរិយារបស់ខ្លួន បុគ្គលិកក្នុងយន្តហោះ និងអ្នកដំណើរផ្សេងទៀត»។
ចៅក្រមម្នាក់ឈ្មោះ Kevin Chang បានតម្រូវឲ្យ Pae តម្កល់ប្រាក់២៥០០០ដុល្លារអាមេរិក ប៉ុន្តែត្រូវគោរពនូវលក្ខខណ្ឌមួយចំនួន ដូចជា មិនត្រូវចាកចេញពីកោះ Oahu និងត្រូវទទួលការពិនិត្យផ្នែកចិត្តសាស្ត្រ។
លោក Chang បដិសេធការស្នើសុំឲ្យ Pae វិលត្រឡប់ទៅកាន់ប្រទេសកូរ៉េខាងត្បូងវិញ ដោយសារបារម្ភថា រូបគេនឹងធ្វើសកម្មភាពដដែលនៅលើយន្តហោះ។ មេធាវីម្នាក់របស់ Pae បានអះអាងថា កូនក្តីរបស់ខ្លួនដែលមានអាយុ៧២ឆ្នាំ និងភរិយា បានធ្វើដំណើរពីកូរ៉េខាងត្បូងទៅកោះហាវៃ ជាលើកដំបូងដើម្បីប្រារព្ធខួបអាពាហ៍ពិពាហ៍៤០ឆ្នាំ។
នាអំឡុងនៃការឃុំខ្លួន ភរិយារបស់ Pae ត្រូវបានតម្រូវឲ្យស្នាក់នៅក្នុងសណ្ឋាគារមួយ ដោយមេធាវីកំពុងស្វែងរកជំនួយហិរញ្ញវត្ថុដើម្បីទ្រទ្រង់ការចាយវាយប្រចាំថ្ងៃរបស់គាត់។ Pae បាននិយាយប្រាប់ FBI ថា រូបគេដេកមិនលក់អស់រយៈ១១ថ្ងៃមកហើយ៕
Tag:
សមាធិ
FBI
© រក្សាសិទ្ធិដោយ thmeythmey.com
