អន្តរជាតិ
កងការពារជាតិថ្មីរបស់រុស្ស៊ីសម្រាប់ការពារអំណាចលោក ពូទីន ឬ ប្រឆាំងភេរវកម្ម?
×![]()
ដោយ: ថ្មីៗ
ប្រធានាធិបតីរុស្ស៊ីលោក វ្ល៉ាឌីមៀ ពូទីន បានសម្រេចបង្កើតអង្គភាពការពារជាតិពិសេស សម្រាប់ប្រឆាំងភេរវកម្ម និងទទួលខុសត្រូវបញ្ហាសន្តិសុខផ្ទៃក្នុងដូចជាប្រឆាំងកុប្បកម្ម និងទទួលបន្ទុកឆ្លើយតបបញ្ហាសន្តិសុខធ្ងន់ធ្ងរ។ អង្គភាពពិសេសនឹងក្លាយជាកងកម្លាំងផ្ទាល់ខ្លួនរបស់លោក ពូទីន ហើយគេវាយតម្លៃថា វានឹងមានតួនាទីគ្រប់គ្រងស្ថានការណ៍ និងប្រឆាំងបញ្ហាអស្ថិរភាព ឬចលនាប្រឆាំងលោក ពូទីន ក្នុងស្រុកផងដែរ។
សូមស្ដាប់ព័ត៌មានលម្អិត៖
អង្គភាពការពារជាតិពិសេសនឹងត្រូវបង្កើតឡើងក្រោមបទបញ្ជារបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ដែលបានដាក់ចេញកាលពីដើមសប្តាហ៍នេះ។ កងកម្លាំងពិសេសដែលមានឈ្មោះថា«កងការពារជាតិ» មានតួនាទីចម្បងបំផុត ប្រយុទ្ធប្រឆាំងក្រុមភេរវជន ហើយក្រៅពីនេះ ក្រុមនេះក៏ បំពេញភារកិច្ច ដើម្បីទប់ស្កាត់ការគំរាមកំហែងសន្តិសុខក្នុងកាលៈទេសៈពិសេស។
យោងតាមទីភ្នាក់ងារព័ត៌មានចិន Xinhua កងកម្លាំងថ្មីនេះនឹងដណ្តើមតួនាទីមួយចំនួនពីកងកម្លាំងក្រសួងមហាផ្ទៃ ហើយពួកគេដើរតួសំខាន់ក្នុងការរក្សាស្ថិរភាពនិងសន្តិសុខនៅរុស្ស៊ីក្រៅពីកម្ចាត់ចលនាភេរវកម្ម។ យ៉ាងណាមិញ គេមើលឃើញថា វាមិនមែនជារឿងចាំបាច់ឡើយដើម្បីបង្កើតអង្គភាពពិសេសនេះឡើង ប៉ុន្តែអាចថា វាជាការរៀបជើងព្រួលដើម្បីរក្សាស្ថិរភាពនិងទប់ស្កាត់រាល់ចលនាប្រឆាំងរបបដឹកនាំក្រុងមូស្គូទៅវិញ។
តាមពិតទៅ លោក ពូទីន មិនមែនជាមនុស្សដំបូងគេដែលស្នើបង្កើតអង្គភាពពិសេសនេះឡើយ ។ ប្រធានាធិបតី Boris Yelsin ឡើងកាន់តំណែងដើមឆ្នាំ ១៩៩០ លោកក៏ធ្លាប់ស្នើបង្កើតអង្គភាពពិសេសបែបនេះដែរ ដោយសារអស្ថិរភាពនយោបាយ ហើយរដ្ឋាភិបាលលោកប្រឈមបញ្ហាច្រើនដែរដោយសារកងកម្លាំងមិនសូវស្មោះស្ម័គ្រជាមួយលោក។ ក្រោយមក ចលនាប្រឆាំងលោកកើតមានមែន ក្នុងពេលប្រទេសធ្លាក់ចូលក្នុងវិបត្តិរដ្ឋធម្មនុញ្ញពេលដែលសភាប៉ងធ្វើរដ្ឋប្រហារទម្លាក់លោកចេញពីតំណែង។
នៅក្នុងឆ្នាំ ២០១២ រដ្ឋាភិបាលរុស្ស៊ីក៏ចាប់ផ្តើមជជែកពីគម្រោងបង្កើតកម្លាំងពិសេសនេះតែម្តង ស្របពេលដែលមានចលនាបាតុកម្មទ្រង់ទ្រាយធំប្រឆាំងការបោះឆ្នោតសភានិងប្រធានាធិបតីដ៏ចម្រូងចម្រាស កើតឡើង ពោលគឺពេលដែលលោក ពូទីន ជាប់ឆ្នោតជាប្រធានាធិបតីអាណត្តិទី២ទៀត។
-អង្គភាពពិសេសត្រៀមប្រឆាំងអសន្តិសុខពេលបោះឆ្នោតខាងមុខ?
យោងតាមបទបញ្ជារបស់លោក ចេញពីថ្ងៃអង្គារដើមសប្តាហ៍ដែលចុះហត្ថលេខាដោយលោក ពូទីន ផ្ទាល់នោះ កងការពារពិសេសមានសមត្ថកិច្ចថែរក្សាសណ្តាប់ធ្នាប់សាធារណ ប្រឆាំងភេរវកម្មនិងចលនាជ្រុលនិយម ការពារស្ថាប័នរដ្ឋាភិបាល ជួយគាំទ្រសកម្មភាពការពារបូរណភាពដែនដី និងគ្រប់គ្រងការជួញដូរអាវុធផង។
ដូចលើកឡើងខាងលើស្រាប់ អង្គភាពថ្មីនឹងដណ្តើមការងារកងកម្លាំងយោធា និងកងសន្តិសុខសហព័ន្ធ។ ដោយសារតែមិនមានការកំណត់ឲ្យដាច់ដោយឡែកពីតួនាទី និងមុខងាររវាងក្រុមនេះជាមួយកងកម្លាំងយោធានិងកងសន្តិសុខសហព័ន្ធនេះហើយ ទើបគេវាយតម្លៃថា កងការពារជាតិថ្មីដែលលោកពូទីន បញ្ជាឲ្យបង្កើតនោះមិនមានគោលដៅចម្បងប្រឆាំងភេរវកម្មទេ តែវានឹងក្លាយជាកងកម្លាំងផ្ទាល់របស់លោក។ហើយរឿងដែលគួរឲ្យកត់សម្គាល់គឺប្រធានកងសន្តិសុខផ្ទាល់របស់លោក ពូទីន លោក Viktor Zolotov ដែលត្រូវបានគេស្គាល់ថាជាមនុស្សស្មោះស្ម័គ្រនិងគោរពលោក ពូទីន ខ្លាំងបំផុតនោះក្លាយជាប្រមុខអង្គភាពថ្មីនេះដែរ។
អាចថានេះជាវិធានការសំខាន់មួយដើម្បីទប់ស្កាត់បញ្ហាសន្តិសុខដែលអាចនឹងកើតឡើងក្រោយការបោះឆ្នោតសភានៅឆ្នាំចុងឆ្នាំ ២០១៦នេះ ហើយនិងការបោះឆ្នោតប្រធានាធិបតីនៅឆ្នាំ ២០១៨នោះ។ មិនមែនសម្រាប់តែទប់ស្កាត់ការប្រឆាំងរបស់ប្រជាជនទូទៅទេ វាក៏នឹងក្លាយជាមធ្យោបាយបង្ក្រាបក្រុមអភិជនរុស្ស៊ីដែលមិនពេញចិត្តលោក ពូទីន ដែរ។
អ្នកវិភាគនយោបាយរុស្ស៊ីលោក Dmitry Oreshkin បានពន្យល់ដែរថា កងកម្លាំងថ្មីមិនមែនជាកងការពារជាតិទេ តែវាជាកងការពារលោក ពូទីន ទៅវិញទេ ហើយលោកយល់ស្របថារបបដឹកនាំក្រេមឡាំងបារម្ភពីបញ្ហាសន្តិសុខដែលអាចកើតមានឡើងក្រោយការបោះឆ្នោត។
បញ្ហាប្រឈមបច្ចុប្បន្នជាពិសេសវិបត្តិសេដ្ឋកិច្ចបង្កឡើងដោយការធ្លាក់ចុះតម្លៃប្រេងឆៅ និងទណ្ឌកម្មលោកខាងលិចដោយសារឈ្លានពានអ៊ុយក្រែន បង្កឲ្យ អភិជនរុស្ស៊ីបែកខ្ញែកគ្នា ហើយលោក ពូទីន ក៏មិនទុកចិត្តថា វាពិតជាគ្មានអ្នកប្រឆាំងលោកក្នុងជួរថ្នាក់ដឹកនាំដែរ។
យ៉ាងណាមិនទាន់បានទទួលព័ត៌មានលម្អិតឡើយជុំវិញចំនួនកងទ័ពដែលស្ថិតក្នុងអង្គភាពថ្មីនេះ ប៉ុន្តែបើយោងតាមសារព័ត៌មាន Financial Times កងកម្លាំងស្ថិតក្រោមចំណុះស្ថាប័ននេះ មានចន្លោះពី ៣៥ម៉ឺន ទៅ ៤០ម៉ឺននាក់ឯណោះ៕
សូមស្ដាប់ព័ត៌មានលម្អិត៖
អង្គភាពការពារជាតិពិសេសនឹងត្រូវបង្កើតឡើងក្រោមបទបញ្ជារបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន ដែលបានដាក់ចេញកាលពីដើមសប្តាហ៍នេះ។ កងកម្លាំងពិសេសដែលមានឈ្មោះថា«កងការពារជាតិ» មានតួនាទីចម្បងបំផុត ប្រយុទ្ធប្រឆាំងក្រុមភេរវជន ហើយក្រៅពីនេះ ក្រុមនេះក៏ បំពេញភារកិច្ច ដើម្បីទប់ស្កាត់ការគំរាមកំហែងសន្តិសុខក្នុងកាលៈទេសៈពិសេស។
យោងតាមទីភ្នាក់ងារព័ត៌មានចិន Xinhua កងកម្លាំងថ្មីនេះនឹងដណ្តើមតួនាទីមួយចំនួនពីកងកម្លាំងក្រសួងមហាផ្ទៃ ហើយពួកគេដើរតួសំខាន់ក្នុងការរក្សាស្ថិរភាពនិងសន្តិសុខនៅរុស្ស៊ីក្រៅពីកម្ចាត់ចលនាភេរវកម្ម។ យ៉ាងណាមិញ គេមើលឃើញថា វាមិនមែនជារឿងចាំបាច់ឡើយដើម្បីបង្កើតអង្គភាពពិសេសនេះឡើង ប៉ុន្តែអាចថា វាជាការរៀបជើងព្រួលដើម្បីរក្សាស្ថិរភាពនិងទប់ស្កាត់រាល់ចលនាប្រឆាំងរបបដឹកនាំក្រុងមូស្គូទៅវិញ។
តាមពិតទៅ លោក ពូទីន មិនមែនជាមនុស្សដំបូងគេដែលស្នើបង្កើតអង្គភាពពិសេសនេះឡើយ ។ ប្រធានាធិបតី Boris Yelsin ឡើងកាន់តំណែងដើមឆ្នាំ ១៩៩០ លោកក៏ធ្លាប់ស្នើបង្កើតអង្គភាពពិសេសបែបនេះដែរ ដោយសារអស្ថិរភាពនយោបាយ ហើយរដ្ឋាភិបាលលោកប្រឈមបញ្ហាច្រើនដែរដោយសារកងកម្លាំងមិនសូវស្មោះស្ម័គ្រជាមួយលោក។ ក្រោយមក ចលនាប្រឆាំងលោកកើតមានមែន ក្នុងពេលប្រទេសធ្លាក់ចូលក្នុងវិបត្តិរដ្ឋធម្មនុញ្ញពេលដែលសភាប៉ងធ្វើរដ្ឋប្រហារទម្លាក់លោកចេញពីតំណែង។
នៅក្នុងឆ្នាំ ២០១២ រដ្ឋាភិបាលរុស្ស៊ីក៏ចាប់ផ្តើមជជែកពីគម្រោងបង្កើតកម្លាំងពិសេសនេះតែម្តង ស្របពេលដែលមានចលនាបាតុកម្មទ្រង់ទ្រាយធំប្រឆាំងការបោះឆ្នោតសភានិងប្រធានាធិបតីដ៏ចម្រូងចម្រាស កើតឡើង ពោលគឺពេលដែលលោក ពូទីន ជាប់ឆ្នោតជាប្រធានាធិបតីអាណត្តិទី២ទៀត។
-អង្គភាពពិសេសត្រៀមប្រឆាំងអសន្តិសុខពេលបោះឆ្នោតខាងមុខ?
យោងតាមបទបញ្ជារបស់លោក ចេញពីថ្ងៃអង្គារដើមសប្តាហ៍ដែលចុះហត្ថលេខាដោយលោក ពូទីន ផ្ទាល់នោះ កងការពារពិសេសមានសមត្ថកិច្ចថែរក្សាសណ្តាប់ធ្នាប់សាធារណ ប្រឆាំងភេរវកម្មនិងចលនាជ្រុលនិយម ការពារស្ថាប័នរដ្ឋាភិបាល ជួយគាំទ្រសកម្មភាពការពារបូរណភាពដែនដី និងគ្រប់គ្រងការជួញដូរអាវុធផង។
ដូចលើកឡើងខាងលើស្រាប់ អង្គភាពថ្មីនឹងដណ្តើមការងារកងកម្លាំងយោធា និងកងសន្តិសុខសហព័ន្ធ។ ដោយសារតែមិនមានការកំណត់ឲ្យដាច់ដោយឡែកពីតួនាទី និងមុខងាររវាងក្រុមនេះជាមួយកងកម្លាំងយោធានិងកងសន្តិសុខសហព័ន្ធនេះហើយ ទើបគេវាយតម្លៃថា កងការពារជាតិថ្មីដែលលោកពូទីន បញ្ជាឲ្យបង្កើតនោះមិនមានគោលដៅចម្បងប្រឆាំងភេរវកម្មទេ តែវានឹងក្លាយជាកងកម្លាំងផ្ទាល់របស់លោក។ហើយរឿងដែលគួរឲ្យកត់សម្គាល់គឺប្រធានកងសន្តិសុខផ្ទាល់របស់លោក ពូទីន លោក Viktor Zolotov ដែលត្រូវបានគេស្គាល់ថាជាមនុស្សស្មោះស្ម័គ្រនិងគោរពលោក ពូទីន ខ្លាំងបំផុតនោះក្លាយជាប្រមុខអង្គភាពថ្មីនេះដែរ។
អាចថានេះជាវិធានការសំខាន់មួយដើម្បីទប់ស្កាត់បញ្ហាសន្តិសុខដែលអាចនឹងកើតឡើងក្រោយការបោះឆ្នោតសភានៅឆ្នាំចុងឆ្នាំ ២០១៦នេះ ហើយនិងការបោះឆ្នោតប្រធានាធិបតីនៅឆ្នាំ ២០១៨នោះ។ មិនមែនសម្រាប់តែទប់ស្កាត់ការប្រឆាំងរបស់ប្រជាជនទូទៅទេ វាក៏នឹងក្លាយជាមធ្យោបាយបង្ក្រាបក្រុមអភិជនរុស្ស៊ីដែលមិនពេញចិត្តលោក ពូទីន ដែរ។
អ្នកវិភាគនយោបាយរុស្ស៊ីលោក Dmitry Oreshkin បានពន្យល់ដែរថា កងកម្លាំងថ្មីមិនមែនជាកងការពារជាតិទេ តែវាជាកងការពារលោក ពូទីន ទៅវិញទេ ហើយលោកយល់ស្របថារបបដឹកនាំក្រេមឡាំងបារម្ភពីបញ្ហាសន្តិសុខដែលអាចកើតមានឡើងក្រោយការបោះឆ្នោត។
បញ្ហាប្រឈមបច្ចុប្បន្នជាពិសេសវិបត្តិសេដ្ឋកិច្ចបង្កឡើងដោយការធ្លាក់ចុះតម្លៃប្រេងឆៅ និងទណ្ឌកម្មលោកខាងលិចដោយសារឈ្លានពានអ៊ុយក្រែន បង្កឲ្យ អភិជនរុស្ស៊ីបែកខ្ញែកគ្នា ហើយលោក ពូទីន ក៏មិនទុកចិត្តថា វាពិតជាគ្មានអ្នកប្រឆាំងលោកក្នុងជួរថ្នាក់ដឹកនាំដែរ។
យ៉ាងណាមិនទាន់បានទទួលព័ត៌មានលម្អិតឡើយជុំវិញចំនួនកងទ័ពដែលស្ថិតក្នុងអង្គភាពថ្មីនេះ ប៉ុន្តែបើយោងតាមសារព័ត៌មាន Financial Times កងកម្លាំងស្ថិតក្រោមចំណុះស្ថាប័ននេះ មានចន្លោះពី ៣៥ម៉ឺន ទៅ ៤០ម៉ឺននាក់ឯណោះ៕
Tag:
កងកម្លាំងការពារជាតិរុស្ស៊ី
វ្ល៉ាឌីមៀ ពូទីន
រុស្ស៊ី
© រក្សាសិទ្ធិដោយ thmeythmey.com
