អន្តរជាតិ
នាវាមុជទឹកជប៉ុនមួយគ្រឿងសម្ញែងខ្លួននៅផែហ្វីលីពីន បញ្ឆេះចិនក្នុងតំបន់ជម្លោះសមុទ្រចិនខាងត្បូង
ប្រភពរូបភាព៖ The Japan Times
×![]()
បញ្ហាជម្លោះដែនអធិបតេយ្យដែនសមុទ្រចិនខាងត្បូង បានជំរុញឲ្យរដ្ឋាភិបាលក្រុងម៉ានីលប្តូរយុទ្ធសាស្ត្រ ក្នុងការបង្កើនកញ្ចប់ថវិកាការពារជាតិ និងពង្រឹងកិច្ចសហប្រតិបត្តិការយោធាជាមួយនឹងសម្ព័ពន្ធមិត្តកាន់ តែស៊ីជម្រៅ។ ខណៈពេលដែលបញ្ហាជម្លោះសមុទ្រកំពុងតែតានតឹងស្រាប់នោះ នាវាមុជជប៉ុនមួយគ្រឿង បានសម្ងែងខ្លួន នៅកំពង់ផែហ្វីលីពីន ដែលនៅមិនឆ្ងាយពីឆ្នេររបស់ចិនប៉ុន្មាននោះទេ។
នាវាមុជទឹកជប៉ុនមួយគ្រឿងប្រភេទ Oyashio អមជាមួយនឹងនាវាពិឃាតពីរគ្រឿងគឺJS Ariake និងJS Setogiri បានមកដល់កំពង់ផែហ្វីលីពីននៅថ្ងៃទី០៣ ខែមេសា ម្សិលមិញហើយ។ វត្តមានរបស់កងទ័ព ជប៉ុននេះដែរ គឺជាទស្សនកិច្ចដែលតែងតែធ្វើឡើងជាទម្លាប់របស់កងទ័ពជប៉ុននៅក្នុងអតីតមូលដ្ឋានទ័ពនាវាល្បាតរបស់អាមេរិកដែលមានចម្ងាយត្រឹមតែ២០០គីឡូម៉ែតពីឆ្នេររបស់ចិនតែប៉ុណ្ណោះ។
លោកមេបញ្ជាការ Lued Lincuna អ្នកនាំពាក្យកងទ័ពជើងទឹកហ្វីលីពីន បានអះអាងថាទស្សនកិច្ចរបស់ជប៉ុន បានបង្ហាញពីការលើកកម្ពស់នៃសន្តិភាព និងស្ថិរភាពក្នុងតំបន់ និងការពង្រឹងនៃកិច្ចសហប្រតិបត្តិការដែនសមុទ្រជាមួយនឹងទាហានជើងទឹកប្រទេសជិតខាង។
យ៉ាងណាក៏ដោយ វត្តមានរបស់កងទ័ពជើងទឹកជប៉ុន ក្នុងដែនទឹកហ្វីលីពីនដែលក្បែរតំបន់ដែនសមុទ្រជម្លោះ លេចឡើងស្របពេលស្ថានភាពកំពុងតែតានតឹង ជាពិសេសនោះ គឺនៅពេលចិន កំពុងតែបន្តវាតទី និងបំពាក់គ្រឿងសព្វាវុធក្បែរតំបន់ជម្លោះផងដែរនោះ។ ហើយវា អាចនឹងធ្វើឲ្យចិន កាន់តែក្តៅស្លឹកត្រចៀក ដ្បិតគោលនយោបាយការពារជាតិកាន់តែជិតស្និទ្ធរបស់ហ្វីលីពីនជាមួយនឹងបណ្តាប្រទេសសម្ព័ន្ធមិត្ត។
១. ហ្វីលីពីន ប្រកៀកស្មាជាមួយនឹងជប៉ុន ប្រឆាំងចិនដែលជាដៃគូជម្លោះរួម?
ក្នុងក្រសែភ្នែកអ្នកវិភាគ ការបង្ហាញគោលជំហរជិតស្និទ្ធរវាងជប៉ុន និងហ្វីលីពីន មិនមែនត្រឹមតែបង្កើន ទំនាក់ទំនងជិតខាងប៉ុណ្ណោះនោះទេ តែវា ក៏អាចជាផ្នែកមួយនៃការចាប់ដៃគ្នារវាងប្រទេសទាំងពីរដើម្បី ប្រឆាំងចិនដែលសត្រូវរួមក្នុងជម្លោះដែនអធិបតេយ្យនោះ។ ចិន មិនត្រឹមតែមានជម្លោះជាមួយនឹងហ្វីលីពីនក្នុងសមុទ្រចិនខាងត្បូងនោះទេ តែមានជម្លោះជាមួយនឹងជប៉ុនក្នុងដែនកោះស៊ិនកាគុជាច្រើនទសវត្សរ៍ផងដែរ។
ជុំវិញទំនាក់ទំនងហ្វីលីពីន និងជប៉ុនដែរ នៅថ្ងៃទី០៩ ខែមីនាកន្លងទៅ លោកប្រធានាធិបតីហ្វីលីពីន ប៊ែរនីណូ អាហ្គីណូ (Benigno Aquino) ក៏បានប្រកាសថា ហ្វីលីពីន ត្រៀមចុះកិច្ចព្រមព្រៀងដើម្បីជួលយន្តហោះចម្បាំង៥គ្រឿងពីជប៉ុនដើម្បី សម្រួលប្រតិបត្តិការ ការពារ និងប្រឆាំងនឹងសកម្មភាពរបស់ចិននៅក្នុងតំបន់ជម្លោះសមុទ្រចិនខាងត្បូងផងដែរ។
២. អាមេរិក ត្រៀមដាក់មូលដ្ឋានយោធានៅហ្វីលីពីន ជួយការពារហ្វីលីពីនធានាសន្តិសុខដែនសមុទ្រ
អ្វីគួរកត់សម្គាល់នោះ ក្នុងស្ថានភាពកាន់តែតានតឹងខ្លាំង ហ្វីលីពីន កាន់តែបើកចំហគោលនយោបាយការបរទេសរបស់ខ្លួនក្នុងការស្វាគមន៍សម្ព័ន្ធមិត្តដើម្បីជួយសម្រួល និងការពារសុវត្ថិភាពដែនសមុទ្រ ក៏ដូចជា ហ្វឹកហ្វឺនកងទ័ពហ្វីលីពីនឲ្យកាន់តែខ្លាំងក្លាឡើង។ កាលពីថ្មីៗនេះ រដ្ឋាភិបាលក្រុងម៉ានីល ក៏បានព្រម ឲ្យអាមេរិក មកដាក់មូលដ្ឋានទ័ពប្រាំកន្លែងនៅក្នុងទឹកដីហ្វីលីពីនដែលស្ថិតក្បែរតំបន់ជម្លោះសមុទ្រចិនខាងត្បូងផងដែរ។
ការផ្តល់មូលដ្ឋានយោធាប្រាំកន្លែងនោះដែរ ធ្វើឡើងក្រោម កិច្ចព្រមព្រៀងកិច្ចសហប្រតិបត្តិការពង្រឹងវិស័យការពារដែលបានចុះហត្ថលេខានៅឆ្នាំ២០១៤។ កិច្ចព្រមព្រៀងកិច្ចសហប្រតិបត្តិការពង្រឹងវិស័យការពារ នឹងផ្តល់លទ្ធភាពឲ្យកងទ័ពអាមេរិកអាចបំពាក់សព្វាវុធ និងបញ្ជូនកងទ័ពរបស់ខ្លួនមកកាន់ទឹកដីហ្វីលីពីនបានដោយស្របច្បាប់។ បន្ថែមពីនេះ កិច្ចព្រមព្រៀងនេះ ក៏នឹងផ្តល់អត្ថប្រយោជន៍សម្រាប់កងទ័ពហ្វីលីពីន ក្នុងការទទួលបាន ការហ្វឹកហ្វឺនបន្ថែមពីអាមេរិក ការការពារសន្តិសុខដែនសមុទ្រ និងប្រតិបត្តិការមនុស្សធម៌ និងមហន្ត រាយផ្សេងៗទៀតផង។
សូមបញ្ជាក់ផងដែរថា បញ្ហាសមុទ្រចិនខាងត្បូង គឺជាជម្លោះដែនអធិបតេយ្យរវាងព្រុយណេ ម៉ាឡេស៊ី ហ្វីលីពីន វៀតណាម និងចិន។ អវត្តមានក្នុងការស្វែងរកដំណោះស្រាយរួមគ្នារវាងភាគីពាក់ព័ន្ធ បាន ធ្វើឲ្យជម្លោះនេះ ឈានទៅដល់ការប្រឈមមុខទាំងផ្នែកការទូត និងការបង្ហាញសាច់ដុំផ្នែកយោធាជាពិសេសនោះ នៅពេលដែលចិន បាននិងបន្តវាតទីក្នុងតំបន់ជម្លោះដោយឯកតោភាគីក្រោមហេតុផលនៃការកើនឡើងនៃតម្រូវការរបស់ ប្រជាជនភ្ជាប់ជាមួយនឹងអំណេះអំណាងប្រវត្តិសាស្ត្រនៃការកាន់កាប់សមុទ្រចិនខាងត្បូងផងដែរនោះ៕
នាវាមុជទឹកជប៉ុនមួយគ្រឿងប្រភេទ Oyashio អមជាមួយនឹងនាវាពិឃាតពីរគ្រឿងគឺJS Ariake និងJS Setogiri បានមកដល់កំពង់ផែហ្វីលីពីននៅថ្ងៃទី០៣ ខែមេសា ម្សិលមិញហើយ។ វត្តមានរបស់កងទ័ព ជប៉ុននេះដែរ គឺជាទស្សនកិច្ចដែលតែងតែធ្វើឡើងជាទម្លាប់របស់កងទ័ពជប៉ុននៅក្នុងអតីតមូលដ្ឋានទ័ពនាវាល្បាតរបស់អាមេរិកដែលមានចម្ងាយត្រឹមតែ២០០គីឡូម៉ែតពីឆ្នេររបស់ចិនតែប៉ុណ្ណោះ។
លោកមេបញ្ជាការ Lued Lincuna អ្នកនាំពាក្យកងទ័ពជើងទឹកហ្វីលីពីន បានអះអាងថាទស្សនកិច្ចរបស់ជប៉ុន បានបង្ហាញពីការលើកកម្ពស់នៃសន្តិភាព និងស្ថិរភាពក្នុងតំបន់ និងការពង្រឹងនៃកិច្ចសហប្រតិបត្តិការដែនសមុទ្រជាមួយនឹងទាហានជើងទឹកប្រទេសជិតខាង។
យ៉ាងណាក៏ដោយ វត្តមានរបស់កងទ័ពជើងទឹកជប៉ុន ក្នុងដែនទឹកហ្វីលីពីនដែលក្បែរតំបន់ដែនសមុទ្រជម្លោះ លេចឡើងស្របពេលស្ថានភាពកំពុងតែតានតឹង ជាពិសេសនោះ គឺនៅពេលចិន កំពុងតែបន្តវាតទី និងបំពាក់គ្រឿងសព្វាវុធក្បែរតំបន់ជម្លោះផងដែរនោះ។ ហើយវា អាចនឹងធ្វើឲ្យចិន កាន់តែក្តៅស្លឹកត្រចៀក ដ្បិតគោលនយោបាយការពារជាតិកាន់តែជិតស្និទ្ធរបស់ហ្វីលីពីនជាមួយនឹងបណ្តាប្រទេសសម្ព័ន្ធមិត្ត។
១. ហ្វីលីពីន ប្រកៀកស្មាជាមួយនឹងជប៉ុន ប្រឆាំងចិនដែលជាដៃគូជម្លោះរួម?
ក្នុងក្រសែភ្នែកអ្នកវិភាគ ការបង្ហាញគោលជំហរជិតស្និទ្ធរវាងជប៉ុន និងហ្វីលីពីន មិនមែនត្រឹមតែបង្កើន ទំនាក់ទំនងជិតខាងប៉ុណ្ណោះនោះទេ តែវា ក៏អាចជាផ្នែកមួយនៃការចាប់ដៃគ្នារវាងប្រទេសទាំងពីរដើម្បី ប្រឆាំងចិនដែលសត្រូវរួមក្នុងជម្លោះដែនអធិបតេយ្យនោះ។ ចិន មិនត្រឹមតែមានជម្លោះជាមួយនឹងហ្វីលីពីនក្នុងសមុទ្រចិនខាងត្បូងនោះទេ តែមានជម្លោះជាមួយនឹងជប៉ុនក្នុងដែនកោះស៊ិនកាគុជាច្រើនទសវត្សរ៍ផងដែរ។
ជុំវិញទំនាក់ទំនងហ្វីលីពីន និងជប៉ុនដែរ នៅថ្ងៃទី០៩ ខែមីនាកន្លងទៅ លោកប្រធានាធិបតីហ្វីលីពីន ប៊ែរនីណូ អាហ្គីណូ (Benigno Aquino) ក៏បានប្រកាសថា ហ្វីលីពីន ត្រៀមចុះកិច្ចព្រមព្រៀងដើម្បីជួលយន្តហោះចម្បាំង៥គ្រឿងពីជប៉ុនដើម្បី សម្រួលប្រតិបត្តិការ ការពារ និងប្រឆាំងនឹងសកម្មភាពរបស់ចិននៅក្នុងតំបន់ជម្លោះសមុទ្រចិនខាងត្បូងផងដែរ។
២. អាមេរិក ត្រៀមដាក់មូលដ្ឋានយោធានៅហ្វីលីពីន ជួយការពារហ្វីលីពីនធានាសន្តិសុខដែនសមុទ្រ
អ្វីគួរកត់សម្គាល់នោះ ក្នុងស្ថានភាពកាន់តែតានតឹងខ្លាំង ហ្វីលីពីន កាន់តែបើកចំហគោលនយោបាយការបរទេសរបស់ខ្លួនក្នុងការស្វាគមន៍សម្ព័ន្ធមិត្តដើម្បីជួយសម្រួល និងការពារសុវត្ថិភាពដែនសមុទ្រ ក៏ដូចជា ហ្វឹកហ្វឺនកងទ័ពហ្វីលីពីនឲ្យកាន់តែខ្លាំងក្លាឡើង។ កាលពីថ្មីៗនេះ រដ្ឋាភិបាលក្រុងម៉ានីល ក៏បានព្រម ឲ្យអាមេរិក មកដាក់មូលដ្ឋានទ័ពប្រាំកន្លែងនៅក្នុងទឹកដីហ្វីលីពីនដែលស្ថិតក្បែរតំបន់ជម្លោះសមុទ្រចិនខាងត្បូងផងដែរ។
ការផ្តល់មូលដ្ឋានយោធាប្រាំកន្លែងនោះដែរ ធ្វើឡើងក្រោម កិច្ចព្រមព្រៀងកិច្ចសហប្រតិបត្តិការពង្រឹងវិស័យការពារដែលបានចុះហត្ថលេខានៅឆ្នាំ២០១៤។ កិច្ចព្រមព្រៀងកិច្ចសហប្រតិបត្តិការពង្រឹងវិស័យការពារ នឹងផ្តល់លទ្ធភាពឲ្យកងទ័ពអាមេរិកអាចបំពាក់សព្វាវុធ និងបញ្ជូនកងទ័ពរបស់ខ្លួនមកកាន់ទឹកដីហ្វីលីពីនបានដោយស្របច្បាប់។ បន្ថែមពីនេះ កិច្ចព្រមព្រៀងនេះ ក៏នឹងផ្តល់អត្ថប្រយោជន៍សម្រាប់កងទ័ពហ្វីលីពីន ក្នុងការទទួលបាន ការហ្វឹកហ្វឺនបន្ថែមពីអាមេរិក ការការពារសន្តិសុខដែនសមុទ្រ និងប្រតិបត្តិការមនុស្សធម៌ និងមហន្ត រាយផ្សេងៗទៀតផង។
សូមបញ្ជាក់ផងដែរថា បញ្ហាសមុទ្រចិនខាងត្បូង គឺជាជម្លោះដែនអធិបតេយ្យរវាងព្រុយណេ ម៉ាឡេស៊ី ហ្វីលីពីន វៀតណាម និងចិន។ អវត្តមានក្នុងការស្វែងរកដំណោះស្រាយរួមគ្នារវាងភាគីពាក់ព័ន្ធ បាន ធ្វើឲ្យជម្លោះនេះ ឈានទៅដល់ការប្រឈមមុខទាំងផ្នែកការទូត និងការបង្ហាញសាច់ដុំផ្នែកយោធាជាពិសេសនោះ នៅពេលដែលចិន បាននិងបន្តវាតទីក្នុងតំបន់ជម្លោះដោយឯកតោភាគីក្រោមហេតុផលនៃការកើនឡើងនៃតម្រូវការរបស់ ប្រជាជនភ្ជាប់ជាមួយនឹងអំណេះអំណាងប្រវត្តិសាស្ត្រនៃការកាន់កាប់សមុទ្រចិនខាងត្បូងផងដែរនោះ៕
Tag:
នាវាមុជជប៉ុន
© រក្សាសិទ្ធិដោយ thmeythmey.com
