ពីនេះ ពីនោះ
ដើមទឹកដោះ, ទឹកដោះព្រៃអាចយកធ្វើជាឱសថប្រឆាំងរោគរាកមួល
× ដើមទឹកដោះ ឬ ទឹកដោះព្រៃ គឺជាឈ្មោះគុម្ពព្រឹក្ស ឬចុល្លព្រឹក្សមួយប្រភេទ ដែលមានកម្ពស់ ពី១ ទៅ២ ម៉ែត្រ។ រុក្ខជាតិនេះ មានដុះនៅក្នុងព្រៃស្រោងលើដីខ្សាច់ នៃប្រទេសឥណ្ឌូចិន ដូចជា កម្ពុជា លាវ វៀតណាមខាងត្បូង និង ថៃ។
ដើមទឹកដោះ, ទឹកដោះព្រៃ ជាប្រភេទរុក្ខជាតិដែលមានផ្កាពណ៌ស អាចស្រុះបរិភោគបាន នៅពេលមានគ្រោះទុរ្ភិក្ស ឬនៅក្នុងសម័យសង្គ្រាមដែលមិនមានអាហារហូបគ្រប់គ្រាន់។ ជាប្រភេទឈើ ដែលមានពណ៌ស វិជ្ឈមាត្រ ប្រហែល ១០ស.ម ហើយគេអាចយកមកធ្វើរបស់ប្រើប្រាស់ក្នុងផ្ទះ និងក្នុងការបូជា ដើមទឹកដោះ ឬ ទឹកដោះព្រៃ ត្រូវបាន គ្រូផ្សំថ្នាំបុរាណ ចាត់ទុករុក្ខជាតិនេះ ជាដើមឱសថប្រឆាំងរោគរាកមួល និងយកស្លឹកប្រើសម្រាប់ព្យាបាលក្មេងៗ ។ សម្រាប់មនុស្សចាស់ គេស្ងោរដើម សំបក និងឫស ឲ្យផឹក ពេលខ្លះអាចត្រាំស្រាស ក៏បានដែរ។
[ដកស្រង់ពីសៀវភៅ៖ វចនានុក្រមការប្រើប្រាស់រុក្ខជាតិក្នុងប្រទេសកម្ពុជា]
© រក្សាសិទ្ធិដោយ thmeythmey.com