ខេមបូឌានលីក៖ អាស៊ីអឺរ៉ុប ប៉ះ ណាហ្គាវើល នៅពហុកីឡដ្ឋានជាតិ នាល្ងាចនេះ

កីឡាជាតិ

ជាតិ

ខេមបូឌានលីក៖ អាស៊ីអឺរ៉ុប ប៉ះ ណាហ្គាវើល នៅពហុកីឡដ្ឋានជាតិ នាល្ងាចនេះ

08, Apr 2016 , 11:34 am

រូបភាព

ដោយ: ថ្មីៗ

ក្រុមបាតតារាងអាស៊ីអឺរ៉ុប ដែលទទួលបាន១ពិន្ទុលើកដំបូងពីការប្រកួត៤លើកកន្លងមកនោះ នឹងត្រូវប៉ះជាមួយណាហ្គាវើល សម្រាប់ការប្រកួតបើកឆាកសប្តាហ៍ទី៥នៃក្របខណ្ឌមិត្តហ្វូនខេមបូឌានលីកឆ្នាំ២០១៦ នាវេលាម៉ោង៦ល្ងាចនេះ នៅពហុកីឡដ្ឋានជាតិ។

ខ្សែប្រយុទ្ធ ជួន ជុំ និងខ្សែការពារ ចាន់ តារា របស់អាស៊ីអឺរ៉ុប ត្រូវប្រឈមជាមួយណាហ្គាវើលដែលជាក្រុមចាស់របស់ខ្លួន ខណៈពួកគេព្យាយាមស្វែងរកជ័យជម្នះលើកដំបូងប្រចាំរដូវកាល។

ណាហ្គាវើល បានចាញ់ម្ចាស់ផ្ទះព្រះខ័នរាជស្វាយរៀង កាលពីសប្តាហ៍មុន ដែលធ្វើឲ្យពួកគេស្ថិតនៅលេខរៀងទី៦ ដោយមាន៤ពិន្ទុ ពីការប្រកួត៤លើក។ ជ័យជម្នះអាចនាំឲ្យក្រុមរបស់លោក មាស ចាន់ណា ឡើងទៅឈរលេខ៤បណ្តោះអាសន្នជំនួសខេមបូឌានថាយហ្គឺរ៕